लूका 12:30 - गढवली नयो नियम

³⁰ दुनिया कि अन्यजातियों जु परमेश्वर तैं नि जणदींनि सभि चीजों कि खोज मा रौदींनि पर तुमारो स्वर्गीय बुबा जंणदु च कि तुम तैं यूं सभि चीजों कि जरूरत च।

Garhwali

³⁰ किलैकि ईं दुनियां का लोग यों सब चीजों की तलास मा रौनदिन, अर तुमरो पिता जणदु च कि तुमतै यों चीजों की जरुरत च।

लूका 12:30 Referans Kwoze

मत्ती 6:32

किलैकि अन्यजाति का लोग यूं सभि चीजों कि खोज मा रौदींनि पर तुमारो स्वर्गीय बुबा जंणदु च कि तुम तैं यूं सभि चीजों कि जरूरत च इलै चिंता नि करयां।

मत्ती 6:8

इलै तुम ऊं जन नि बंणा किलैकि तुमारो बुबा तुमारा मंगण से पैली ही जंणदो च कि तुमारी क्य जरूरत छिनी।

इफिसुस 4:17

इलै कि वे अधिकार का दगड़ी जु प्रभु ल मि तैं दियुं च, कि मि तुम तैं यु बुल्णु छों कि जन अन्यजाति का लोग अपड़ा मन कि बेतुकी बातों कि चिंता करदींनि, तुम अब फिर नि चल्यां।

लूका 12:32

तुम मेरी देखभाल मा ढिबरों का जन छा इलै के भि बात का बारा मा नि डैरा, किलैकि तुमारा पिता परमेश्वर तैं यांकि खुशी च, की तुम तैं राज्य द्यो।

मत्ती 18:14

इन ही तुमारा बुबा जु स्वर्ग मा च या मनसा च कि यूं छुटों मा बट्टी कै एक को भि नाश न हो।

1 थिस्सलुनीकी 4:5

अर यु काम भोगविलास कि मनसा से न अर न ऊं अन्यजाति का लुखुं का जन कन चयणु च जु पिता परमेश्वर तैं नि जणदींनि।

मत्ती 10:20

किलैकि बुल्ण वला तुम नि होल्या पर तुमारी परमेश्वर की आत्मा तुमारा द्वारा बुलली।

मत्ती 5:47

अर जु तुम भस अपड़ा विश्वासी भयों तैं प्रणाम करदी, त कौन सी बड़ो काम करदी, यु त गैर-यहूदी भि जु परमेश्वर की नियम कु पालन नि करदींनि उ भि इन ही करदींनि?

यूहन्ना 20:17

यीशु ल वीं कु बोलि, मेरा खुट्टों मा लिपटै कै मि तैं नि रोक किलैकि मि अब तक बुबा मा मथि नि गौं पर विश्वासी भयों मा बोलि दे कि मि अपड़ा बुबा अर तुमारा बुबा अर अपड़ा परमेश्वर अर तुमारा परमेश्वर मा मथि जांणु छौं।

मत्ती 6:1

“सावधान रावा तुम लुखुं तैं दिखौणु कु अपड़ा भले का काम नि कैरा, नथिरी अपड़ा स्वर्गीय बुबा बट्टी कुछ भि प्रतिफल नि पैल्या।”

लूका 12:29

अर तुम ईं बात कि खोज मा नि रावा कि क्य खौला, य क्य प्यूला, अर न सन्देह कैरा।

लूका 12:31

इलै पैली तुम परमेश्वर का राज्य अर धर्म कि खोज कैरा त यु सभि चीज भि तुम तैं मिली जालि।