लूका 12:17 - गढवली नयो नियम

¹⁷ तब उ अपड़ा मन मा सुचण लगि गै कि मि तैं नि पता की क्य कन चयणु च किलैकि मि मा अपड़ी सैरी फसलों तैं जमा कैरी के रखणै की इदगा बड़ी जगह भि नि च।

Garhwali

¹⁷ तब उ सेठ सुचण लगि गै कि, ‘अब मि क्या कैरुं, किलैकि मेरा इख त इथगा जगा ही नि च जख मि फसल रखी सैकु।’

लूका 12:17 Referans Kwoze

मत्ती 5:42

जु कुई त्वे बट्टी मांगो वे तैं दे अर जु त्वे बट्टी उधार लींण चौ वेको मना नि कैरा अर वे बट्टी मुक नि फरकौ।

1 यूहन्ना 3:16

हम ल प्रेम यां बट्टी जांणि, कि यीशु मसीह ल हम कु अपड़ो प्राण द्ये दींनि; इलै हम तैं भि विश्वासी भयों का खातिर अपड़ा प्राण दींण चयणु च।

रोमियों 12:13

पवित्र लुखुं तैं जु कुछ जरूरी हो, वेमा ऊंकी मदद कैरा; मेहमानदरी कन मा लगयां रावा।

खास चेलों 16:30

अर ऊं तैं भैर लै के बोलि, “हे सज्जनों उद्धार पांणु कु अर बचणु कु मि क्य कैरू”

लूका 19:17

वेल वेकु बोलि, “साबास भला सेवक तु भौत कम मा भि भरोसो बंद निकली अब दस शहरों पर हक जमौ।”

लूका 18:22

यीशु ल वे तैं देखि, अर वेकु बोलि, “एक काम च जु त्वे तैं अभि भि कन जरूरी च जु कुछ धन सम्पति तेरु च वे तैं बेचि के गरीबों तैं बांटि दे, अर त्वे तैं स्वर्ग का राज्य मा धन मिललो अर मेरू चेला बण के मेरा पिछनैं हवे जा।”

लूका 16:9

अर मि तुम मा बुल्णु छौं कि अधर्म का छौंद अफ कु दगड़िया बणै इलै की जब तक पैसा कु इस्तेमाल नि कैर सकदु अर्थात जब तुम मौर जैला, त अनन्तकाल का डेरा मा तुमारो आदर किये जालो।

1 तीमुथियुस 6:17

ईं दुनिया का अमीरों तैं आज्ञा दे कि उ घमण्डी नि हूंनु, अर धन पर भरोसो नि रखा जु कुछ ही देर कु ही च, पर पिता परमेश्वर पर ही आस रखुनु, जु भौताईत ल हम तैं सभि चिज्युं तैं दींद, जु आज हम म च।

खास चेलों 2:37

जब ऊंल इन सूंणि त ऊंका मन बहुत दुखी गैनी अर उ पतरस तैं अर और प्रेरितों तैं पुछण लगि गैनी कि “हे विश्वासी भयों, अब इन बता कि हम ल क्य कन?”

लूका 16:3

तब भंडारी सुचण लगि गै कि अब मि क्य करलो? किलैकि मेरू स्वामि मि बट्टी भंडारी कु काम छिनणु च। माटु त मिल नि खैणि सकण अर भीख मंगण मा मि तैं शर्म आंदी।

लूका 12:33

अपड़ी संपत्ति बचै के दान कैरी दे अर अफ कु इन बटुवा बंणौ, जु पुराणो नि हूंद, पर भलै कैरी के स्वर्ग मा अफ कु धन कठ्ठा कैरा जु घटदो नि च, जैका संमणी चोर नि औंदु, अर कीड़ो नि बिगड़दो।

लूका 12:29

अर तुम ईं बात कि खोज मा नि रावा कि क्य खौला, य क्य प्यूला, अर न सन्देह कैरा।

लूका 12:22

फिर वेल अपड़ा चेलों बट्टी बोलि, इलै मि तुम मा बुल्णु छौं, कि हरेक रोज यु चिंता नि करयां कि हम क्य खौला अर न अपड़ा देह कि क्य पैरुला क्य प्राण खांणु से अर देह कपड़ोंं से बढ़ि के नि च?

लूका 11:41

अर गरीबों तैं दान दे कै भितर मन बट्टी साफ हवे जावा अर तुम पूरी रीति बट्टी पवित्र हवे जावा।

लूका 10:25

एक दिन जब यीशु लुखुं तैं शिक्षा दींणु छों त एक आदिम मूसा की व्यवस्था तैं सिखांण वलो उठि अर यु बोलि के यीशु की अजमैश कन लगि गै कि, “हे उत्तम गुरु जी अनन्त जीवन पर मेरू हक हो यांको मि तैं क्य कन चयणु च?”

लूका 3:11

वेल ऊं तैं जवाब दींनि कि “जै मा द्वी कुर्ता छिन? उ एक तैं दे जै मा एक भि नि च, उ बांटि द्यो अर जै मा खांणु नि च उ भि इन ही कैर।”

मत्ती 16:7

उ आपस मा विचार कन लगि गैनी “हम मा रुट्टि नि च इलै उ बुल्णु च।”

लूका 12:16

यीशु ल ऊं तैं एक मिसाल सुंणै कि कै धनवान कि खेती मा भौत जादा फसल हवे।

लूका 12:18

अर वेल बोलि मि तैं पता च की मि तैं क्य कन चयणु मि अपड़ा ग्यूं का बीज का गोदामों तैं तोड़ी के ऊं बट्टी भि बड़ा बणौलु