लूका 12:14 - गढवली नयो नियम

¹⁴ यीशु ल वे बट्टी बोलि, हे मनिख कैल मि तैं तुमारो न्यायी या बंटण वलो ठैरे?

Garhwali

¹⁴ पर वेन वेकू बोलि, “हे भुला, कैन मितैं तुमरो न्यायी अर बटवारु करण वळु बणै?”

लूका 12:14 Referans Kwoze

रोमियों 2:3

हे मनिख, तु जु इन बुरा-बुरा काम कन वलो पर भंगार लगौंदी, अर खुद भि ऊं कामों तैं करदी; क्य तु इन समझदी कि तू पिता परमेश्वर का दण्ड कि आज्ञा बट्टी बचि जैलि?

रोमियों 9:20

हे दगड़िया, तु कु छै? जु पिता परमेश्वर बट्टी सवाल कनी छै, क्य बंणई चीज बनांण वला बट्टी पूछि सकदी, “तिल मि तैं इन किलै बंणै?”

रोमियों 2:1

इलै तुम इन सुचदा कि तुम इन लुखुं पर भंगार लगै सकदा छा, पर तु जु दूसरों पर भंगार लगौंदी, तू बगैर जवाब को छै, किलैकि जीं बात पर तु दूसरों पर भंगार लगौंदी, वीं बात मा अपड़ा आप तैं भि भंगारी ठैरांदी छै, इलै कि तु जु भंगार लगौंदी, खुद भि ऊं ही कामों तैं करदी।

यूहन्ना 8:11

वीं ल बोलि नि दींनि। यीशु ल बोलि, मि भि त्वे पर दंड कि आज्ञा नि दींदु अब घौर चलि जा अर अगनैं कु पाप मा जीवन नि बितै।

यूहन्ना 6:15

यीशु यु जांणि के कि उ मि तैं राजा बनांणु कु पकड़ण चांणा छिन त डांडा पर यखुली चलि गै।

लूका 5:20

यीशु ल ऊंकु विश्वास देखि के वेमा बोलि, “हे मनिख तेरा पाप माफ हवे गैनी।”

लूका 22:58

थोड़ा देर का बाद कै दुसरा ल भि वे देखि कै बोलि, तू भि त ऊंमा बट्टी छै पतरस ल बोलि, “हे मनिख मि नि छौं।”

लूका 12:13

फिर भीड़ मा बट्टी एक ल यीशु बट्टी बोलि, हे गुरु मेरा भैय बट्टी बोल कि पिता कि सम्पति मि तैं बांटि दे।