लूका 10:25 - गढवली नयो नियम

²⁵ एक दिन जब यीशु लुखुं तैं शिक्षा दींणु छों त एक आदिम मूसा की व्यवस्था तैं सिखांण वलो उठि अर यु बोलि के यीशु की अजमैश कन लगि गै कि, “हे उत्तम गुरु जी अनन्त जीवन पर मेरू हक हो यांको मि तैं क्य कन चयणु च?”

Garhwali

²⁵ अर एक बार एक मनखि जु की शास्‍त्री छौ, वेन यीशु तैं परखण का खातिर खड़ु ह्‍वेके बोलि, “गुरुजी, सदनि का जीवन को वारिस होणु खुणि मि क्या जि कैरुं?”

लूका 10:25 Referans Kwoze

लूका 18:18

कै मुखिया ल वे तैं पूछि, “हे उत्तम गुरु जी अनन्त जीवन कु वारिस हूंणु कु मि क्य काम कैरू?”

गलातियों 3:18

पिता परमेश्वर ल हम तैं आशीष इलै नि द्ये कि हम ल मूसा की व्यवस्था कु पालन कैरी छों, बल्कि वीं दया से, जु पिता परमेश्वर ल अब्राहम तैं द्ये किलैकि पिता परमेश्वर ल वे दगड़ी करार कैरी छै।

लूका 7:30

पर फरीसियों ल अर मूसा की व्यवस्था तैं सिखांण वलो ल यूहन्ना बट्टी बपतिस्मा लींण से इन्कार कैर दींनि अर परमेश्वर कि मनसा तैं अपड़ा बारा मा टालि दींनि।

मरकुस 10:17

जब यीशु अर वेका चेला उख बट्टी निकली के बट्टा लगयां छा त एक मनिख वेमा दौड़ि के ऐ अर वेका संमणी घुंडा टेकी के ऊंमा पूछि, “हे उत्तम गुरु जी अनन्त जीवन पर मेरू हक हो यांको मि तैं क्य कन चयणु च।”

मरकुस 12:28

अर मूसा की व्यवस्था तैं सिखांण वलो जु मा बट्टी एक ल यहूदियों का शिक्षको कु एक झुण्ड छो आपस मा चर्चा करद सूंणि अर यु जांणि कि वेल यीशु तैं पूछि, “परमेश्वर की सभि आज्ञाओं मा जु परमेश्वर ल दे सबसे मुख्य आज्ञा क्य च?”

लूका 10:24

किलैकि मि तुम मा बुल्णु छौं की भौत सा परमेश्वर का तरपां बट्टी बुल्ण वलो ल अर राजाओं ल चै कि जु बात तुम दिख्दां ऊं तैं दिखुनु पर नि देखि अर जौं बातों तैं तुम सुणदा छा ऊं तैं सुणुनु पर नि सुणि।

लूका 10:26

यीशु ल ऊंमा बोलि, कि “मूसा द्वारा लिखीं परमेश्वर की व्यवस्था मा क्य लिख्युं च? तु ऊं तैं कन कै समझदी छै?”

यूहन्ना 8:6

ऊंल यीशु तैं परखणु कु या बात बोलि, कि यीशु पर भंगार लगांणु कु कुई बात मिलो, पर यीशु भस झुकि गै अर अंगुली ल धरती पर लिखण लगि गै।

मरकुस 10:3

यीशु ल ऊं तैं जवाब दे, मूसा ल तुम तैं तलाक कु क्य व्यवस्था दियुं च?