लूका 10:22 - गढवली नयो नियम

²² मेरा पिता ल मि तैं सब कुछ सौंपेलि अर कुई नि जंणदु कि नौंनो कु च भस पिता अर पिता कु च यु भि कुई नि जंणदु भस नौंनो अर जै पर नौंनो वे तैं प्रगट कन चौ।

Garhwali

²² अर मेरा पिता न मि मा सब कुछ सौंप्याली, अर पुत्र का अलावा कुई नि जणदु कि पिता कु च, अर ना ही पिता का अलावा कुई जणदु की पुत्र कु च, पर केवल पुत्र ही च जै पर उ चान्दु, वे पर वेतैं परगट करदु।”

लूका 10:22 Referans Kwoze

मत्ती 11:27

“मेरा बुबा ल मि तैं सब कुछ दियुं च अर बुबा का बगैर कुई नौंना तैं नि जंणदु अर न ही कुई बुबा तैं जंणदु च भस नौंनो ही बुबा तैं जंणदु च अर जौं लुखुं तैं नौंनो चुणदो च उ लोग ही बुबा तैं जंणदु च।”

यूहन्ना 1:18

परमेश्वर तैं कैल कभि नि देखि, भस वेका एकलौता नौंना ल जु सच मा परमेश्वर च, अर बुबा का सबसे नजिक च, वेल परमेश्वर तैं हम तैं दिखै।

यूहन्ना 10:15

अच्छो चरवाहा मि छों पिता परमेश्वर मि तैं जंणदु च अर उन ही मि बुबा तैं जंणदु छौं अर मि ढिबरों कु अर मि ऊं कु मुरण कु तैयार छों।

2 यूहन्ना 1:9

उ लोग जु सच्ची शिक्षा बट्टी भटकी जांद, अर मसीह की शिक्षा तैं नि मणदींनि, उ पिता परमेश्वर का दगड़ी संगति मा नि च। जु कुई मसीह की शिक्षा तैं मणदो उ पिता परमेश्वर का दगड़ी अर वेका नौंना यीशु मसीह का दगड़ी संगति मा च।

2 कुरिन्थि 4:6

इलै कि पिता परमेश्वर ल बोलि, “अंधेरा मा बट्टी उज्यलो चमकी” अर पिता परमेश्वर ल उज्यला का जन हमारा मनों मा समझ द्ये, कि हम पिता परमेश्वर की महिमा तैं देख सका जु यीशु मसीह मा प्रगट हूंदी।

1 यूहन्ना 5:20

हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।

यूहन्ना 17:26

मिल तेरु नौं कु शुभ संदेश प्रचार ऊं पर प्रकट कैरी, अर प्रगट करदु रौलु की जु प्रेम तेरु मि बट्टी छों, उ मि मा राला अर मि ऊंमा रौलु।”

यूहन्ना 17:2

किलैकि तिल मि तैं सब लुखुं पर अधिकार दियूं च कि जै तैं तिल मि दियुं च ऊं सभियूं तैं मि अनन्त जीवन द्यों।

मत्ती 28:18

तब यीशु ल ऊंकु बोलि, “स्वर्ग अर धरती को सैरो अधिकार मि तैं दियुं च।”

यूहन्ना 13:3

यीशु यु जंणदु छो कि बुबा ल हर चीज पर अधिकार वे तैं दियुं च अर यु की उ परमेश्वर मा बट्टी अयुं च अर परमेश्वर मा जांणु च अर मि परमेश्वर मा बट्टी अयुं छों अर परमेश्वर मा जांणु छों।

यूहन्ना 3:35

पिता परमेश्वर नौंना से प्रेम रखदु अर वेल सब चीज वेका हथ मा दियीं छिन।

इब्रानी 2:8

पिता परमेश्वर तिल मनिख तैं सभि चिज्युं का मथि अधिकार द्ये।” इलै जबकि पिता परमेश्वर ल सब कुछ मनिख का भस मा दियेले, मतलब इन कुछ भि नि च, जु मनिख का भस मा नि हो, पर हम देखि सकदियां कि आज तक भि सभि कुछ मनिख का भस मा नि च।

इफिसुस 1:21

उख पिता परमेश्वर ल सभि किस्मै कि प्रधानता, अर अधिकार, अर सामर्थ, अर प्रभुता, जु हरेक नौं बट्टी मथि, जु न बल्कि लोक मा, पर आंण वला लोक मा भि लिये जाली;

1 कुरिन्थि 15:24

फिर, जब मसीह पिता परमेश्वर कु विरोध कन वली सैरी बुरी सामर्थ कु नाश कैरी दयालो, वेका बाद दुनिया कु अन्त हवे जालो। तब मसीह अपड़ा पिता परमेश्वर तैं अपड़ो राज्य सौंपी दयालो कि उ वे पर पूरा ढंग से राज्य कैरो।

यूहन्ना 17:10

अर जु कुछ मेरू च उ सभि तेरु च अर जु तेरु च उ मेरू च अर यूं बट्टी मेरी महिमा प्रगट हवे।

यूहन्ना 17:5

अब हे पिता परमेश्वर तु अपड़ी उपस्थिति मा मेरी बड़ै कैर, उ बड़ै मेरी छै, जु दुनिया की सृष्टि से पैली तुम दगड़ी छै।

मत्ती 11:25

वे बगत यीशु ल बोलि, हे पिता आसमान अर धरती का प्रभु मि तेरु धन्यवाद करदु कि तिल यूं बातों तैं ज्ञानियों अर समझदार लुखुं बट्टी छिपै के रखि अर जु लोग साधारण लुखुं का जन छिनी ऊं पर प्रगट कैरी।