लूका 10:17 - गढवली नयो नियम

¹⁷ उ सत्तर चेला खुशी से ऐ के बुल्ण लगि गैनी “हे प्रभु दुष्टात्माओं ल भि हमारी बात मांणी जब हम ल तेरा नौं से आज्ञा दींनि।”

Garhwali

¹⁷ अर फिर यीशु का द्‍वारा चुण्यां सत्तर लोग खुश ह्‍वेके वापस ऐनी अर बोन्‍न लगि गैनी, “प्रभु, तुमरा नौ से त खबेस भि हमरा समणि हार माणी जनदिन।”

लूका 10:17 Referans Kwoze

रोमियों 16:20

शान्ति कु पिता परमेश्वर शैतान की शक्तियों तैं नाश कैरी कै वे तैं तुम्हरा अधीन कैरी दयालो। हमारा प्रभु यीशु मसीह की कृपा तुम पर हूंणी रौ।

मरकुस 16:17

अर मि पर विश्वास कन वलो मा यु चमत्कार का काम का चिन्ह होला उ मेरा नौं से दुष्टात्मा तैं निकलला अर मि ऊं तैं नई-नई बोलि भाषा बुलौलु।

लूका 9:1

फिर यीशु ल बारह चेलों तैं अफ मा बुलै के ऊं तैं सब दुष्टात्मा अर बिमारियों तैं दूर कने सामर्थ अर अधिकार दींनि।

लूका 10:1

अर यूं बातों का बाद प्रभु यीशु ल अन्य चेला और मनिख चुणिनि अर जै-जै शहर अर जगह कु जख वेल जांणै की योजना बंणै छै उख ऊं तैं द्वी-द्वी कैरी कै अपड़ा अगनैं भेजि।

लूका 10:9

उख बीमारों तैं खूब करयां अर ऊंमा बुल्यां कि परमेश्वर कु राज्य नजदीक ऐ गै।

मत्ती 4:24

अर सैरा सीरिया प्रदेश का देश मा वेकी हाम फैली गै अर लोग सभि बिमारों तैं जु बनि-बनि बिमारियों मा अर दुःखों मा जकड़य्यां छा अर जौंमा दुष्टात्मा छै अर मिर्गि वलो तैं अर लकवा का रोगियों तैं वेमा लैनि अर यीशु ल ऊं तैं खूब कैरी।

लूका 10:20

पर आनन्द नि ह्वा किलैकि दुष्टात्माओं तुम्हरी आज्ञाओं तैं मणदी च पर यांसे खुश ह्वा कि तुमारा नौं स्वर्ग मा लिख्यां छिन।

इफिसुस 5:24

जन मण्डलि मसीह का अधीन च, उन ही जनन भि हरेक बातों मा अपड़ा-अपड़ा स्वामियों का अधीन रावा।