लूका 10:16 - गढवली नयो नियम

¹⁶ जु तुम्हरी सुणदु उ मेरी सुणदु च अर जु तुम तैं तुच्छ जंणदु उ मि तैं तुच्छ जंणदु, उ मेरा भिजण वला तैं भि तुच्छ जंणदु।

Garhwali

¹⁶ तब वेन अपणा चेलों कू बोलि, “जु तुमरि शिक्षा तैं सुणदु उ मेरी शिक्षा तैं सुणदु। अर जु तुमतै स्वीकार नि करदु, उ मितैं भि स्वीकार नि करदु। अर जु मितैं स्वीकार नि करदु, उ वेतैं स्वीकार नि करदु जैन मितैं भेजि च।”

लूका 10:16 Referans Kwoze

यूहन्ना 13:20

मि तुम मा सच-सच बुल्णु छौं कि जु मेरी भिजणै कि बात तैं मणदींनि अर मि तैं स्वीकार करद उ मेरा भिजण वला तैं स्वीकार करदो।”

मत्ती 10:40

“जु तुम तैं स्वीकार करदो उ मि तैं स्वीकार करदो अर जु मि तैं स्वीकार करदो उ मेरा भिजण वला तैं स्वीकार करदो।”

1 थिस्सलुनीकी 4:8

इलै जु कुई भि यूं नियमों को पालन नि करद, त उ मनिख को न, पर पिता परमेश्वर को अपमान करदो, जैल अपड़ा पवित्र आत्मा तुम तैं द्ये।

यूहन्ना 12:48

जु मि तैं तुच्छ जंणदु च अर मेरी बात स्वीकार नि करदु च इन कुछ नि च जु मि तैं अस्वीकार कन वलो कु न्याय करलो मतलब जु वचन मिल बोलि छो, वे अंतिम दिनों मा वे तैं भंगारी ठैरालो।

यूहन्ना 12:44

यीशु ल भीड़ तैं पुकारी के बोलि, जु मि पर विश्वास करदु च उ मि पर न, मेरा भिजणवला परमेश्वर पर विश्वास करदु।

मरकुस 9:37

जु कुई मनिख मि से प्रेम करदु अर मेरू सम्मान करद उ यूं बच्चों मा बट्टी कै भि एक तैं अपणांदु उ मि तैं न बल्कि परमेश्वर तैं जैल मि तैं भेजि अपणांदु।

मत्ती 18:5

अर जु कुई मेरा नौं से एक इन बच्चा तैं स्वीकार करदो उ मि तैं स्वीकार करदो।

खास चेलों 5:4

क्य बिकै जांण का बाद उ भूमि तेरी नि छै? अर जब बिकी गै त वेको दाम क्य तेरु वश मा नि छो? तेरु मन मा इन बुरा कामों कु विचार किलै ऐ? तिल मनिख्युं मा न बल्कि परमेश्वर बट्टी झूठ बोलि।

लूका 9:48

अर ऊं बट्टी बोलि, “जु कुई मेरा नौं से यु बच्चों तैं अपणांदु उ मि तैं अपणांदु।” उ मेरा भिजण वला तैं अपणांदु किलैकि जु तुम मा बट्टी सबसे छुटो से छुटो च उ ही बड़ो च।

गलातियों 4:14

अर जबकि मेरी बिमारी तुम कु एक परेशानी छै, पर फिर भि तुम ल मि बट्टी घृणा नि कैरी अर न मि तैं दूर कैरी; पर तुम ल मि तैं उन ही स्वीकार कैरी जन तुम खुद यीशु मसीह तैं स्वीकार करदा छा, मांणा मि पिता परमेश्वर कु एक स्वर्गदूत छो, जन तुम अफ यीशु मसीह तैं स्वीकार करदा।