यूहन्ना 9:16 - गढवली नयो नियम

¹⁶ ईं बात पर कुछ फरीसी यीशु का बारा मा बुल्ण बैठी गैनी कि यु मनिख परमेश्वर का तरपां बट्टी नि च किलैकि यु यहूदियों का विश्राम का दिन जु परमेश्वर कु पवित्र दिन च नि मंणदु। पर दुसरा लुखुं ल बोलि, पापी मनिख इन चिन्ह चमत्कार कनके दिखै सकदु? अर ऊंमा फूट पोड़ि गै।

Garhwali

¹⁶ ईं बात का बाना कुछ फरीसी बुलण लगि गैनी कि, “यू मनखि परमेस्वर की तरफा बटि नि अयूं, किलैकि यू सब्त का दिन तैं मणदु ही नि च।” पर दुसरा लोगु न बोलि, “कुई पापि मनखि इन चिन्‍न-चमत्कार कनकै कैरी सकदु?” इलै ऊं लोगु का बीच मा फूट पोड़ि गै।

यूहन्ना 9:16 Referans Kwoze

यूहन्ना 10:19

यूं बातों का वजा से यहूदियों मा फिर फूट पोड़ि गै।

यूहन्ना 7:43

अर यीशु का कारण लुखुं का बीच मा फूट पोड़ि गै।

यूहन्ना 7:12

अर लुखुं का बीच यीशु का बारा मा चुप चुपिके भौत सी बात हवे गैनी : कुछ बुल्दा छा उ भलो मनिख च “अर कुछ बुल्दा छा न उ लुखुं तैं भरमांदु च”

यूहन्ना 3:2

वेल राती यीशु का संमणी ऐ के वेमा बोलि, हे गुरु हम जंणदा छा परमेश्वर ल त्वे तैं हम तैं सिखांण कु भिज्युं च किलैकि कुई भि यूं चमत्कार तैं जु तु दिखौंदि छै त जु परमेश्वर वे दगड़ी नि हो त नि दिखै सकदु।

मत्ती 12:2

फरीसियों ल वे मा बोलि, “देख तेरु चेला उ काम कना छिनी जु कि यहूदियों का विश्राम का दिन कन ठिक नि च।”

यूहन्ना 15:24

जु मि वेमा ऊं चमत्कार नि करदु, जु और कैल नि कैरी त उ पापी नि ठैरुदो, पर अब त ऊंल मि तैं देखेले, कि मिल जु कैरी, पर अब ऊंल मि तैं देखेले अर उ मि तैं अर मेरा पिता परमेश्वर बट्टी नफरत करदा छिन।

यूहन्ना 14:11

मेरू ही विश्वास कैरा, कि मि बुबा मा छौं अर बुबा मि मा च जु चमत्कार मिल कैरी छा मेरू विश्वास कैरा।

यूहन्ना 9:24

तब यहूदी अगुवों ल वे मनिख कु जु अंधों छो दुसरी बार बुलै के वेमा बोलि, परमेश्वर का संमणी वादा कैरी के तु सच बतालो; हम त जंणदा छा कि उ मनिख पापी च।

यूहन्ना 6:52

ईं बात पर यहूदियों ल आपस मा बोलि के झगड़ा कन बैठी गैनी कि यु आदिम कनके हम तैं अपड़ो देह खांणु कु दे सकद?

यूहन्ना 5:36

मि मा यूहन्ना की गव्है से श्रेष्ठ गव्है च उ काम जु पिता परमेश्वर ल मि तैं पूरो कनु कु दियुं च उ ही मेरा बारा मा गव्है दींदो च जु काम मि करदो छौं उ मेरा गव्है दींदो च कि पिता परमेश्वर ल मि तैं भेजि।

खास चेलों 14:4

पर शहर का लुखुं मा फूट पोड़ी गै छै; यां बट्टी कई त यहूदियों की तरपां, अर कथग ही प्रेरितों की तरपां हवे गैनी।

मत्ती 12:10

उख एक आदिम छो जैको हथ सुखी गै छो, कुछ फरीसी ल यीशु पर भंगार लगांणु कु वेमा पूछि, क्य यहूदियों का विश्राम का दिन वे तैं चंगा कन ठिक च?

लूका 13:14

इलै कि यीशु ल यहूदियों का विश्राम का दिन जु परमेश्वर कु पवित्र दिन च वीं तैं ठिक कैरी छो यहूदियों का मिलणा का भवन का सरदार रमशे के लुखुं बट्टी बुल्ण लगि गै, एक सप्ताह मा छै: दिन छिन हम तैं काम कन चयणु च, इलै ऊं दिनों मा ऐ के ठिक हो पर यहूदियों का विश्राम का दिन जु परमेश्वर कु पवित्र दिन च मा न।

यूहन्ना 2:11

यीशु ल गलील जिला का काना नगर मा अपड़ो यु पैलो चमत्कार का चिन्ह दिखै के अपड़ी महिमा प्रगट कैरी अर वेका चेलों ल वे पर विश्वास कैरी कि उ मसीह च।

यूहन्ना 5:10

इलै यहूदी अधिकारियों ल वे बट्टी जु ठिक हवे छो बुल्ण लगि गैनी “आज त यहूदियों कु विश्राम कु दिन जु परमेश्वर को पवित्र दिन च मूसा की व्यवस्था का अनुसार त्वे तैं खाट उठै कै लिजांण ठिक नि च।”

यूहन्ना 7:23

जब यहूदियों का विश्राम का दिन जु परमेश्वर कु पवित्र दिन च मनिख्युं को खतना करे जांदु किलैकि मूसा द्वारा लिखीं परमेश्वर की व्यवस्था कि आज्ञा टले नि जौं अर तुम मि पर किलै गुस्सा कना छा कि यहूदियों का विश्राम का दिन जु परमेश्वर कु पवित्र दिन च येल एक मनिख तैं पूरा ढंग से ठिक कैरी।