यूहन्ना 8:42 - गढवली नयो नियम

⁴² यीशु ल ऊंमा बोलि, कि जु परमेश्वर तुमारो बुबा हूंदो त तुम मि बट्टी प्रेम रखदा किलैकि मि परमेश्वर कि तरपां बट्टी अयुं छौं, मि अफी नि अयुं छों पर वेल मि तैं भेजि।

Garhwali

⁴² तब यीशु न ऊंकू बोलि कि, “अगर परमेस्वर तुमरो पिता होन्दु, त तुम मि बटि प्यार करदा, किलैकि मि परमेस्वर मा बटि ही निकळि के इख अयूं छौं। अर मि अपणी तरफा बटि नि अयूं, पर वेन ही मितैं भेजि च।

यूहन्ना 8:42 Referans Kwoze

यूहन्ना 12:49

किलैकि मिल खुद अपड़ा अधिकार बट्टी पर बुबा जैल मि तैं भेजि वेल मि तैं या आज्ञा दींनि कि मिल क्य-क्य बुल्ण अर बतांण?

यूहन्ना 14:10

मि बुबा मा छों अर बुबा मि मा च क्य तु यूं बातों पर विश्वास नि करदी? यु बात जु मि तुम बट्टी बुल्द छों, अपड़ी अर बट्टी नि बुल्दो, पर बुबा मि मा रै के करदो च जु उ चांदो च।

यूहन्ना 17:8

इलै जु संदेश तिल मि तैं दींनि, मिल ऊं तैं दे दींनि, अर ऊंल संदेश पर विश्वास कैरी अर सच-सच जांणि लील्या कि मि तेरा तरपां बट्टी अयुं छौं अर यु विश्वास कैरी कि तिल मि तैं भेजि।

यूहन्ना 17:25

हे धर्मी बुबा, दुनिया ल त त्वे तैं नि जांणि, पर मि त्वे तैं जंणदु छों, अर यूं चेलों ल भि जांणि कि तिल मि तैं भेजि।

यूहन्ना 1:14

अर वचन देहधारी हवे अर दया अर सचै बट्टी पूरो हवे के हमारा बीच मा डेरो कैरी और वेकी महिमा इन छै जन बुबा (परमेश्वर) कि तरपां बट्टी अयां एकलौता नौंना की महिमा।

1 यूहन्ना 4:14

अर हम ल यीशु मसीह तैं देखि अर वेकी गव्है दींणा छा कि पिता परमेश्वर ल अपड़ो नौंना यीशु मसीह तैं दुनिया का लुखुं कु उद्धारकर्ता हूंणु कु भेजि।

यूहन्ना 5:43

मि अपड़ा पिता परमेश्वर का अधिकार से अयुं छौं अर तुम मि तैं स्वीकार नि करदां इलै कुई और अपड़ा अधिकार ल औ त वे तैं स्वीकार कैरी लील्या।

1 कुरिन्थि 16:22

जु कुई प्रभु बट्टी प्रेम नि रखो, त उ श्रापित च, हे हमारा प्रभु, औ।

यूहन्ना 3:17

किलैकि परमेश्वर ल अपड़ा नौंना तैं दुनिया का लुखुं पर दंड दींणु कु नि भेजि, पर इलै भेजि कि दुनिया का लोग वेका द्वारा उद्धार पां।

यूहन्ना 5:23

पिता परमेश्वर का द्वारा नौंना कु न्याय कनु कु अधिकार दींण का परिणाम नौंना कु आदर च जु नौंना कु आदर नि करदो उ पिता परमेश्वर कु जैल वे तैं भेजि आदर नि करदो।

दिब्य दरस 22:1

तब स्वर्गदूत ल मि तैं एक गाड दिखै जै मा जीवन कु पांणी छो। अर उ पांणी कांच का जन साफ छो। या गाड परमेश्वर अर चिनखा का सिंहासन का मूड़ी बट्टी बुगदी छै।

गलातियों 4:4

पर जब उ बगत आलो ज्यां कि योजना पिता परमेश्वर ल बंणै छै, त पिता परमेश्वर ल खुद अपड़ा नौंना तैं ईं दुनिया मा भेजि, अर जनन ल वे तैं पैदा कैरी, अर उ एक यहूदी का रूप मा पैदा हवे अर व्यवस्था का अनुसरण करदी रै।

यूहन्ना 8:14

यीशु ल ऊं तैं जवाब दे भले ही मि अपड़ी गव्है अफी दींदु पर फिर भि मेरी गव्है ठिक च किलैकि मि जंणदु छौं कि मि कख बट्टी ऐ छौं अर कख जांणु छो पर तुम नि जंणदा की मि कख बट्टी औंदु छों या कख कु जांणु छों।

यूहन्ना 13:3

यीशु यु जंणदु छो कि बुबा ल हर चीज पर अधिकार वे तैं दियुं च अर यु की उ परमेश्वर मा बट्टी अयुं च अर परमेश्वर मा जांणु च अर मि परमेश्वर मा बट्टी अयुं छों अर परमेश्वर मा जांणु छों।

यूहन्ना 16:30

अब हम जांणि ग्यां कि तुम सब कुछ जंणद्यां त्वे तैं कैकी जरूरत ही नि च कि कुई तुम बट्टी सवाल पूछो, इलै हम विश्वास करदां छा कि तु परमेश्वर की तरपां बट्टी अयुं छै।”

1 यूहन्ना 5:20

हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।