यूहन्ना 8:37 - गढवली नयो नियम

³⁷ मि जंणदु छौं कि तुम अब्राहम का वंशज छा तब भि मेरी शिक्षा तैं स्वीकार नि करदां इलै तुम मि तैं मरण चांदा छा।

Garhwali

³⁷ अर मि जणदु छौं, कि तुम अब्राहम का वंश मदि छाँ। फिर भि तुम मितैं मरण चाणा छाँ, किलैकि मेरा वचन तैं तुम अपणा मनों मा स्वीकार नि करद्‍यां।

यूहन्ना 8:37 Referans Kwoze

1 कुरिन्थि 2:14

पर उ मनिख जैल परमेश्वर की आत्मा तैं नि पै, उ परमेश्वर की आत्मा की बातों तैं स्वीकार नि करदु, किलैकि उ वेकी नजर मा मूर्खता की बात च, किलैकि एक आदिम अपड़ी कीमत तभि जांणि सकद जब वेमा पवित्र आत्मा रौंदी।

रोमियों 9:7

अर अब्राहम का वंश मा जन्म लींण से ही सभि ऊंकी सच सन्तान नि हवे जंदींनि, किलैकि पिता परमेश्वर ल अब्राहम बट्टी बोलि, जु इसहाक का वंश मा जन्म लींदींनि उ ही तेरु वंशज मंणै जाला।

यूहन्ना 7:1

यूं बातों का बाद यीशु गलील जिला मा घुमणा रैनी किलैकि यहूदियों का अगुवों ल ऊं तैं मरणै की कोशिश कना छा इलै यीशु यहूदिया प्रान्त मा घुमण नि चांणा छा।

यूहन्ना 8:59

तब ऊंल यीशु तैं मरणु कु ढुंगा उठैनि पर यीशु छिपी कै यरूशलेम शहर का मन्दिर बट्टी निकली गै।

खास चेलों 13:26

“हे विश्वासी भयों, तुम जु अब्राहम की सन्तान छा; अर पिता परमेश्वर बट्टी डरण वलो अन्यजाति लुखुं, सूंणा, पिता परमेश्वर ल हम मा यीशु का बारा मा यु सन्देश भेजि कि जु लुखुं तैं ऊंका पापों बट्टी उद्धार कनु कु अयुं च।”

यूहन्ना 8:43

मेरी बात तुम इलै नि मणदा, की तुम मेरा संदेश स्वीकार कन मा इंकार करदां छा।

यूहन्ना 11:53

इलै वे दिन बट्टी यहूदी अगुवा वे तैं खत्म कनै की योजना कना छा।

यूहन्ना 7:19

क्य परमेश्वर का तरपां बट्टी बुल्ण वला मूसा ल व्यवस्था अफ दे? तब भि तुम मा बट्टी कुई मूसा द्वारा लिखीं परमेश्वर की व्यवस्था पर नि चलदो। तुम किलै मि तैं मरण चांणा छा?

यूहन्ना 10:31

यहूदियों का अगुवों ल एक बार फिर वे पर ढुंग्यो कन कु फिर ढुंगा उठैनि।

यूहन्ना 8:6

ऊंल यीशु तैं परखणु कु या बात बोलि, कि यीशु पर भंगार लगांणु कु कुई बात मिलो, पर यीशु भस झुकि गै अर अंगुली ल धरती पर लिखण लगि गै।

यूहन्ना 7:25

तब कथग ही यरूशलेम शहर का रौंण वला बुल्ण लगि गैनी क्य यु हमारो अगुवा नि च जै तैं मरणै कि कोशिश किये जांणि च?

यूहन्ना 5:44

तुम मि पर विश्वास नि कैर सकदा किलैकि तुम एक दुसरा बट्टी प्रशंसा चांदा छा अर तुम एकमात्र परमेश्वर बट्टी प्रशंसा पाणै कि कोशिश नि करदां?

मत्ती 13:15

किलैकि यूं लुखुं का दिल जिद्दी हवे गैनी, अर उ कंदूड़ों ल ऊंचो सुणदींनि अर ऊंल अपड़ा आंखा बूजिनि कखि इन नि हो कि उ आँखों ल दिखुनु, अर कंदूड़ों ल सुंणुनु अर मन से समझण, अर अपड़ा पापों से मन फिरौनु अर मि ऊं तैं खूब कैरु।

यूहन्ना 8:33

ऊंल यीशु तैं जवाब दींनि, कि हम त अब्राहम का वंशज बट्टी छा अर कभि कैका गुलाम नि हुयां। त फिर तु किलै बुल्णी छै कि तुम स्वतंत्र हवे जैला?

मत्ती 3:9

अर अपड़ा मन मा यु न सोच कि हम अब्राहम का वंशज छा, इलै हम पाप बट्टी बचि जौला किलैकि मि तुम मा बुल्णु छौं कि परमेश्वर यूं ढुंगो बट्टी अब्राहम कु वंशजों तैं पैदा कैरी सकद।

यूहन्ना 8:56

तुमारा पूर्वज अब्राहम मेरू दिन दिखणा कि मनसा से भौत खुश छो अर वेल देखि अर खुशी मणै।

1 यूहन्ना 2:14

हे पुरणों, मिल तुम कु इलै लिखणु छौं, कि यीशु मसीह जु पैली बट्टी च, तुम वे तैं जांणि ग्यां। हे जवानों, मिल तुम कु इलै लिखणु छौं, किलैकि तुम ताकतवर छयां, अर पिता परमेश्वर को वचन तुम मा बण्युं रौन्दु, अर तुम ल वे दुष्ट शैतान पर जै पै।