यूहन्ना 7:39 - गढवली नयो नियम

³⁹ यीशु ल यु वचन पवित्र आत्मा का बारा मा बोलि, जै तैं विश्वास कन वला पांण वला छा किलैकि पवित्र आत्मा अभि तक नि उतरी छो, परमेश्वर ल अब तक यीशु की बड़ै तैं प्रगट नि कैरी छो।

Garhwali

³⁹ यीशु न यों बातों तैं पवित्र आत्मा का बारा मा बोलि, जु की वे पर बिस्वास करण वळो तैं बाद मा मिलण वळु छौ। अर अभि तक वे पवित्र आत्मा तैं नि दिये गै छौ, किलैकि यीशु तैं अभि तक पूरु आदर-सम्मान नि मिली छौ।

यूहन्ना 7:39 Referans Kwoze

खास चेलों 2:17

परमेश्वर इन बुल्दो कि “आखिर दिनों मा इन होलो कि मि अपड़ी आत्मा सभि मनिख्युं तैं दयुलु तुम्हरा नौंना अर तुम्हरी नौंनि परमेश्वर की तरपां बट्टी बुलला अर तुम्हरा जवान दर्शन दिखला अर तुम्हरा दाना सयाणा मनिख सुपन्या दिखला

खास चेलों 2:33

यु ही यीशु तैं परमेश्वर ल अपड़ी दैणी तरपां सबसे ऊंची जगह बैठै अर पिता ल जन वे बट्टी करार कैरी छै वे तैं पवित्र आत्मा दे अर वेल उ ही पवित्र आत्मा हम तैं दींनि जन कि आज तुम जु दिखणा अर सुचणा छा।

खास चेलों 2:4

उ सभि पवित्र आत्मा से भुरे गैनी अर पवित्र आत्मा ल ऊं तैं योग्यता दींनि वेका अनुसार उ बनि-बनि भाषा बुल्ण लगि गैनी।

यूहन्ना 16:7

फिर भि मि तुम बट्टी सच बुल्णु छौं कि मेरू जांण तुम कु अच्छो च किलैकि जु मि नि जौं त उ मददगार तुम मा नि आलो, पर जु मि जौलु, त वे तैं तुम मा भिजलु।

यूहन्ना 12:16

यीशु का चेला यु बातों तैं पैली नि समझी छा पर जब यीशु की बड़ै प्रगट हवे त ऊं तैं याद ऐ की जु कुछ भि यीशु का दगड़ी हवे उ ठिक उन ही छो जन कि परमेश्वर का वचन मा बुलै गै छो।

रोमियों 8:9

पर जबकि परमेश्वर कु पवित्र आत्मा तुम मा वास करदो, त तुम पापमय स्वभाव का काबू मा नि छा, पर पवित्र आत्मा का काबू मा छा। जु कै मा मसीह कु आत्मा नि च त उ मसीह बट्टी सम्बन्धित नि च।

खास चेलों 2:38

पतरस ल ऊंकु बोलि “तुम मा बट्टी हरेक मन फिरावा अर अपड़ा पापों की माफी कु यीशु मसीह का नौं से बपतिस्मा ल्यावा ज्यां बट्टी तुम पवित्र आत्मा को दान पैल्या।

यूहन्ना 20:22

इन बोलि के ऊंल ऊं पर फूंक मारि अर ऊंकु बोलि, “पवित्र आत्मा ल्या।”

यूहन्ना 12:23

ईं बात पर यीशु ल ऊंमा बोलि, मि मनिख कु नौंनो कि बड़ै कु बगत ऐ गै।

इफिसुस 4:30

पिता परमेश्वर कि पवित्र आत्मा तैं अपड़ा जीवन जीणै कि ढंग से वे तैं दुखी नि कैरा, ज्यां ल तुम पर छुटकारा दिन कु परमेश्वर ल तुम पर अपड़ी मुहर लगै द्या।

खास चेलों 4:31

जब ऊंल पिता परमेश्वर बट्टी प्रार्थना कैरेले छै त व जगह जख उ बैठयां छा हिली गै अर उ सभि पवित्र आत्मा से भुरे गैनी अर परमेश्वर का वचन तैं साहस से सुणौंणा रैनी।

खास चेलों 3:13

अब्राहम कु परमेश्वर इसहाक कु परमेश्वर याकूब कु परमेश्वर छौं हमारा बापदादा का परमेश्वर अपड़ा सेवक यीशु कि महिमा कैरी पर तुम ल वे तैं मरणु कु अधिकारियों का हथ मा सौंपे ली अर जब पिलातुस ल वे तैं छोडणो विचार कैरी तब तुम ल वेका संमणी वेको इंकार कैरी।

यूहन्ना 17:5

अब हे पिता परमेश्वर तु अपड़ी उपस्थिति मा मेरी बड़ै कैर, उ बड़ै मेरी छै, जु दुनिया की सृष्टि से पैली तुम दगड़ी छै।

यूहन्ना 14:13

जु कुछ तुम मेरा नौं से मंगिल्या उ ही मि करुलु कि मि नौंना का द्वारा बुबा कि बड़ै हो।

यूहन्ना 7:12

अर लुखुं का बीच यीशु का बारा मा चुप चुपिके भौत सी बात हवे गैनी : कुछ बुल्दा छा उ भलो मनिख च “अर कुछ बुल्दा छा न उ लुखुं तैं भरमांदु च”

यूहन्ना 6:14

तब जु चमत्कार यीशु ल कैरी के दिखै वे तैं उ लोग देखि के बुल्ण लगि गैनी उ परमेश्वर का तरपां बट्टी बुल्ण वलो जु दुनिया मा औंण वलो छो पक्को यूई च।

यूहन्ना 1:33

अर मि त वे तैं पैछणदु नि छो की उ मसीह च पर जैल मि तैं पांणी बट्टी बपतिस्मा दींणु कु भेजि वेल ही मि बट्टी बोलि, कि जै पर तू आत्मा तैं उतरद अर ठैरदी देखि उ ही पवित्र आत्मा बट्टी बपतिस्मा दींण वलो च।

यूहन्ना 1:25

ऊंल यूहन्ना बट्टी यु सवाल पूछि, कि तु न मसीह छै अर न एलिय्याह अर न उ परमेश्वर का तरपां बट्टी बुल्ण वलो छै त फिर बपतिस्मा किलै दींदी?

यूहन्ना 1:21

तब ऊंल यीशु बट्टी पूछि, तू कु छै क्य तु एलिय्याह परमेश्वर का तरपां बट्टी बुल्ण वलो छै? वेल बोलि, मि नि छौं जैका बारा मा परमेश्वर ल वादा कैरी छो, त क्य तु परमेश्वर का तरपां बट्टी बुल्ण वलो छै? अर वेल जवाब दींनि, न।

लूका 24:49

अर मि स्वयं तुमारा मथि पवित्र आत्मा तैं भेजलो ज्यांको सौं मेरा पिता परमेश्वर लै छै, इलै तुम तब तक शहर मा जग्वाल कन रयां, जब तक तुम तैं स्वर्ग बट्टी सामर्थ नि दिये जालो।

लूका 7:16

ईं बात से सब लोग डौर से भुरे गैनी अर उ परमेश्वर कि बढ़ै कैरी के बुल्ण लगि गैनी कि हमारा बीच मा परमेश्वर का तरपां बट्टी बुल्ण वलो अयुं च अर परमेश्वर अपड़ा लुखुं की मदद कनु कु अयुं च।

लूका 3:16

तब यूहन्ना ल ऊं सभियूं मा बोलि, “कि मेरा बाद उ औंण वलो च जु मि से भि जादा महान अर शक्तिशाली च मि त ये लैख भि नि छौं कि वेको दास बंणि के झुकि के वेका जुतों का तंणखा खोलु, मिल त तुम तैं पांणी ल बपतिस्मा दींनि पर उ तुम तैं पवित्र आत्मा ल अर आग से बपतिस्मा दयालो।”

मत्ती 16:14

ऊंल बोलि “कुछ त यूहन्ना बपतिस्मा दींण वलो बुल्दींनि अर कुछ एलिय्याह अर कुछ यिर्मयाह जु परमेश्वर का तरपां बट्टी बुल्ण वला मा बट्टी कुई एक भि बुल्दींनि।”

यूहन्ना 14:26

पर मददगार यानि पवित्र आत्मा जै तैं बुबा मेरा अधिकार का दगड़ी भेजलो पवित्र आत्मा तुम तैं सभि बात सिखालो अर जु कुछ मिल तुम मा बोलि जांणा सब तुम तैं याद दिलालो।

मत्ती 21:11

लुखुं ल बोलि, “यु गलील जिला का नासरत नगर को परमेश्वर का तरपां बट्टी बुल्ण वलो यीशु च।”

यूहन्ना 8:54

यीशु ल जवाब दींनि, जु मि अफी अपड़ो सम्मान करूं त जु मि तैं सम्मान दींद उ मेरू पिता परमेश्वर च अर तुम बुल्दा कि उ तुमारो परमेश्वर च।

यूहन्ना 16:14

उ मेरी महिमा करला, किलैकि वे तैं मेरी तरपां बट्टी मिल्द च उ तुम तैं बतालो।

यूहन्ना 17:1

यीशु ल अपड़ा चेलों मा यु बात बुल्ण का बाद, अर स्वर्ग की तरपां देखि के बोलि, “हे बुबा, उ बगत ऐ गै, अपड़ा नौंना कि बड़ै कैर, कि नौंना भि तेरी बड़ै कैर”

खास चेलों 19:2

ऊंकु बोलि, “क्य तुम ल विश्वास करदी बगत पवित्र आत्मा पै” ऊंल वेमा बोलि, “हम ल त पवित्र आत्मा का बारा तक नि सूंणि।”