यूहन्ना 7:14 - गढवली नयो नियम

¹⁴ जब त्योहार का अधा दिन बीति गैनी त यीशु यरूशलेम शहर का मन्दिर मा जै के उपदेश दींण बैठी गै।

Garhwali

¹⁴ जब त्योवार का अधा दिन बीती गैनी, तब यीशु मन्दिर मा जैके उपदेस देण लगि गै।

यूहन्ना 7:14 Referans Kwoze

यूहन्ना 7:28

तब यीशु ल यरूशलेम शहर का मन्दिर मा उपदेश दींण बगत धै लगै के बोलि, तुम जंणदा छा अर यु भि जंणदा छा कि मि कखौ छौं। मि त अफ बट्टी नि अयुं पर मेरा भिजण वलो विश्वासयोग्य च वे तैं तुम नि जंणदा।

लूका 19:47

उ हमेशा यरूशलेम शहर का मन्दिर मा उपदेश दींदु छो, अर प्रधान याजक अर मूसा की व्यवस्था तैं सिखांण वला अर लुखुं का मुखिया यीशु तैं नाश कनु कु मौका खुज्योंण लगि गैनी।

यूहन्ना 18:20

यीशु ल वे तैं जवाब दे “मिल सभि तैं खुलि कै सभियूं का संमणी बात कैरी; मिल यहूदियों का मिलणा का भवन मा अर यरूशलेम शहर का मन्दिर मा जख सभि यहूदी कठ्ठा हूंदा छिनी हमेशा उपदेश कैरी अर उ गुप्त मा कुछ भि नि बोलि।

यूहन्ना 8:2

अर हैंकि सुबेर उ यरूशलेम शहर का मन्दिर का चौक मा वापिस ऐ अर भौत सैरा लोग वेका संमणी ऐनी अर उ बैठी गै अर ऊं तैं शिक्षा दींण लगि गै।

यूहन्ना 7:37

त्योहार का आखिर दिन जु मुख्य दिन छो यीशु खड़ो हवे गै अर धै लगै के बोलि, जु कुई तिसलो च त मि मा औ अर प्यो।

यूहन्ना 7:2

यहूदियों कु झोपड़ियों का डेरा कु त्यौहार आंण वलो छो।

यूहन्ना 5:14

कुछ बगत का बाद उ यीशु तैं यरूशलेम शहर का मन्दिर का चौक मा मिली। यीशु ल वेमा बोलि, देख तु ठिक हवे गै दुबरा पाप नि कैरी इन नि हो कि यांसे कुई भारी विपदा त्वे पर ऐ जौ।

मत्ती 26:55

तुरंत यीशु ल भीड़ कु बोलि, “क्य तुम मि तैं डाकु समझी कै पकड़णु अयां छा जु लाठा अर तलवार लीकै अयां छा? मि हर दिन परमेश्वर बट्टी यरूशलेम शहर का मन्दिर मा बैठी के उपदेश दींणु रौंदु छो अर तब तुम ल मि तैं नि पकड़ी।”

मत्ती 21:12

यीशु ल परमेश्वर बट्टी यरूशलेम शहर का मन्दिर मा ऐ के ऊं सभियूं तैं जु परमेश्वर बट्टी मन्दिर मा पैसा को लींण दींण कना छा निकाली दींनि अर साहूकारों का मेज तैं अर कबूतर बिचण वलो कि चौकि तैं भि फरकै दींनि।

यूहन्ना 8:20

यु बातों तैं वेल यरूशलेम शहर का मन्दिर का चौक मा उपदेश दींण का भंडार घौर मा बोलि, अर कैन वे तैं नि पकड़ी किलैकि ऊंकु दुःख उठांण अर मुरण का बगत अभि तक नि ऐ छो।