यूहन्ना 5:26 - गढवली नयो नियम

²⁶ किलैकि जैं रीति बट्टी पिता परमेश्वर अफ मा जीवन रखदु च वीं रीति बट्टी वेल मि तैं भि यु अधिकार दियुं च कि अपड़ा आप मा जीवन रखु

Garhwali

²⁶ किलैकि जन पिता खुद जीवन देण वळु च, ठिक उन्‍नि वेन पुत्र तैं भि यू अधिकार दियूं च, कि उ भि जीवन दे सैको।

यूहन्ना 5:26 Referans Kwoze

यूहन्ना 11:26

अर जु मि मा ज्यूँदो च अर मि पर विश्वास करदु च उ कभि नि मुरुलो क्य तु ईं बात पर विश्वास करदी छै?”

यूहन्ना 1:4

उ हमारा शारीरिक अर आत्मिक जीवन कु स्रोत च अर उ ही च जु सब लुखुं तैं प्रकाश दींद।

यूहन्ना 14:6

यीशु ल वेकु बोलि, “बाटु अर सचै मि ही छों अर जीवन भि मि छों बगैर मेरा द्वारा कुई पिता परमेश्वर मा नि पौंछि सकदु।

दिब्य दरस 22:17

पिता परमेश्वर की आत्मा अर चिनखै की ब्योली (मण्डलि) द्वी बुल्दींनि, “औ!” अर सुनण वलो तैं भि बुल्दण चयणु च, “औ!” अर जु तिसलो हो, उ औ अर जु कुई चांद उ जीवन को पांणी मुफ्त मा ल्यो।

1 तीमुथियुस 1:17

अब उ राजा जु हमेशा कु राज्य करद, यानि जु हमेशा कु ज्यूँदो च, जै तैं कुई देखि नि सकद एकमात्र परमेश्वर कु आदर अर महिमा जुग-जुग तक हूंणी रौ। आमीन।

1 कुरिन्थि 15:45

परमेश्वर का वचन मा लिख्युं च, “इन धरती कु पैलो आदिम, मतलब आदम, जीवित प्राणी बंणि” और आखरी आदिम जु मसीह च, जु अनन्त जीवन दींद।

दिब्य दरस 22:1

तब स्वर्गदूत ल मि तैं एक गाड दिखै जै मा जीवन कु पांणी छो। अर उ पांणी कांच का जन साफ छो। या गाड परमेश्वर अर चिनखा का सिंहासन का मूड़ी बट्टी बुगदी छै।

दिब्य दरस 21:6

फिर वेल मि बट्टी बोलि, “सभि कुछ खत्म हवे गै। मि अल्फा अर ओमेगा छो, मतलब कि, आदि अर अंत छो। मि ही छो जु च, जु हमेशा बट्टी छो। जु कुई भि तिसलो च, मि वे तैं पांणी का श्रोत बट्टी मुफ्त मा पांणी पींणु कु दयुलु जु बगैर अंत को जीवन दींद।

1 तीमुथियुस 6:16

भस उ ही एकमात्र च जु हमेशा कु ज्यूँदो च, अर उ इथग चमकदार रोशनी मा रौंदो च कि कुई भि वेका नजदीक नि ए सकद, अर न वे तैं कै मनिख ल देखि अर न ही कभि देखि सकदु। वेकी महिमा अर सामर्थ जुग-जुग तक राली। आमीन।

खास चेलों 17:25

न कैं चीजों का द्वारा वे तैं मनिख की मदद की जरूरत च, किलैकि उ अफ ही सभियूं तैं जीवन अर सांस अर सभि कुछ दींद।

यूहन्ना 14:19

जरा ही बगत मा दुनिया मि तैं नि दिखल्या, तुम मि तैं दिखल्या किलैकि मि फिर से ज्यूँदो हवे जालो अर इलै तुम भि ज्यूँदो रैला।

यूहन्ना 8:51

मि तुम मा सच-सच बुल्ण छौं कि जु कुई मनिख मेरा वचन कु पालन करलो, त उ अनन्तकाल तक कभि नि मुरल्या।

यूहन्ना 4:10

यीशु ल जवाब दे, “तु नि जंणदी की परमेश्वर त्वे तैं क्य दींण चांणु च अर तु नि जंणदी कु त्वे बट्टी पांणी मंगणु च जु तु जंणदी त तु मि बट्टी मंगदी अर मि त्वे तैं जीवन कु पांणी दींद”

दिब्य दरस 7:17

किलैकि चिनखो जु सिंहासन का बीच मा च, उ ऊंकी देखभाल करलो, उन ही जन एक चरवाहा अपड़ा ढिबरो की देखभाल करद; अर उ, ऊं तैं ताजा पांणी पींणु कु लिजालो जु लुखुं तैं जीवन दान दींद, अर पिता परमेश्वर ऊंकी आँखों बट्टी सभि आँसूओं तैं फूंजी दयालो।”

यूहन्ना 6:57

मेरा पिता परमेश्वर जैल मि तैं भेजि उ जीवन दींद जन वेल मि तैं जीवन दये वे जन मि भि वे आदिम तैं जीवन दयुलु जु मेरी देह तैं खांदु।

यूहन्ना 10:18

कुई मेरा जीवन मि बट्टी छिणदु नि च पर मि अपड़ी मर्ज़ी से ही दींदु छों मि तैं वेको दींणु कु अधिकार च अर वे तैं फिर लींणु कु भि अधिकार च किलैकि या व ही आज्ञा च जु मेरा पिता परमेश्वर बट्टी मिली च।

यूहन्ना 11:25

यीशु ल वीं मा बोलि, मि ऊई छों जु मुरयां लुखुं तैं जीवन मा वापिस लांदु छों अर जु कुई मि पर विश्वास करदु जु उ मोरि भि जालो तब भि ज्यून्दो रालो।

इब्रानी 1:2

पर यूं आखरी दिनों मा हम बट्टी अपड़ा नौंना का द्वारा बात कैरी। पिता परमेश्वर ल अपड़ा नौंना का द्वारा सैरी दुनिया की रचना कैरी अर सैरी सृष्टि कु वारिस ठैरे।