यूहन्ना 5:25 - गढवली नयो नियम

²⁵ मि तुम मा सच-सच बुल्णु छौं उ बगत औंणु च अर अब ही च ज्यांमा मुरयां लोग परमेश्वर का नौंना की आवाज सुणला अर जु सुणला उ हमेशा कु जीला।

Garhwali

²⁵ मि तुम बटि सच्‍चि ही बोन्‍नु छौं, कि अब उ बगत औण वळु च बल्किन मा ऐ गै, अर जु लोग आत्मिक जीवन मा मोरि गैनी, ऊ भि परमेस्वर का पुत्र की आवाज तैं सुणला। अर जु कुई वेकी आवाज तैं सुणला ऊ सदनि को जीवन पाला।

यूहन्ना 5:25 Referans Kwoze

यूहन्ना 5:28

यांसे अचम्भो नि कैरा किलैकि उ बगत औंदु च कि जथग उ सब लोग जु मुरयां अर कब्रों मा छिन, उ सब, मि मनिख कु नौंना की आवाज सूंणि के ज्यूँदो हवे के उठ खड़ा होला।

इफिसुस 5:14

यु कारण लोग बुल्दींनि, “हे सींण वला बिजि जा अर मुर्दों मा बट्टी ज्यूँदो हवे जा; त मसीह अपड़ो उज्यलो तुम पर चमकालो।”

इफिसुस 2:5

जब हम पापों मा छा जन कि पैली बट्टी ही मोरि गै छा, त वेल हम तैं मसीह मा ज्यूँदो कैरी; पिता परमेश्वर की दया बट्टी ही तुमारो बचाव अर उद्धार हुयुं च,

यूहन्ना 4:23

पर उ बगत औणु च अर अभि भि च जै मा सच्चा भक्त परमेश्वर पिता कि आराधना आत्मा अर सचै से करला किलैकि परमेश्वर पिता अफ कु इन ही आराधना कन वलो तैं खुज्योंद।

दिब्य दरस 3:1

सरदीस शहर की मण्डलि का दूत तैं लिख; “यु संदेश वेका तरपां बट्टी च जु सात गैणों तैं अपड़ा हथ मा ले के रखद अर जु पिता परमेश्वर का सात आत्माओं तैं भिजद, यु बुल्द कि मि जंणदु छो कि तू क्य करदी, कि तू मेरू विश्वासयोग्य विश्वासी प्रतीत त हूंदी, पर हकीकत मा तू अब मेरू अनुसरण नि करदी।”

यूहन्ना 8:47

जु कुई भि परमेश्वर बट्टी सम्बंध रखदु उ परमेश्वर कि बातों तैं सुणदु च अर तुम इलै नि सुणदां कि तुम परमेश्वर बट्टी जुड़यां नि छा।

कुलुसी 2:13

अर वेल तुम तैं भि, जु अपड़ा पापों, अर खतना का जन तुम्हरो बुरो स्वभाव कटै नि गै छो, पिता परमेश्वर ल तुम तैं मसीह का दगड़ी ज्यून्दो कैरी अर हमारा सब पापों तैं माफ कैरी।

इफिसुस 2:1

पैली जब तुम ल मसीह पर विश्वास नि कैरी छों, त इन लगदु छों जन कि पैली बट्टी मोरि गै छा, हम मा उ जीवन नि छों जु पिता परमेश्वर कि तरपां बट्टी मिल्दु छों, किलैकि तुम ल पाप कैरी अर परमेश्वर कि आज्ञाओं तैं नि मांणि।

रोमियों 6:4

इलै जब हम ल बपतिस्मा लये त हम मोरि ग्यां अर मसीह का दगड़ी दफनये ग्यां, कि जन मसीह पिता परमेश्वर कि महिमा का द्वारा मुर्दों मा बट्टी ज्यूँदो करे गै, उन ही हम एक नया ढंग बट्टी जीवन तैं जियां।

यूहन्ना 8:43

मेरी बात तुम इलै नि मणदा, की तुम मेरा संदेश स्वीकार कन मा इंकार करदां छा।

यूहन्ना 5:21

किलैकि जन पिता परमेश्वर मुरयां लुखुं तैं ज्यूँदो करदु च उन ही नौंनो भि जै तैं चांदु ऊं तैं जिलौदु च।

लूका 15:24

किलैकि मेरू यु नौंनो जैका बारा मा सुचदा छा की मोरि गै छो पर अब ज्यूँदो हवे गे: हरचि गै छो, अब मिली गै अर उ अनन्द मनांण लगि गैनी।

लूका 9:60

यीशु ल वेमा बोलि, “जु लोग आत्मिक रीति बट्टी मुरयां छिन ऊं तैं अपड़ा मुर्दा खडयोण दे पर तु जै के परमेश्वर कि राज्य को शुभ संदेश कु प्रचार सुंणौ।”

यूहन्ना 4:21

यीशु ल वीं से बोलि, हे नारी मेरी बात कु विश्वास कैर कि उ बगत औणु च कि तुम न त यु डांडा पर परमेश्वर कि आराधना करिल्या न यरूशलेम शहर मा।

लूका 15:32

पर अब आनन्द मगन हूंण चयणु च किलैकि तेरु यु भैय जै कु मिल सोचि छो, कि मोरि गै छो पर फिर ज्यूँदो हवे गै हरचि गै छो पर अब मिली गै।

यूहन्ना 17:1

यीशु ल अपड़ा चेलों मा यु बात बुल्ण का बाद, अर स्वर्ग की तरपां देखि के बोलि, “हे बुबा, उ बगत ऐ गै, अपड़ा नौंना कि बड़ै कैर, कि नौंना भि तेरी बड़ै कैर”

यूहन्ना 13:1

फसह कु त्यौहार से पैली जब यीशु ल जांणेली छो कि वेको जगत छोड़ी के बुबा मा लौटि जांणु कु उ बगत ऐ गै त अपड़ा अनुयायियों बट्टी जु जगत मा छा प्रेम रखदो छो उ अब ऊं तैं अपड़ा प्रेम की पूरी हद तक प्रेम करदो छो।

यूहन्ना 6:60

यीशु का चेलों मा बट्टी भौतों ल यु सूंणि के बोलि यु त कठिन शिक्षा च ईं तैं कु मांणी सकद?

यूहन्ना 9:27

वेल ऊंमा बोलि, मि त तुम मा बोलि चुकि ग्यों अर तुम ल नि सूंणि अब दुसरी बार किलै सुनण चांणा छा? क्य तुम भि वेका चेला हूंण चांणा छा?