यूहन्ना 4:23 - गढवली नयो नियम

²³ पर उ बगत औणु च अर अभि भि च जै मा सच्चा भक्त परमेश्वर पिता कि आराधना आत्मा अर सचै से करला किलैकि परमेश्वर पिता अफ कु इन ही आराधना कन वलो तैं खुज्योंद।

Garhwali

²³ पर अब उ बगत औण वळु च बल्किन अभि भि च, जब सच्‍चा भक्‍त पिता परमेस्वर की भक्‍ति तैं आत्मा अर सच्‍चै से करला, किलैकि पिता परमेस्वर अफु खुणि इन्‍नि भक्‍ति करण वळो तैं खुज्यान्दु च।

यूहन्ना 4:23 Referans Kwoze

फिलिप्पी 3:3

किलैकि पिता परमेश्वर का सच्चा लोग व खतनावला हम ही छा, जु पिता परमेश्वर की आराधना वेकी आत्मा का द्वारा करदींनि अर अपड़ा जीवन मा मसीह यीशु का दगड़ा मा जुड़ी कै खुशी हूंदींनि, अर अपड़ा खुद का मानवीय कोशिशों पर निर्भर नि हूंदींनि।

यूहन्ना 5:25

मि तुम मा सच-सच बुल्णु छौं उ बगत औंणु च अर अब ही च ज्यांमा मुरयां लोग परमेश्वर का नौंना की आवाज सुणला अर जु सुणला उ हमेशा कु जीला।

गलातियों 4:6

अर किलैकि हम वेकी संतान छा, इलै कि परमेश्वर ल अपड़ा नौंना कि पवित्र आत्मा तैं हमारा हृदय मा भेजि, जु आत्मा परमेश्वर तैं “हे बुबा, हे पिता बोलि के धै लगान्दो च।”

रोमियों 8:26

ईं रीति ल पवित्र आत्मा भि हमारी मदद करद; जब परमेश्वर मा हमारो भरोसो कमजोर हूंद, किलैकि हम नि जंणदा, कि प्रार्थना कन कै कन चयणी च; पर पवित्र आत्मा अफी इन्दरी आह भौरि-भौरि के जु कि बतांण से भैर च, हम कु बिनती करद।

यूहन्ना 12:23

ईं बात पर यीशु ल ऊंमा बोलि, मि मनिख कु नौंनो कि बड़ै कु बगत ऐ गै।

इफिसुस 6:18

अर हर बगत अर हर प्रकार बट्टी जन पवित्र आत्मा अगवै करदु, प्रार्थना अर बिनती कना रावा, अर बिंज्यां रावा कि सभि पवित्र लुखुं कु हमेशा बिनती किया कैरा,

यूहन्ना 4:21

यीशु ल वीं से बोलि, हे नारी मेरी बात कु विश्वास कैर कि उ बगत औणु च कि तुम न त यु डांडा पर परमेश्वर कि आराधना करिल्या न यरूशलेम शहर मा।

यूहन्ना 1:17

मूसा का द्वारा लिखीं परमेश्वर की व्यवस्था दिये गै, पर परमेश्वर ल यीशु मसीह का द्वारा दया अर सचै दिखै।

रोमियों 8:15

किलैकि तुम तैं गुलामी की आत्मा नि मिली, गुलाम जु पिता परमेश्वर बट्टी डरदा छिनी, पर जब पिता परमेश्वर ल तुम तैं अपड़ी सन्तान का रूप मा स्वीकार कैरी त तुम तैं परमेश्वर कि आत्मा मिली, ज्यां बट्टी हम हे बुबा, हे पिता बोलि के बुलौंदियां।

1 पतरस 2:9

पर तुम इन नि छा किलैकि तुम पिता परमेश्वर का चुणयां लोग छा, तुम पिता परमेश्वर का याजक छा, जु राजा च तुम पिता परमेश्वर से जुड़िया लोग छा वेल तुम तैं अंधेरा बट्टी अपड़ी अद्भुत उज्यला मा बुलै, कि तुम पिता परमेश्वर का अद्भुत कामों का बारा मा बतै साका।

यूहन्ना 16:32

देखा उ बगत आंणु च बल्कि ऐ ही गयै कि तुम सब छिदरु-बिदरु हवे कै अपड़ा-अपड़ा मार्ग लील्या अर मि तैं यखुली छोड़ी दीला फिर भि मि यखुली नि किलैकि पिता परमेश्वर मि दगड़ी च।

रोमियों 1:9

पिता परमेश्वर जैकी सेवा मि अपड़ा पूरा मन बट्टी कनु छों वेका नौंना यीशु मसीह का शुभ सन्देश कु प्रचार लुखुं मा कनु छौं, उ मेरू गवाह च कि मि अपड़ी प्रार्थनाओं मा तुम तैं हमेशा याद कनु रौंदु।

यूहन्ना 5:28

यांसे अचम्भो नि कैरा किलैकि उ बगत औंदु च कि जथग उ सब लोग जु मुरयां अर कब्रों मा छिन, उ सब, मि मनिख कु नौंना की आवाज सूंणि के ज्यूँदो हवे के उठ खड़ा होला।

यूहन्ना 16:2

उ तुम तैं यहूदियों का मिलणा का भवन मा बट्टी भैर निकाली दयाला बल्कि उ बगत औंदु च कि जु कुई तुम तैं मारि डलला य समझला की मि परमेश्वर की सेवा करदु छों।