यूहन्ना 3:19 - गढवली नयो नियम

¹⁹ अर दंड कि आज्ञा कु कारण यु च कि उज्यला जगत मा ऐ, मनिख्युं ल अंधेरो तैं उज्यला बट्टी जादा अच्छो जांणि किलैकि ऊँका काम बुरा छा।

Garhwali

¹⁹ अर दोष लगौण को कारण यू च, कि उज्याळु ईं दुनियां मा ऐ, पर मनखियों न उज्याळा बटि ना बल्किन मा अन्धेरा तैं खूब माणी, किलैकि ऊंका काम बुरा छा।

यूहन्ना 3:19 Referans Kwoze

यूहन्ना 8:12

तब यीशु ल फिर लुखुं मा बोलि, “दुनिया कु उज्यला मि छौं जु मेरा पिछनै हवे जालो उ अंधेरा मा नि चललो पर उ उज्यला तैं पालो जु अनन्त जीवन दींद।”

2 थिस्सलुनीकी 2:12

पिता परमेश्वर ऊं सभि लुखुं तैं भंगारी ठैरालो, जु सच्चा संदेश पर विश्वास नि करदींनि, अर दुष्ट चीजों बट्टी प्रेम करदींनि।

रोमियों 2:8

पर जु कुई भि स्वार्थी छिनी अर सच तैं नि मणदींनि, बल्कि कुकर्म कु पालन करदींनि, ऊं पर पिता परमेश्वर अपड़ो गुस्सा अर प्रकोप दिखालो।

यूहन्ना 12:43

मनिख्युं कि प्रशंसा वेकी परमेश्वर की प्रशंसा बट्टी जादा प्रिय लगदि छै।

रोमियों 1:32

उ त परमेश्वर की यूं विधि तैं जंणदा छिनी कि इन-इन काम कन वला मौत का दण्ड का हकदार छिनी, अर फिर भि इन काम करदींनि अर कन वलो बट्टी खुश भि हूंदींनि।

यूहन्ना 5:44

तुम मि पर विश्वास नि कैर सकदा किलैकि तुम एक दुसरा बट्टी प्रशंसा चांदा छा अर तुम एकमात्र परमेश्वर बट्टी प्रशंसा पाणै कि कोशिश नि करदां?

2 पतरस 3:3

सबसे जरूरी बात, तुम तैं पता हूंण चयणु कि मसीह मा वापिस आंण से पैली आखरी दिनों मा इन लोग होला जु तुम्हरो मजाक उड़ाला किलैकि तुम विश्वास करदा कि मसीह फिर से वापिस आलो। उ आदतों का कारण बुरा काम करला जु ऊं तैं खुश करला।

यूहन्ना 1:4

उ हमारा शारीरिक अर आत्मिक जीवन कु स्रोत च अर उ ही च जु सब लुखुं तैं प्रकाश दींद।

लूका 12:47

अर उ सेवक जु अपड़ा स्वामि कि मनसा जंणदु छै पर जैल तैयार हवे के वेकी मनसा का अनुसार काम नि कैरी उ भौत कोड़ा खालो।

1 पतरस 2:8

अर फिर पिता परमेश्वर कु वचन यु बुल्द, “यु ढुंगो लुखुं का ठोकर खांण को कारण होलो। य एक चट्टान जु ऊंको लमडणो को कारण होलो।” उ इन कै लम्ड़दींनि किलैकि उ पिता परमेश्वर का संदेश तैं मनणु से इंकार करदींनि। पिता परमेश्वर ल ऊं दगड़ी य ही योजना बणै।

यूहन्ना 7:7

दुनिया का लोग तुम बट्टी बैर नि कैरी सकदींनि पर उ मि बट्टी बैर करदींनि किलैकि मि वेका विरोध मा ईं गव्है दींदु छौं कि वेका काम बुरा छिन।

यूहन्ना 7:17

इलै कुई वेकी इच्छा पर चलण चांदो उ जांणि ल्यो की मेरी शिक्षा परमेश्वर की तरपां बट्टी औंद या मेरा अपड़ा अधिकार बट्टी न, या मेरा अपड़ी तरपां बट्टी नि बुल्द।

लूका 16:14

फरीसी जु लोभि छा यु सभि बात सूंणि के वेको मजाक कन लगि गैनी।

यूहन्ना 1:5

उज्यलो अंधेरा मा चमकद अर अन्धकारा ल वे तैं नि बुझै साकी।

यूहन्ना 9:5

जब तक मि दुनिया मा छौं तब तक दुनिया कु उज्यला मि छों।

यूहन्ना 12:31

दुनिया मा लुखुं कु जांच के न्याय कनु कु परमेश्वर कु बगत अब यु दुनिया कु सरदार शैतान निकाले जालो।

यूहन्ना 12:46

मि यु जगत मा उज्यलो बंणि के अयुं छौं इलै की जु कुई भि मि पर विश्वास करुलु उ अंधेरा मा नि रौ।