यूहन्ना 3:15 - गढवली नयो नियम

¹⁵ इलै की जु कुई मि पर विश्वास कैरो उ अनन्त जीवन पालो।

Garhwali

¹⁵ ताकि जु कुई भि वे पर बिस्वास करलु, वेतैं सदनि को जीवन दिये जौ।

यूहन्ना 3:15 Referans Kwoze

यूहन्ना 3:16

किलैकि परमेश्वर ल दुनिया का लुखुं बट्टी इन प्रेम रखि कि वेल अपड़ो एकलौतो नौंनो दे दींनि इलै की जु कुई मि पर विश्वास कैरो उ नष्ट नि हो पर अनन्त जीवन पौ।

यूहन्ना 6:40

किलैकि मेरा पिता परमेश्वर कि मनसा याचा कि जु कुई मि पर विश्वास करदो उ अनन्त जीवन पौ अर मि वे तैं अंत का दिन मा फिर ज्यूँदो उठौलु।

यूहन्ना 3:36

जु परमेश्वर का नौंना पर विश्वास करदो अनन्त जीवन वेको ही च पर जु नौंना कि नि मणदो वे तैं अनन्त जीवन नि मिलालो पर परमेश्वर कु दण्ड वे पर ही रालो।

यूहन्ना 20:31

पर यु बात जु लिखीं छिनी उ इलै लिखीं छिनी कि तुम विश्वास कैरी सक्यां कि यीशु ही परमेश्वर कु नौंनो मसीह च अर वे पर विश्वास कैरी कै वेका नौं बट्टी अनन्त जीवन पावा।

1 यूहन्ना 5:1

जै को यु विश्वास च, कि यीशु ही मसीह च, उ मनिख पिता परमेश्वर की सन्तान च अर जु कुई पिता परमेश्वर बट्टी प्रेम करदो, उ पिता परमेश्वर की सन्तान बट्टी भि प्रेम करद।

इब्रानी 7:25

इलै की जु यीशु का द्वारा पिता परमेश्वर का संमणी औंदींनि उ, ऊं लुखुं कु पूरो-पूरो बचाव अर उद्धार कैरी सकद, किलैकि यीशु लुखुं कु पिता परमेश्वर बट्टी बिनती कनु कु हमेशा जीवित अर उपस्थित च।

1 यूहन्ना 5:20

हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।

यूहन्ना 6:47

मि तुम मा सच-सच बुल्ण छौं कि जु कुई मि पर विश्वास करदो अनन्त जीवन वेको ही च।

यूहन्ना 1:12

पर जथगो ल वे तैं स्वीकार कैरी वेल ऊं तैं परमेश्वर कि सन्तान हूंणो कु अधिकार दींनि मतलब ऊं तैं जु वे पर विश्वास करदींनि।

यूहन्ना 5:24

मि तुम मा सच-सच बुल्णु छौं जु मेरू वचन सूंणि के मेरा भिजण वला पर विश्वास करदो अनन्त जीवन वेकु च अर वे पर दण्ड नि दिये जालो पर उ अनन्तकाल की मौत बट्टी बची जालो अर पैली बट्टी ही वेल अनन्त जीवन मा प्रवेश कैरी येले।

लूका 19:10

किलैकि मि मनिख कु नौंनो हरच्यां लुखुं तैं खुज्योंणु कु अर ऊं तैं बचौणु कु अयुं छों।

गलातियों 2:16

तब भि हम यहूदी विश्वासी जंणदा छा कि मूसा की व्यवस्था कु पालन कैरी कै कुई भि मनिख पिता परमेश्वर की नजरों मा धर्मी नि ठैरुदो। पर भस यीशु मसीह पर विश्वास कैरी कै धर्मी ठैरद, इलै हम ल अफ भि यीशु मसीह पर विश्वास कैरी, किलैकि मूसा का नियम-कानून का पालन कना से कुई भि मनिख धर्मी नि ठैरद पर यीशु मसीह पर विश्वास कन से धर्मी ठैरद।

1 यूहन्ना 2:25

अर ज्यांको पिता परमेश्वर ल हम बट्टी वादा करयुं च की उ हम तैं अनन्त जीवन दयालो।

इब्रानी 10:39

पर हम ऊं लुखुं मा नि छा जु पिता परमेश्वर बट्टी पिछनै हटि जंदींनि अर नाश हवे जंदींनि; पर हम ऊं लुखुं मा छा जु विश्वास बणै रखदां अर जौंकी आत्मा बचि जयदींनि।

खास चेलों 8:36

उ रस्ता मा जांदी बगत, उ एक तालाब का संमणी पौछिनी, तब खजांची ल बोलि, “इख एक तालाब च, क्य अब मि तैं बपतिस्मा लींण मा कुई रोक च?”

मरकुस 16:16

जु कुई मि पर विश्वास कैरो वेको चिन्ह च की उ बपतिस्मा ल्यो अर परमेश्वर का द्वारा मि वे तैं पापों का मिलण वला दंड से उद्धार अर वेको जु विश्वास नि करुलु वे तैं परमेश्वर दंड दयालो।

गलातियों 2:20

मि मसीह का दगड़ी सूली पर चड़ैये ग्यों अर मि नि रौं जु अब भि ज्यूंदों च, बल्कि उ मसीह च जु मि मा ज्यूंणु च। अर जन के मि ज्यूंणु छों अब मि पिता परमेश्वर का नौंना पर विश्वास कैरी कै ज्यूँदो छौं, जु मि बट्टी इथग प्रेम करदो कि वेल मेरा खातिर अपड़ी जान दे दींनि।

2 कुरिन्थि 4:3

जु शुभ सन्देश हम प्रचार करदा जु उ छिपयूं च, त यु नाश हूंण वलो कु ही छिपयूं च।

1 कुरिन्थि 1:18

किलैकि सूली कि मिसाल त नाश हूंण वला कु मूर्खता च पर हम बचण अर उद्धार पांण वलो कु पिता परमेश्वर की सामर्थ नजदीक च।

रोमियों 5:21

कि जन सभि लुखुं ल पाप कैरी अर उ सभि मोरि गैनी, उन ही हमारा प्रभु यीशु मसीह का द्वारा पिता परमेश्वर की दया ऊं तैं धर्मी अर ऊं तैं अनन्त जीवन द्याली।

खास चेलों 13:41

ऊंल बोलि, “हे निंदा कन वलो, देखा, अर चकित व, अर मोरि हवे जावा! किलैकि मि तुम्हरा दिनों मा एक काम करुलु; जैका बारा मा जु कुई तुम बट्टी वेका बारा मा बात करलो, त तुम कभी विश्वास नि करला”

मत्ती 18:10

“देखा तुम मा यूं छुटों मा बट्टी कै तैं भि तुच्छ नि जणयां किलैकि मि तुम मा बुल्णु छौं, कि स्वर्ग मा ऊँका स्वर्गदूत मेरा बुबा की उपस्थिति मा रौंदा छिन।”

यूहन्ना 16:33

मिल यु बात तुम मा इलै बोलि कि तुम तैं मेरा कारण शान्ति मिलो; दुनिया मा तुम तैं क्लेश हूंद, पर ढाडस बांधा, मिल ये दुनिया मा राज्य कन वला का मथि जीति हासिल कैरेले।”

मत्ती 25:46

अर उ जु बैंं अर छा अनन्त विनाश की सजा भुगला पर धर्मी लोग अनन्त जीवन मा वास करला।

यूहन्ना 6:27

खांणु कु मेहनत नि कैरा पर वे खांणु कु जु अनन्त जीवन तक ठैरद मि मनिख कु नौंनो तुम तैं यु खांणु दयुलु किलैकि पिता परमेश्वर ल मि तैं इन कनु कु अधिकार दियुं च।