यूहन्ना 19:17 - गढवली नयो नियम

¹⁷ तब उ यीशु तैं ली गैनी। अर उ अपड़ी सूली तैं उठै कै वीं जगह तक भैर लीगि जैकु, “खोपड़ी कि जगह” बुल्दा छिन अर इब्रानी भाषा मा गुलगुता बुलै जांदु।

Garhwali

¹⁷ तब ऊ यीशु तैं लेके चलि गैनी। अर यीशु खुद अपणी क्रूस तैं उठे के एक जगा मा गै। अर वीं जगा को नौ “खोपड़ि की जगा” छौ, जैकू इब्रानी भाषा मा गुलगुता बुल्दिन।

यूहन्ना 19:17 Referans Kwoze

लूका 23:33

जब उ वीं जगह पौंछिनी, जैकु खोपड़ी बुल्दींनि, त ऊंल द्वी डाकूओं तैं यीशु का एक तैं दैंणि तरपां अर दुसरा तैं बैं तरपां सूली पर चढ़ै दींनि।

लूका 14:27

अर जु मेरा चेला हूंण का कारण दुःख उठांण अर सूली पर मुरण कु भि तैयार हो अर मेरा पिछनै नि चलो उ मेरू चेला हूंणा का लैख नि च।

लूका 23:26

जब सिपै मसीह यीशु तैं लिजांणा छा त ऊंल शमौन नौं कु एक कुरेनि जु कै गौं बट्टी आंणु छो पकड़ी अर सूली वे पर लादी दींनि कि उ यीशु का पिछनै-पिछनै लिजांणु रौ।

खास चेलों 7:58

अर स्तिफनुस तैं पकड़ी अर घसीट के यरूशलेम शहर बट्टी भैर लै के वे पर ढुंग्यो कैरी। अर स्तिफनुस पर भंगार लगै अर अपड़ा कपड़ा शाऊल नौं का एक जवान का खुट्टों का संमणी रखदींनि।

मरकुस 15:32

यु आदिम जु मसीह हूंणो कु दावा कनु छो, “हे इस्राएल का लुखुं का राजा मसीह सूली बट्टी उतरी के औ” हम भि त्वे तैं देखि कै विश्वास करुला जु द्वी मनिख यीशु का दगड़ा सूली पर चढैयां छा उ भि यीशु कि बुरै कना छा।

लूका 23:38

अर ऊंका मथि एक भंगार की एक तख्ती लिखीं के वेकी सूली का मथि ठोकी दींनि कि “यु यहूदियों कु राजा च”

लूका 9:23

वेल सभियूं बट्टी बोलि, “जु कुई मेरा पिछनैं आंण चौ उ अपड़ी इच्छाओं तैं छोड़ी के अर अपड़ो सूली उठै के मेरा पिछनैं हवे जौं।”

मरकुस 15:26

अर ऊंल यीशु को भंगार की एक तख्ती लिखीं के वेकी सूली का मथि ठोकी दींनि कि “यहूदियों कु राजा”

मरकुस 10:21

यीशु ल वे तैं प्यार से देखि अर वेकु बोलि, “एक काम च जु त्वे तैं अभि भि कन जरूरी च जु कुछ धन सम्पति तेरी च वे तैं बेचि के गरीबों तैं दे-दे अर त्वे तैं स्वर्ग का राज्य मा धन मिललो अर मेरू चेला बण के मेरा पिछनैं हवे जा।”

मरकुस 8:34

वेल भीड़ तैं अपड़ा चेलों का समेत अपड़ा संमणी बुलै के ऊंमा बोलि “जु कुई मेरा पिछनैं आंण चौ उ अपड़ी इच्छाओं तैं छोड़ी के अर अपड़ो सूली उठै के मेरा पिछनैं हवे जौं।

मत्ती 27:37

अर यीशु की भंगार की एक तख्ती लिखीं के वेकी सूली का मथि ठोकी दींनि कि “यु यहूदियों कु राजा यीशु च”

मत्ती 16:24

तब यीशु ल अपड़ा चेलों मा बोलि, “जु कुई मि दगड़ी आंण चौ उ अपड़ी इच्छाओं तैं छोड़ी के अर अपड़ी सूली उठै के मेरा पिछनैं औ।”

मत्ती 10:38

अर जु मेरा चेला हूंण का कारण अपड़ी सूली उठांण अर मुरण कु भि तैयार हो अर मेरा पिछनैं नि चलो उ मेरू चेला हूंणा का लैख नि च।

यूहन्ना 5:2

अब यरूशलेम शहर मा, ढिबरा-फाटक का संमणी एक कुण्ड छो, जु इब्रानी भाषा मा बैतसैदा बुलेंदु छो, यु पाँच छत वला ओसारा बट्टी घिरयूं छो।

यूहन्ना 19:13

यूं बातें तैं सूंणि कै पिलातुस यीशु तैं भैर लै, अर उ न्याय आसण पर बैठी, जु की ढुंगों कु एक चौंरि छै जैकु इब्रानी भाषा मा गब्बता बुल्दा छा वे जगह पर छों।