यूहन्ना 17:21 - गढवली नयो नियम

²¹ कि उ सब एक छिन; जै तैं हे बुबा मि मा च, उन ही उ भि हम मा हो, इलै की यु दुनिया ल लुखुं को विश्वास कैरी, की तिल मि तैं भेजि।

Garhwali

²¹ ताकि ऊ सभ्या का सभि एक ह्‍वे जा। हे मेरा पिता, जन तुम मि मा छाँ अर मि तुम मा छौं, ठिक उन्‍नि ऊ भि हम मा बणयां रा ताकि दुनियां का लोग बिस्वास कैरा, कि तुमुन ही मितैं भेजि च।

यूहन्ना 17:21 Referans Kwoze

1 कुरिन्थि 12:12

किलैकि जन कै मनिख की देह एक च अर वेका अंग भौत छिनी, भौत हूंण पर भि सभि मिल कै एक ही देह च उन के ही मसीह भि अर वे पर विश्वास कन वला विश्वासी भि एक ही छिनी।

यूहन्ना 17:11

अब मि दुनिया मा नि रौंण, मि तुम मा आंणु छों पर मेरा चेला अभि भि दुनिया मा छिन; “हे पवित्र बुबा, अपड़ा नौं की सामर्थ बट्टी वेकी रक्षा कैर, की वेको एक ही मन होलो।

फिलिप्पी 1:27

भस इथग कैरा कि तुमारो चाल-चलन यीशु मसीह का शुभ सन्देश का लैख हो तब चै मि तुम तैं ऐ के देखु, या फिर नि भि औं, पर तुमारा बारा मा इन ही सूंणु कि तुम एक ही मन छा, अर एक ही मनसा रखि के शुभ संदेश का विश्वास कु सदनी मेहनत करदां।

यूहन्ना 13:35

जु तुम एक दुसरा बट्टी प्रेम करिल्या, जु हर कुई जांणि ल्यालो कि तुम मेरा चेला छा।”

खास चेलों 4:32

विश्वास कन वलो कि मण्डलि एक मनसा कि छै इख तक कि कुई भि अपड़ी धन सम्पति कु अपड़ी नि बुल्दो छो पर सब सम्पत्ति साझा की छै।

यूहन्ना 17:8

इलै जु संदेश तिल मि तैं दींनि, मिल ऊं तैं दे दींनि, अर ऊंल संदेश पर विश्वास कैरी अर सच-सच जांणि लील्या कि मि तेरा तरपां बट्टी अयुं छौं अर यु विश्वास कैरी कि तिल मि तैं भेजि।

यूहन्ना 10:38

पर जु मि बुल्द छों, त चाहे मेरू विश्वास नि भि कैरा, पर ऊं कामों पर विश्वास कैरा, तब तुम तैं पता चलालो की पिता परमेश्वर मि मा रौंदु, अर मि पिता परमेश्वर मा रौंदु।

यूहन्ना 10:30

मि अर पिता परमेश्वर एक ही छा।

गलातियों 3:28

मसीह मा, अब न त कुई यहूदी च अर न (यूनानी) अन्यजाति च, न त कुई गुलाम च, अर न आजाद, अर न कुई आदिम च अर न जनन, किलैकि तुम सभि यीशु मसीह मा एक छा।

1 कुरिन्थि 1:10

हे मेरा विश्वासी भयों, मि तुम बट्टी हमारा प्रभु यीशु मसीह का नौं बट्टी बिनती कनु छौं, कि तुम सब तैं एक दुसरा दगड़ी सहमत हूंण चयणु च, कि तुम मा फूट नि हो, पर एक ही मन हवे के एक दुसरा दगड़ी मेल-मिलाप कैरी के रा।

रोमियों 12:5

वे जन ही, हम भि जु मसीह मा विश्वासी छा, हम सभि मसीह का देह का अंग छा, अर हम सभि एक-दुसरा बट्टी जुड़यां छा।

1 यूहन्ना 5:7

गव्है य च कि यीशु मसीह हमारा पापों कु बलिदान हवे, यु तीन चीज यांकि गव्है दींदिनि।

खास चेलों 2:46

उ हरेक दिन एक मन हवे के पिता परमेश्वर बट्टी यरूशलेम शहर का मन्दिर मा कट्ठा हूंद छा अर घौर-घौर मा प्रभु भोज लींदा छा अर सच्चा मन दगड़ी रै के खांणु खांदा छा।

यूहन्ना 17:25

हे धर्मी बुबा, दुनिया ल त त्वे तैं नि जांणि, पर मि त्वे तैं जंणदु छों, अर यूं चेलों ल भि जांणि कि तिल मि तैं भेजि।

यूहन्ना 10:16

मेरा और भि ढिबरा छिन जु यु ढिबरा गोठ मा नि छिन। मि ऊं तैं भि लौण जरूरी च उ मेरू शब्द पैछणदींनि तब एक ही झुण्ड अर एक कि चरवाहा होलो।

यूहन्ना 17:3

अनन्त जीवन यु च की लोग त्वे तैं पैछणदो बल्कि भस एकमात्र सच्चो परमेश्वर तैं, अर यु की उ मि तैं जंणदु पैछणदो, बल्कि, यीशु मसीह तैं जै तैं तिल भेजि।

यूहन्ना 5:23

पिता परमेश्वर का द्वारा नौंना कु न्याय कनु कु अधिकार दींण का परिणाम नौंना कु आदर च जु नौंना कु आदर नि करदो उ पिता परमेश्वर कु जैल वे तैं भेजि आदर नि करदो।

यूहन्ना 3:17

किलैकि परमेश्वर ल अपड़ा नौंना तैं दुनिया का लुखुं पर दंड दींणु कु नि भेजि, पर इलै भेजि कि दुनिया का लोग वेका द्वारा उद्धार पां।

यूहन्ना 17:18

जन तिल मि तैं जगत मा भेजि, मिल ऊं तैं जगत मा भेजि

यूहन्ना 11:42

मि जंणदु छौं, कि तु सदनी मेरी सुंणदि छै, पर मिल ईं भीड़ का कारण अमणी-संमणी खड़ी च, वे कारण मिल यु बोलि, की उ सब विश्वास कैरा कि तिल मि तैं भेजि।”

यूहन्ना 17:20

मि भस अपड़ा चेलों कु परमेश्वर बट्टी प्रार्थना नि करदु, पर जु यूं शिक्षा बट्टी मि पर विश्वास करदींनि ऊं कु भि बिनती करदु छों

1 कुरिन्थि 6:17

अर जु प्रभु की संगति मा हमेशा रौंद, त वेकी आत्मा अर प्रभु की पवित्र आत्मा एक हवे गै।

1 यूहन्ना 1:3

हम ल यीशु मसीह का बारा मा जु कुछ भि देखि अर सूंणि, वेकी गव्है हम तुम तैं भि प्रचार करद्यां इलै कि हम दगड़ी तुम्हरी भि संगति हो, अर हमारी या दगड़ी बुबा का दगड़ा, अर वेका नौंना यीशु मसीह का दगड़ी च।

मरकुस 3:24

अर जै राज्य का लोग छुट्टा टुकड़ा मा बटयां हो अर आपस मा लड़ै कन रौनु तब उ राज्य कनके ठिक रै सकदु?

यूहन्ना 13:32

अर परमेश्वर भि अपड़ा मा नौंना की बड़ै करलो अर तुरंत करलो।