यूहन्ना 16:7 - गढवली नयो नियम

⁷ फिर भि मि तुम बट्टी सच बुल्णु छौं कि मेरू जांण तुम कु अच्छो च किलैकि जु मि नि जौं त उ मददगार तुम मा नि आलो, पर जु मि जौलु, त वे तैं तुम मा भिजलु।

Garhwali

⁷ फिर भि मि तुम मा सच्‍चि बोन्‍नु छौं, कि मेरु जाण तुम खुणि फैदे की ही बात च। किलैकि अगर जु मि नि जौलु, त वे मददगार न तुम मा नि औण, पर जब मि जौलु, त वेतैं तुम मा भेजलु।

यूहन्ना 16:7 Referans Kwoze

यूहन्ना 14:26

पर मददगार यानि पवित्र आत्मा जै तैं बुबा मेरा अधिकार का दगड़ी भेजलो पवित्र आत्मा तुम तैं सभि बात सिखालो अर जु कुछ मिल तुम मा बोलि जांणा सब तुम तैं याद दिलालो।

यूहन्ना 15:26

मि बुबा की तरपां बट्टी एक मददगार भिजुलू उ आत्मा वे जु पिता परमेश्वर की तरपां बट्टी औंद अर जु सच्चो च वे तैं प्रगट करद जब उ आलो, त उ तुम तैं मेरा बारा मा बतालो।

रोमियों 8:28

हम जंणदा छा, कि जु लोग परमेश्वर बट्टी प्रेम रखदींनि, मतलब ऊंकु ही जु वेकी ही इच्छा का अनुसार चलदींनि जूं तैं वेको चुणयूं च, ऊं लुखुं कु पिता परमेश्वर सभि बातों कु भलै कु ही करद,

खास चेलों 2:33

यु ही यीशु तैं परमेश्वर ल अपड़ी दैणी तरपां सबसे ऊंची जगह बैठै अर पिता ल जन वे बट्टी करार कैरी छै वे तैं पवित्र आत्मा दे अर वेल उ ही पवित्र आत्मा हम तैं दींनि जन कि आज तुम जु दिखणा अर सुचणा छा।

यूहन्ना 7:39

यीशु ल यु वचन पवित्र आत्मा का बारा मा बोलि, जै तैं विश्वास कन वला पांण वला छा किलैकि पवित्र आत्मा अभि तक नि उतरी छो, परमेश्वर ल अब तक यीशु की बड़ै तैं प्रगट नि कैरी छो।

लूका 24:49

अर मि स्वयं तुमारा मथि पवित्र आत्मा तैं भेजलो ज्यांको सौं मेरा पिता परमेश्वर लै छै, इलै तुम तब तक शहर मा जग्वाल कन रयां, जब तक तुम तैं स्वर्ग बट्टी सामर्थ नि दिये जालो।

खास चेलों 10:34

तब पतरस ल बोलि, “अब मेरी समझ मा ऐ गै कि पिता परमेश्वर कै दगड़ी भि भेद-भाव नि करद।

यूहन्ना 14:28

तुम ल सुणैयेलि कि मिल तुम मा बोलि, मि जांणु छौं अर तुम मा फिर औलु जु तुम मि से प्रेम रखदा त ईं बात से खुश हूंद्यां कि मि बुबा मा जांणु छौं किलैकि बुबा मि से जादा बड़ो च।

यूहन्ना 14:3

मेरा जांण अर तैयारी कना का बाद तुम कु जगह तैयार करुलु कि फिर तुम मा ऐ के तुम मि दगड़ी रौंणु कु लिजौलु की जख मि रौलु उखि तुम भि रैल्या।

लूका 9:27

मि तुम मा सच बुल्णु छौं कि जु इख म खड़ा छिन ऊंमा बट्टी कुई-कुई इन छिन कि जब तक परमेश्वर का राज्य तैं सामर्थ का दगड़ा आंण नि दिखला तब तक ऊंल मुरण भि नि च।

लूका 4:25

अर मि तुम मा सच बुल्णु छौं मेरी बात सूंणा उ सच छिनी की ऊख भौत विधवा छै कि परमेश्वर की तरपां बट्टी बुल्ण वलो एलिय्याह का दिनों मा जब साढ़े तीन बरसों तक स्वर्ग बंद रै अर बरखा नि हवे कि सैरा इस्राएल का लुखुं का घराना मा बड़ो अकाल पड़ि।

2 कुरिन्थि 4:17

किलैकि हमारी वर्तमान समस्या छुटी ही छिनी अर भौत जादा बगत तक नि राली; किलैकि यांको नतीजा अनन्त महिमा होलो जु ऊं सभियूं बट्टी भौत जादा होलो जै की हम कल्पना कैरी सकदा।

यूहन्ना 16:8

अर वेल ऐ के दुनिया का लुखुं तैं पाप अर धार्मिकता अर न्याय का बारा मा यकीन दिलै।