यूहन्ना 16:17 - गढवली नयो नियम

¹⁷ तब वेका चेलों ल आपस मा बोलि या क्य बात च जु उ हम मा बुल्णु च मि जरा देर तक अर तुम दगड़ी छों तब अपड़ा भिजण वला मा लौटि जौलु यु इलै कि मि पिता परमेश्वर मा जांणु छौं?

Garhwali

¹⁷ तब वेका कुछ चेलों न आपस मा बोलि, “यू हम बटि बोन्‍नु च कि, ‘थुड़ी देर बाद तुम मितैं नि दिखल्या, पर और थुड़ी देर बाद तुम मितैं फिर से दिखल्या।’ त यां को मतलब क्या च?”

यूहन्ना 16:17 Referans Kwoze

यूहन्ना 16:16

“मि जरा देर तक और तुम दगड़ी छों तब अपड़ा भिजण वला मा लौटि जौलु।”

यूहन्ना 16:5

पर अब मि अपड़ा भिजणवला मा जांणु छौं अर तुम मा बट्टी कुई मि मा इन नि पुछणु च कि मि कख जांणु छो?

मरकुस 9:32

पर या बात चेलों की समझ मा नि ऐ कि वेल क्य बोलि, अर उ वे बट्टी पुछण से भि डरदा छा।

यूहन्ना 16:19

यीशु ल यु की उ मि तैं यूं बातों कु मतलब पुछण चांणा छिन, वेल बोलि, क्य तुम आपस मा मेरी यूं बातों का बारा मा पूछताछ कना छा जरा देर मा तुम मि तैं नि देखि ल्या, अर फिर जरा देर मा मि तैं देखि ल्या?

यूहन्ना 14:5

थोमा ल वेमा बोलि, “हे प्रभु हम नि जंणदा कि तुम कख जांणा छा त बाटु हम ल कनके जंणन?”

यूहन्ना 12:16

यीशु का चेला यु बातों तैं पैली नि समझी छा पर जब यीशु की बड़ै प्रगट हवे त ऊं तैं याद ऐ की जु कुछ भि यीशु का दगड़ी हवे उ ठिक उन ही छो जन कि परमेश्वर का वचन मा बुलै गै छो।

लूका 18:34

पर ऊंल यूं बातों मा बट्टी कुई भि बात नि समझी अर या बात ऊं बट्टी छिपी रै अर जु बुलै छो उ ऊंकी समझ मा नि ऐ।

मरकुस 9:10

ऊंल डांडा मा जु हवे छो के तैं नि बतै की ऊंल क्य देखि पर उ आपस मा चर्चा कन लगि गैनी कि मोरि कै ज्यूँदो हूंण कु क्य मतलब च?

यूहन्ना 16:1

“यु बात मिल तुम मा इलै बोलि कि तुम विश्वास नि ख्वे द्या।

यूहन्ना 14:22

वे यहूदा ल जु इस्करियोती नि छो बोलि, “हे प्रभु, क्य हवे कि तु अफ तैं हम पर प्रगट कन चांणि छै अर दुनिया का लुखुं पर न”

लूका 9:45

पर या बात चेलों की समझ मा नि ऐ, जु यीशु बुल्दो छो अर य वे बट्टी छिपी रै के उ वीं तैं नि जंणन पौनु अर उ ईं बातों का बारा मा वेमा पुछण से डरदा छा।

यूहन्ना 16:18

तब चेला एक दुसरा बट्टी पुछण छा “यु ‘थोड़ी देर’ जु उ बुल्द च क्य बात च? हम नि जंणदा, कि उ क्य बुल्द।”