यूहन्ना 16:10 - गढवली नयो नियम

¹⁰ यु साबित करद की यीशु धर्मी च अर वेका बारा मा इलै कि मि पिता परमेश्वर मा जांणु छौं अर तुम मि तैं फिर नि दिखल्या

Garhwali

¹⁰ अर धरमी बणण का बारा मा इलै, किलैकि मि पिता मा जाणु छौं, अर तुम मितैं फिर नि दिखल्या।

यूहन्ना 16:10 Referans Kwoze

1 पतरस 3:18

मि यु बुल्दो किलैकि मसीह ल भि हमारा पापों का कारण दुःख सै अर मोरि गै। उ भस एक बार मोरि अर दुबरा वे तैं मुरणै की जरूरत नि च। उ एक धर्मी आदिम छो जु पापी लुखुं कु मोरि की उ हम तैं पिता परमेश्वर मा लै साको। ऊंल वेकी देह तैं मारि दींनि पर वे तैं पवित्र आत्मा की सामर्थ बट्टी दुबरा ज्यूँदो किये गै।

2 कुरिन्थि 5:21

मसीह पाप बट्टी अनजान छो, वे तैं ही पिता परमेश्वर ल हम कु पापी ठैरे, कि हम पिता परमेश्वर की नजर मा धर्मी बंणि जां किलैकि मसीह ल हमारा पापों कु दण्ड अपड़ा मथि लै।

1 तीमुथियुस 3:16

यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।

1 कुरिन्थि 1:30

पर पिता परमेश्वर ल तुम तैं मसीह यीशु का दगड़ी एकजुट कैरी, अर मसीह का द्वारा उ हम तैं अपड़ो ज्ञान दींद। पिता परमेश्वर हम तैं अपड़ी नजर मा धर्मी भि ठैरांद। मसीह का द्वारा हम पवित्र बणयां, अर उ हम तैं पाप बट्टी छुडांद।

खास चेलों 3:14

तुम ल वे पवित्र अर धर्मी को इंकार कैरी अर बिनती कैरी की एक हत्यारो तुम कु छुड़े जौं

गलातियों 5:5

मि इन बोलि सकदु छो, किलैकि हम तैं पवित्र आत्मा का तरपां बट्टी पूरो विश्वास च कि पिता परमेश्वर हम तैं धर्मी का रूप मा स्वीकार करलो किलैकि हम यीशु मसीह पर आस रखदा।

रोमियों 1:17

किलैकि शुभ संदेश मा पिता परमेश्वर यु प्रगट करद कि उ लुखुं तैं पूरा ढंग से विश्वास कना का द्वारा धर्मी घोषित कना का योग्य च, जन की परमेश्वर का वचन मा लिख्युं च, “विश्वास बट्टी धर्मी जन ज्यून्दो रालो।”

खास चेलों 17:31

किलैकि वेको एक दिन ठैरयूं च, जयां मा उ वे मनिख का द्वारा धर्म ल दुनिया को न्याय का द्वारा जांच करुलो, जु वेल ठैरयूं च अर वे तैं मुर्दों मा बट्टी ज्यूँदो कैरी के, ईं बात को प्रमाण सभि लुखुं तैं दींनि।

खास चेलों 7:52

परमेश्वर का तरपां बट्टी बुल्ण वलो मा बट्टी तुम्हरा बाप-दादाओं ल कै तैं नि सतै? अर ऊंल धर्मी आदिम का आंणा का पैली बट्टी सन्देश दींणवलों तैं मार डाली जौनु पैली बट्टी वेका आंणा का बारा मा बतै छो, अर जब उ ऐ, त तुम ल वे तैं धोखा द्ये अर वेकी हत्या कैरी।

खास चेलों 2:32

परमेश्वर ल यु यीशु ज्यूँदो कैरी जैका हम सभि गवाह छा।

यूहन्ना 5:32

एक च जु मेरा पिता परमेश्वर च उ भि मेरा बारा मा गव्है दींदु च अर मि जंणदु छौं कि मेरी जु गव्है उ दींदु च व सच च।

यूहन्ना 3:14

और जै ढंग से मूसा ल एकांत जंगल म पीतल कु गुरो तैं ऊँचा पर चड़ै वे ही ढंग से जरूरी च कि मि मनिख कु नौंनो भि ऊँचा पर चड़ै जौं।

यूहन्ना 7:33

ईं बात पर यीशु ल बोलि मि जरा देर तक और तुम दगड़ी छौं तब भिजण वला मा लौटि जौलु।

यूहन्ना 16:5

पर अब मि अपड़ा भिजणवला मा जांणु छौं अर तुम मा बट्टी कुई मि मा इन नि पुछणु च कि मि कख जांणु छो?

यूहन्ना 16:28

मि पिता परमेश्वर कि तरपां बट्टी जगत मा अयुं छौं मि फिर जगत तैं छोड़ी के बुबा मा जांणु छौं।”