यूहन्ना 15:9 - गढवली नयो नियम

⁹ जन बुबा ल मि बट्टी प्रेम रखि उन ही मिल भि तुम बट्टी प्रेम रखि मेरा प्रेम मा बंणया रा।

Garhwali

⁹ “अर जन पिता मि बटि प्यार करदु, उन्‍नि मिन तुम बटि प्यार कैरी। अर तुम मेरा प्यार मा बणयां रा।

यूहन्ना 15:9 Referans Kwoze

यूहन्ना 17:26

मिल तेरु नौं कु शुभ संदेश प्रचार ऊं पर प्रकट कैरी, अर प्रगट करदु रौलु की जु प्रेम तेरु मि बट्टी छों, उ मि मा राला अर मि ऊंमा रौलु।”

1 यूहन्ना 2:28

इलै हे नौंनो, मसीह का दगड़ी एकता मा हमेशा बणयां रावा, कि जब उ फिर से प्रगट होलो, त हम तैं हिम्मत हो, अर हम वेका आंण पर वेका संमणी लज्जित नि हो।

दिब्य दरस 1:5

अर यीशु मसीह का तरपां बट्टी जैका वचनों पर विश्वास किये जै सकद उ ही च जु मुर्दों मा बट्टी ज्यूँदो हूंण वलो मा पैलो अर उ ईं दुनिया का सभि राजाओं कु शासक च। अर यीशु मसीह हम बट्टी प्रेम करद। उ हम कु ल्वे बुगै के मोरि अर वेल हमारा पापों की सजा तैं खत्म कैरेले। इलै हम याजकों को एक परिवार बंणि ग्यां, जु पिता परमेश्वर की सेवा करद। इलै यीशु मसीह तैं महिमा अर शक्ति हमेशा मिलदी रौ आमीन।

यूहन्ना 15:13

कै मा यु दिखणु कु की उ अपड़ा दगड़ियों बट्टी प्रेम करदु च, यां से बड़ो अर कुई ढंग नि च की उ अपड़ा दगड़ियों कु अपड़ो प्राण द्यो।

यूहन्ना 15:11

मिल यु बात तुम कु इलै बुलिनि तुम मा भि उ ही आनन्द हो जु मि मा च तुम मा बणयुं रौ अर तुमारो आनन्द पूरो हवे जौं।

इफिसुस 3:18

अर पिता परमेश्वर का सभि लुखुं का दगड़ी, तुम यु जांणि पैल्या कि मसीह हम तैं भौत प्रेम करदु, वेको प्रेम कभी खत्म नि हूंण वलो च।

यहूदा 1:20

पर हे विश्वासी भयों, तुम तैं एक-दुसरा की मदद करदी रौंण चयणु च कि ऊं पवित्र सच्चाईयों मा जौं पर तुम विश्वास करदा, एक दुसरा तैं बणै साका। तुम तैं पवित्र आत्मा की सामर्थ बट्टी मार्गदर्शन पै के प्रार्थना कन चयणी च।

यूहन्ना 3:35

पिता परमेश्वर नौंना से प्रेम रखदु अर वेल सब चीज वेका हथ मा दियीं छिन।