यूहन्ना 15:7 - गढवली नयो नियम

⁷ जु तुम मि मा बंणयां रैल्या अर मेरू वचन तुम मा बणयूं रालो त जु चैल्या अर मंगिल्या उ तुम कु हवे जालो।

Garhwali

⁷ अगर जु तुम मि मा बणयां रैल्या, अर मेरु वचन तुम मा बणयूं रालु, तब जु कुछ भि तुमतै चयेणु होलु, वेतैं मांगा अर वु सब कुछ तुमतै मिली जालु।

यूहन्ना 15:7 Referans Kwoze

1 यूहन्ना 5:14

अर हम तैं पिता परमेश्वर का संमणी साहस हूंद, उ यु च; कि हम जु कुछ वेकी इच्छा अनुसार प्रार्थना मा मंगद्यां, त उ हमारी सुणदो च।

यूहन्ना 14:13

जु कुछ तुम मेरा नौं से मंगिल्या उ ही मि करुलु कि मि नौंना का द्वारा बुबा कि बड़ै हो।

1 यूहन्ना 3:22

अर जु कुछ हम पिता परमेश्वर बट्टी मंगदा छा, उ हम तैं पिता परमेश्वर बट्टी मिल्दो; किलैकि हम वेकी आज्ञाओं तैं मणदां, अर जु वे तैं अच्छो लगदो हम उ ही करद्यां।

यूहन्ना 15:16

तुम ल मि तैं नि चुणि पर मिल तुम तैं चुणि अर तुम तैं ठैरयूँ कि तुम जै की फल लावा; अर तुमारो फल बणयुं रालो की किलैकि तुम मेरा चेला छा, इलै की तुम मेरा नौं बट्टी जु कुछ पिता परमेश्वर बट्टी मंगिल्या, उ तुम तैं दयालो।

मत्ती 7:7

“तुम तैं जु चयणु च वे तैं परमेश्वर बट्टी माँगा अर उ तुम तैं दयालो, खुज्येला त पैला, खटखटैल्या त तुम कु खुलै जालो।”

यूहन्ना 16:23

वे बगत जब तुम मि तैं फिर दिखला त तुम मि मा कुछ नि पुच्छिल्या; मि तुम मा सच-सच बुल्णु छौं जु पिता परमेश्वर बट्टी कुछ मगिल्या त उ मेरा अधिकार बट्टी तुम तैं दयालो।

गलातियों 5:16

पर मि तुम बट्टी बुल्णु छों, कि तुम पवित्र आत्मा तैं अपड़ा जीवन मा अगुवे कन द्या। तब तुम अपड़ा पापमय शारीरिक लालसाओं का अनुसार जीवन नि जीला।

1 यूहन्ना 2:27

अर तुम कु, उ पवित्र आत्मा, जै तैं तुम ल मसीह बट्टी पयुं च, अर तुमारा भितर रांदो, अर इलै कै तैं भि तुम तैं सचै का बारा मा सिखौंण की जरुरत नि च, उ तुम तैं ऊं सभि बातों का बारा मा सैरी सचै तैं जनण मा मदद करदो किलैकि वेको अभिषेक तुम तैं उ सब कुछ सिखांदु ज्यां कि तुम तैं जरूरत च। जु भि पवित्र आत्मा तुम तैं सिखांदु च उ सच च अर झूठ नि अर इलै मसीह का दगड़ा मा एकता मा बणयां रावा जन कि पवित्र आत्मा ल तुम तैं कनु कु बुल्युं च।

1 यूहन्ना 2:14

हे पुरणों, मिल तुम कु इलै लिखणु छौं, कि यीशु मसीह जु पैली बट्टी च, तुम वे तैं जांणि ग्यां। हे जवानों, मिल तुम कु इलै लिखणु छौं, किलैकि तुम ताकतवर छयां, अर पिता परमेश्वर को वचन तुम मा बण्युं रौन्दु, अर तुम ल वे दुष्ट शैतान पर जै पै।

कुलुसी 3:16

मसीह का वचन तैं, अपड़ा मनों मा पूरा ढंग से बसण द्यावा, पूरा ज्ञान का दगड़ी एक हैंका तैं सिखावा अर चितांणा रावा, अपड़ा मनों मा धन्यवाद का दगड़ी पिता परमेश्वर कु भजन स्तुतिगान अर आत्मिक गीत गावा।

यूहन्ना 8:37

मि जंणदु छौं कि तुम अब्राहम का वंशज छा तब भि मेरी शिक्षा तैं स्वीकार नि करदां इलै तुम मि तैं मरण चांदा छा।

गलातियों 4:2

जब तक पिता परमेश्वर का द्वारा तय करयूँ बगत नि आंद, तब तक उ नौंनो अपड़ा रक्षकों अर अधिकारियों का अधीन रौंद।

यूहन्ना 8:31

तब यीशु ल ऊं यहूदियों बट्टी जौंन ऊं पर विश्वास कैरी छो बोलि, जु तुम मेरा वचन मा बणयां रैल्या त सच्ची मा मेरा चेला ठैरिल्या।