यूहन्ना 15:16 - गढवली नयो नियम

¹⁶ तुम ल मि तैं नि चुणि पर मिल तुम तैं चुणि अर तुम तैं ठैरयूँ कि तुम जै की फल लावा; अर तुमारो फल बणयुं रालो की किलैकि तुम मेरा चेला छा, इलै की तुम मेरा नौं बट्टी जु कुछ पिता परमेश्वर बट्टी मंगिल्या, उ तुम तैं दयालो।

Garhwali

¹⁶ अर तुम न मितैं नि चुणी, बल्किन मिन तुमतै चुणी के ठैरैयालि ताकि तुम जा अर सफल ह्‍वे जा, अर तुमरो सफल होण बणयूं रौ अर जु कुछ भि तुम मेरा नौ से पिता बटि मंगिल्या, उ सब पिता तुमतै द्‍यालु।

यूहन्ना 15:16 Referans Kwoze

यूहन्ना 15:19

जु तुम दुनिया का हूंद त दुनिया का लोग अपड़ो बट्टी प्रेम रखदु, पर यु कारण की दुनिया बट्टी सम्बंध नि रखदा पर मिल तुम तैं दुनिया मा बट्टी चुणयेली इलै दुनिया तुम बट्टी बैर रखली।

इफिसुस 2:10

किलैकि हम तैं परमेश्वर ल बंणै गै; अर मसीह यीशु मा भला काम कनु कु हम तैं नया लुखुं का रूप मा बंणै जै तैं पिता परमेश्वर ल पैली ही बट्टी हम कु तैयार कैरी।

लूका 6:13

जब दिन हवे त वेल अपड़ा बारह प्रेरित तैं बुलै के ऊंमा बट्टी बारह चेला चुणिनि अर ऊं तैं प्रेरित बोलि।

गलातियों 1:15

पर तब पिता परमेश्वर ल फैसला कैरी कि अपड़ा नौंना तैं मि पर प्रकट कैरो कि मि अन्यजाति लुखुं का बीच मा यीशु का बारा मा शुभ सन्देश प्रचार कैर साको। पिता परमेश्वर ही च जैल मि तैं मेरा पैदा हूंण से पैली ही चुणि, अर अपड़ा दया का कारण वेल मि तैं वेकी सेवा कनु कु बुलै। जब परमेश्वर ल अपड़ा नौंना तैं मि पर प्रकट कैरी, तब मि सलाह लींणु कु कै मा नि गौ।

1 यूहन्ना 4:19

पिता परमेश्वर ल हम बट्टी प्रेम कैरी इलै हम पिता परमेश्वर अर एक दूसरों बट्टी प्रेम करद्यां।

खास चेलों 22:14

“तब वेल बोलि, हमारा पूर्वजों का परमेश्वर ल त्वे तैं इलै ठैरयूं च की तु वेकी इच्छा तैं जांणि लये, अर तू वे धर्मी आदिम मसीह तैं देख अर वेकी आवाज तैं सूंण।

2 तीमुथियुस 2:2

अर जु बात तिल भौत सैरा गवाहों का संमणी मि बट्टी सुंणिनि ऊं तैं विश्वास का लैख लुखुं मा सौंपी दे जु दुसरों तैं भि सिखौंण मा काबिल हूंनु।

यूहन्ना 13:18

मि तुम सभियूं का बारा मा नि बुल्णु छौं जौं तैं मिल चुंणेलि ऊं तैं मि जंणदु छौं पर यु इलै हूंद कि परमेश्वर का वचन मा जु लिख्युं च उ सच हो जु मेरी रुट्टि खान्दो जैल मेरा दगड़ी खै वेल ही मि तैं धोखा द्ये।

यूहन्ना 6:70

यीशु ल ऊं तैं जवाब दींनि क्य मिल तुम बारहों तैं नि चुणि? तब भि तुम मा बट्टी एक आदिम शैतान का वश मा च।

1 पतरस 3:15

पर अपड़ा मनों मा मसीह कु आदर-सत्कार रखा, अर प्रभु का रूप मा वे तैं सम्मान द्या, अर हमेशा हर कै तैं जवाब दींणु कु तैयार रावा जु तुम बट्टी वीं आस तैं समझणु कु पुछदींनि जु सैरा विश्वासी कठ्ठा करदींनि, पर यु तुम नम्र अर सम्मान का दगड़ी कैरा। हमेशा उ ही कैरा जु सही च। फिर जु लोग तुम्हरा विरुद्ध बुरो बुल्दींनि, त उ ही शर्मिंदा होला जब उ मसीह का दगड़ी तुम्हरा सम्बंध का कारण तुम्हरो अच्छो बरतौ तैं दिखला।

1 यूहन्ना 4:10

सचै यां मा नि च, कि हम ल पिता परमेश्वर बट्टी प्रेम कैरी, पर यांमा च कि पिता परमेश्वर ल हम बट्टी प्रेम कैरी, अर हमारा पापों का प्रायश्चित बलिदान का कारण अपड़ा नौंना तैं भेजि।

खास चेलों 1:24

अर या पिता परमेश्वर बट्टी प्रार्थना कैरी, “हे प्रभु तु जु सभियूं का मन तैं जंणदी छै इन प्रगट कैर कि यूं द्वीयूँ मा बट्टी तेरु कु चुणयूं।”

रोमियों 15:4

जथग बात पैली बट्टी परमेश्वर का वचन मा लिखै गैनी, उ हमारी ही शिक्षा कु लिखै गैनी, कि हम धीरज अर हिम्मत बट्टी जु हम तैं पिता परमेश्वर का वचन मा मिल्दो आस रखा की पिता परमेश्वर ल जु करार कैरी छै, उ वे तैं पूरो करलो।

खास चेलों 9:15

पर प्रभु ल वे बट्टी बोलि, “तू जा, मिल वे तैं अन्यजातियों अर राजाओं अर इस्राएलियों का संमणी मेरा बारा मा प्रचार कनु कु मेरू चुणयूं जन च।

मत्ती 21:22

“अर जु कुछ तुम पिता परमेश्वर बट्टी प्रार्थना विश्वास से मांगिल्या त उ तुम तैं मिललो।”

2 तीमुथियुस 1:11

इलै, पिता परमेश्वर ल मि तैं शुभ सन्देश को प्रचारक अर एक प्रेरित हूंणु कु ठैरे, अर लुखुं तैं उपदेश दींणु कु चुणयूं च।

1 कुरिन्थि 10:11

पर यु सब बात, जु ऊंल दगड़ी हवे, ऊं तैं चितांण की रीति पर हवे छै; अर उ हम तैं चितांण कु जु ईं दुनिया का अंत का बगत मा रौंणा छिनी लिखै गैनी।

रोमियों 9:21

क्य कुमार तैं माटा पर अधिकार नि च, कि एक ही चाक मा बट्टी, एक भांडों अच्छा काम कु, अर दूसरो अनादर का काम कु?

याकूब 3:18

अर जु लोग मेल-जोल कन वला छिनी, उ शान्ति का बीज तैं बुतलो अर धार्मिकता को फसल तैं कटलो।

इब्रानी 11:4

विश्वास ही का कारण आदम का नौंना हाबिल ल अपड़ा बड़ा भैय कैन से बढ़िया बलिदान पिता परमेश्वर कु चढै; अर वीं भेट का द्वारा पिता परमेश्वर ल हाबिल तैं एक धर्मी का रूप मा स्वीकार कैरी; पिता परमेश्वर वेका बलिदान बट्टी खुश छो, हाबिल अपड़ी मौत का बाद भि, हम तैं सिखै गै कि विश्वास कन हूंण चयणु च।

तीतुस 1:5

मि इलै त्वे तैं क्रेते द्वीप मा छोड़ी के ऐ छो, कि तू हमारा बचयां कामों तैं पूरो कैर साक, अर क्रेते द्वीप का हर शहर मा मेरी आज्ञा का पुरणा अगुवों कु चुनाव कैर साक, उन ही जन कनु को मिल त्वे तैं आज्ञा दींनि।

कुलुसी 1:6

यु शुभ संदेश पूरी दुनिया मा फैलणु च अर कई लोग विश्वासी बनांण छिनी। यु हर जगह जिन्दगियों तैं बदलणु च, ठिक उन ही जन कि तुम ल पैली बार दया का शुभ संदेश तैं सूंणि छो अर ईं सचै तैं समझी छो कि पिता परमेश्वर ऊं लुखुं का पापों तैं माफ करद जु मसीह पर विश्वास करदींनि।

रोमियों 1:5

मसीह का द्वारा मि पौलुस तैं दया अर प्रेरिताई परमेश्वर का द्वारा दिये गै कि मसीह यीशु का नौं का कारण सब अन्य-जाति का लोग मसीह का बारा मा शुभ संदेश पर विश्वास कैरी कै अर वेकी आज्ञाओं कु पालन कैरा,

खास चेलों 10:41

सब मनिख्युं ल वे तैं नि देखि पर हम प्रेरितों ल गवाहों का रूप मा जु तैं पिता परमेश्वर ल पैली चुणि लियेले छो। अर मुर्दों मा बट्टी ज्यून्दा हूंणा का बाद हम ल वे दगड़ी खै-पये।

1 तीमुथियुस 2:7

इलै, पिता परमेश्वर ल मि तैं शुभ संदेश को प्रचारक अर एक प्रेरित हूंणु कु ठैरा, वेल मि तैं अन्यजातियों तैं विश्वास कु सचो संदेश सिखांणु कु चुणि; मि झूठ नि बुल्णु छो; मि सच बुल्णु छो।

कुलुसी 1:23

पर तुम तैं विश्वास मा एक बुनियाद का जन मजबूत अर पक्को हूंण चयणु अर वीं आस तैं तुम तैं कभी नि छुड़ण चयणु च जु तुम तैं ऊं बट्टी शुभ सन्देश मिली वे ही शुभ संदेश कु प्रचार आसमान का मूड़ी रौंण वला दुनिया का सभि लुखुं तैं बतै गै अर मि पौलुस वेको प्रचार कनु कु सेवक बणु।

रोमियों 1:13

अर हे मेरा विश्वासी भयों, मि चांदु कि तुम जणिल्या कि मि बार-बार तुम मा औंण चै, कि जन मिल अन्यजातियों का बीच मा मसीह कु शिष्य बणैंनि, उन ही के तुम मा भि बणौं, पर अब तक यांमा रुकावट ही हवे।

खास चेलों 1:8

पर जब पवित्र आत्मा तुम पर आलो तब तुम सामर्थ पैल्या अर यरूशलेम शहर, यहूदिया प्रान्त मा सामरिया प्रान्त मा अर सैरी धरती का छोड़ तक मेरी गव्है दीला।

मत्ती 7:7

“तुम तैं जु चयणु च वे तैं परमेश्वर बट्टी माँगा अर उ तुम तैं दयालो, खुज्येला त पैला, खटखटैल्या त तुम कु खुलै जालो।”

यूहन्ना 15:5

मि अंगूरों कि लगुली छौं अर तुम फौंकि छा जु मि मा बणयुं रौंदु अर मि वेमा उ भौत फल से फलदो किलैकि मि बट्टी अलग हवे के तुम कुछ भि नि कैरी सकद्यां।