यूहन्ना 14:9 - गढवली नयो नियम

⁹ यीशु ल वेमा बोलि, “हे फिलिप्पुस मि इथग दिनों बट्टी तुमारा दगड़ा मा छौं क्य तु मि तैं नि जंणदी? जैल मि देखु वेल बुबा तैं देखेलि। तू किलै बुल्णी छै कि बुबा हम तैं दिखै द्या?

Garhwali

⁹ तब यीशु न वेकू बोलि, “फिलिप्पुस, मि इथगा दिनों बटि तुमरा दगड़ा मा छौं, क्या फिर भि तिन मितैं अभि तक नि पछ्याणी? अर जैन मितैं देखियाली, वेन पिता तैं भि देखियाली। त फिर तू कनकै बुलणि कि, ‘हमतै पिता का दरसन करै द्‍या?’

यूहन्ना 14:9 Referans Kwoze

कुलुसी 1:15

कैल भि पिता परमेश्वर तैं नि देखि, पर जब वेको नौंनो यीशु मसीह एक मनिख बंणि, त वेल पिता परमेश्वर का लुखुं का समणी प्रकट कैरी दींनि, कि पिता परमेश्वर ल जु कुछ भि बणै, वे पर मसीह कु सबसे बड़ो अधिकार च।

यूहन्ना 12:45

अर जु कुई मि दिखद उ मेरा भिजण वला तैं दिखद।

यूहन्ना 14:7

जु तुम ल मि जांणि हूंद त मेरा बुबा तैं भि जंणदा अर अब वे तैं जंणदा छयां अर वे तैं देखि भि च।”

इब्रानी 1:3

नौंनो ही पिता परमेश्वर की महिमा कु प्रकाश च, अर वेमा हम देख सकदा कि पिता परमेश्वर कन च, अपड़ा सामर्थी वचनों का द्वारा, उ वे सब तैं जु वेल बणै संभलदो; वेल लुखुं तैं ऊंका पापों बट्टी शुद्ध कैरी, अर वांका बाद स्वर्ग मा महिमामय पिता परमेश्वर का दैंणा विराजमान हवे।

यूहन्ना 10:30

मि अर पिता परमेश्वर एक ही छा।

यूहन्ना 1:14

अर वचन देहधारी हवे अर दया अर सचै बट्टी पूरो हवे के हमारा बीच मा डेरो कैरी और वेकी महिमा इन छै जन बुबा (परमेश्वर) कि तरपां बट्टी अयां एकलौता नौंना की महिमा।

फिलिप्पी 2:6

उ हर ढंग से पिता परमेश्वर का जन छो फिर भि मसीह ल परमेश्वर दगड़ी अपड़ी बराबरी तैं बणये रखण सै नि समझी।

यूहन्ना 14:20

जब मि ज्यूँदो हुलु तब तुम जणिल्या कि मि अपड़ा बुबा मा छौं अर तुम मि मा अर मि तुम मा रौंदु छौं।

मरकुस 9:19

इन सूंणि कै यीशु ल ऊं तैं जवाब दे के बोलि, “हे अविश्वासी लुखुं, तु मि पर विश्वास कनु कु मिल कब तक तुमारो इन्तजार कन? अर कब तक तुमारा अविश्वास तैं सौंण, वे लड़का तैं मि मा लेकै आवा।”

लूका 12:56

हे कपटियों तुम धरती अर आसमान का लक्षण देखि के वेको भेद बतै सकदा पर ये युग मा परमेश्वर की कनु च वेका बारा मा भेद किलै नि जंणदा?

1 कुरिन्थि 15:12

इलै अब मि तुम बट्टी पुछण चांणु छों; किलैकि हम सभियूं ल तुम्हरा बीच मा यु प्रचार कैरी कि जब मसीह मोरि त, पिता परमेश्वर ल वे तैं ज्यून्दो कैरी दींनि, त तुम मा बट्टी कुई भि यु नि बोलु, कि पिता परमेश्वर का विश्वासियों का मुरणा का बाद फिर से ज्यून्दो नि करलो!

यूहन्ना 8:19

ऊंल यीशु मा पूछि, तुमारो पिता परमेश्वर कख च? यीशु ल जवाब दे न तुम मि तैं जंणदा अर न मेरा पिता परमेश्वर तैं, जु मि तैं जंणदा त मेरा पिता परमेश्वर तैं भि जंणदा।

1 यूहन्ना 5:20

हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।