यूहन्ना 14:2 - गढवली नयो नियम

² मेरा पिता का घौर मा रौंणु कु भौत सी जगह छिनी जु नि हूंद त मि तुम बट्टी बोलि दींदु किलैकि मि तुम कु जगह तैयार कनु कु जांणु छौं।

Garhwali

² अर मेरा पिता का घौर मा भौत सरी जगा च। अगर जु नि होन्दी त मि तुमतै बतै देन्दु। किलैकि मि तुम खुणि जगा तयार करणु कू जाणु छौं।

यूहन्ना 14:2 Referans Kwoze

2 कुरिन्थि 5:1

किलैकि हम जंणदा छा, कि जु धरती पर कु हमारो यु अस्थायी देह नाश हवे जौं त हम तैं पिता परमेश्वर का तरपां बट्टी स्वर्ग मा एक इन देह मिललि, जु मनिख्युं का हथों बट्टी बंणि देह न पर चिरस्थाई च।

यूहन्ना 13:36

शमौन पतरस ल ऊंमा बोलि, हे प्रभु तुम कख जांणा छा? यीशु ल जवाब दींनि “जख मि जांणु छौं उख तू अभि मेरा पिछनै नि ऐ सकदी पर यांका बाद मेरा पिछनै ऐलि।”

इब्रानी 13:14

किलैकि ईं दुनिया मा हमारो कुई स्थायी घौर नि च, पर हम वे स्वर्गीय घौर का खोज मा छा, जु हमेशा कु च।

दिब्य दरस 21:2

फिर मिल पवित्र शहर तैं भि देखि, जु कि नयो यरूशलेम शहर च, जु स्वर्ग बट्टी पिता परमेश्वर की तरपां बट्टी मूड़ी औणु च। वे शहर तैं एक ब्योली का जन तैयार किये गै छो, जि तैं कपड़ा पैरये गैनी अर साज-सिगांर किये गै अर जु ब्योला बट्टी ब्यो कनु कु तैयार छो।

दिब्य दरस 3:12

हर कुई जु मेरा संदेश तैं समझण चांद, वे तैं वीं बात तैं ध्यान से सुनण चयणु च, जन के एक खम्बा घौर तैं मजबूत बणांद, उन ही के उ भि हमेशा कु पिता परमेश्वर का स्वर्गीय मन्दिर मा राला; और मि वे पर मेरा पिता परमेश्वर को नौं लिखुलु अर पिता परमेश्वर का यरूशलेम शहर को नौं लिखुलु। अर यु उ ही शहर च जु स्वर्ग मा च, मतलब की मेरा पिता परमेश्वर का तरपां बट्टी मूड़ी आंण। मि वे पर अपड़ो नयो नौं भि लिखुलु।

इब्रानी 11:10

किलैकि उ स्वर्ग मा एक इन शहर मा रौंणो कु जग्वाल करदा छा जै की बुनियाद मजबूत छै, अर जैको रचणवलो अर बनांण वलो पिता परमेश्वर च।

यूहन्ना 13:33

बालकों मि और थोड़ा देर तुमारा दगड़ा मा छौं फिर तुम मि तैं ढुंड़िल्या अर जन मिल यहूदियों कु बोलि, कि जख मि जांणु छौं उख तुम नि ऐ सकद्यां अर उन ही अब मि तुम मा भि बुल्णु छौं।

यूहन्ना 16:4

पर यु बात मिल तुम मा इलै बोलि कि जब ऊंको पूरो हूंणो कु बगत ऐ त तुम तैं याद ऐ जौ कि मिल तुम बट्टी पैली ही बोल्याली छो मिल यु सब तुम तैं शुरू मा इलै नि बोलि कि वे बगत मा तुम दगड़ी छो।”

यूहन्ना 17:24

हे परमेश्वर, मि चांदु छों की जौं तैं तिल मि तैं दियुं च, जख मि छो, उखि उ भि मि दगड़ी हों की उ मेरा वे महिमा तैं देखा जु तिल मि तैं दीं च, किलैकि तिल दुनिया की उत्पत्ति बट्टी पैली मि बट्टी प्रेम रखि।

इब्रानी 6:20

जख यीशु ल हमारी तरपां बट्टी हम बट्टी पैली स्वर्ग मा प्रवेश कैरी; उ मलिकिसिदक याजक की रीति पर हमेशा कु महायाजक बंणि गै।

दिब्य दरस 3:21

उ जु जीत जंदींनि, वे तैं मि अपड़ा सिंहासन का बगल मा सिंहासन पर बैठणों कु अधिकार दयुलु। यु बिल्कुल मि जन ही होलो, जन मिल जीत हासिल कैरी अर अपड़ा बुबा का बगल मा आसण प्राप्त कैरी।

दिब्य दरस 1:5

अर यीशु मसीह का तरपां बट्टी जैका वचनों पर विश्वास किये जै सकद उ ही च जु मुर्दों मा बट्टी ज्यूँदो हूंण वलो मा पैलो अर उ ईं दुनिया का सभि राजाओं कु शासक च। अर यीशु मसीह हम बट्टी प्रेम करद। उ हम कु ल्वे बुगै के मोरि अर वेल हमारा पापों की सजा तैं खत्म कैरेले। इलै हम याजकों को एक परिवार बंणि ग्यां, जु पिता परमेश्वर की सेवा करद। इलै यीशु मसीह तैं महिमा अर शक्ति हमेशा मिलदी रौ आमीन।

इब्रानी 9:8

यूं रीतियों का द्वारा जु पिता परमेश्वर चांदो छो कि याजक कैरा, पवित्र आत्मा हम तैं कुछ बतांद; मतलब यु कि स्वर्ग मा पिता परमेश्वर की वास्तविक परम पवित्र यरूशलेम शहर कु मन्दिर तब तक लुखुं कु खुली नि च जब तक ईं धरती पर मिलाप वला तम्बू अर ऊंकी विधियों तैं मणदींनि, अर यांको दीं पूरी व्यवस्था जब तक की पूरी न किये जौं।

तीतुस 1:2

उ पिता परमेश्वर का दगड़ी हमेशा कु रौंणे की आस करदींनि, किलैकि पिता परमेश्वर, जु कभी झूठ नि बुल्द, वेल दुनिया की रचना कन से पैली वादा कैरी छो, कि वेका लोग अनन्त जीवन मा ज्यून्दा राला।

1 थिस्सलुनीकी 5:9

किलैकि पिता परमेश्वर ल हम तैं इलै नि चुणि कि अपड़ा गुस्सा बट्टी हम तैं दंड द्यो, पर इलै ठैरे कि हम अपड़ा प्रभु यीशु मसीह का द्वारा उद्धार पै साका।

खास चेलों 9:16

अर मि वे तैं बतौलु कि मेरा बारा मा प्रचार कना का कारण वे तैं कन दुःख उठांण पुड़लो।”

यूहन्ना 14:28

तुम ल सुणैयेलि कि मिल तुम मा बोलि, मि जांणु छौं अर तुम मा फिर औलु जु तुम मि से प्रेम रखदा त ईं बात से खुश हूंद्यां कि मि बुबा मा जांणु छौं किलैकि बुबा मि से जादा बड़ो च।

लूका 14:22

नौकर ल फिर बोलि, हे स्वामि जी जन तुम ल बोलि छो उन ही करे गै अर फिर भि जगह बचिं च।