यूहन्ना 14:10 - गढवली नयो नियम

¹⁰ मि बुबा मा छों अर बुबा मि मा च क्य तु यूं बातों पर विश्वास नि करदी? यु बात जु मि तुम बट्टी बुल्द छों, अपड़ी अर बट्टी नि बुल्दो, पर बुबा मि मा रै के करदो च जु उ चांदो च।

Garhwali

¹⁰ क्या त्वेतै बिस्वास नि च, कि मि पिता मा अर पिता मि मा च? अर जु बात मि तुम मा बुल्दु छौं, ऊ अपणी तरफा बटि नि बुल्दु, पर पिता मि मा रै के अपणा कामों तैं करदु च।

यूहन्ना 14:10 Referans Kwoze

यूहन्ना 5:19

यां पर यीशु ल ऊंमा बोलि, “मि तुम मा सच-सच बुल्णु छौं, नौंनो खुद कुछ नि कैर सकद भस उ जु पिता परमेश्वर तैं करद दिखद किलैकि जौं-जौं कामों तैं उ करद च ऊं तैं मि भि वीं रीति से करदु

यूहन्ना 10:38

पर जु मि बुल्द छों, त चाहे मेरू विश्वास नि भि कैरा, पर ऊं कामों पर विश्वास कैरा, तब तुम तैं पता चलालो की पिता परमेश्वर मि मा रौंदु, अर मि पिता परमेश्वर मा रौंदु।

खास चेलों 10:38

पिता परमेश्वर ल यीशु जु नासरत नगर को छो पवित्र आत्मा अर सामर्थ बट्टी अभिषिक्त कैरी अर उ हर जगह भलै करद अर उ सभियूं तैं जु शैतान का द्वारा परेशान छा, ऊं तैं खूब करदो छो, किलैकि पिता परमेश्वर वे दगड़ी छो।

यूहन्ना 12:49

किलैकि मिल खुद अपड़ा अधिकार बट्टी पर बुबा जैल मि तैं भेजि वेल मि तैं या आज्ञा दींनि कि मिल क्य-क्य बुल्ण अर बतांण?

यूहन्ना 10:30

मि अर पिता परमेश्वर एक ही छा।

यूहन्ना 8:28

तब यीशु ल बोलि, जब तुम, मि मनिख का नौंना तैं ऊँचा पर चड़ैल्या तब जणिल्या कि मि ऊई छौं अर उ जणिल्या की मेरी शिक्षा परमेश्वर की तरपां बट्टी औंद या मेरा अपड़ा अधिकार बट्टी या मि अपड़ा तरपां बट्टी नि बुल्द पर जन मेरू बुबा ल मि तैं सिखै उन ही यूं बातों तैं बुल्द छों।

कुलुसी 2:9

यूं लुखुं तैं अफ तैं धोखा नि दींण द्या, किलैकि मसीह का मनिख देह मा वेमा पिता परमेश्वर कु पूर्ण स्वभाव छो।

यूहन्ना 17:8

इलै जु संदेश तिल मि तैं दींनि, मिल ऊं तैं दे दींनि, अर ऊंल संदेश पर विश्वास कैरी अर सच-सच जांणि लील्या कि मि तेरा तरपां बट्टी अयुं छौं अर यु विश्वास कैरी कि तिल मि तैं भेजि।

यूहन्ना 5:17

यां पर यीशु ल वेमा बोलि, मेरू पिता परमेश्वर हमेशा काम करदो अर मि तैं भि काम कन चयणु च।

1 यूहन्ना 5:7

गव्है य च कि यीशु मसीह हमारा पापों कु बलिदान हवे, यु तीन चीज यांकि गव्है दींदिनि।

2 कुरिन्थि 5:19

मतलब कि पिता परमेश्वर सभि लुखुं कु एक इन रस्ता बनांणु च कि जु कुछ भि मसीह ल दुनिया मा हम कु कैरी वेका द्वारा परमेश्वर का दगड़ी मेल मिलाप कैर साका, अर लुखुं का पापों कु भंगार ऊं पर नि लगै अर पिता परमेश्वर ल शान्ति का बारा मा वेका शुभ संदेश तैं बांटणो कु काम हम तैं सौंपी द्ये।

यूहन्ना 8:38

मि ऊं चीजों तैं बतौंणु छों जै तैं मिल देखि जब मि अपड़ा पिता परमेश्वर का दगड़ी छों अर तुम ऊं नि करदां जु तुम ल बुबा बट्टी सूंणि च।

कुलुसी 1:19

किलैकि पिता परमेश्वर कि खुशी ईं बात मा च कि वेकी सैरी परिपूर्णता यीशु मसीह मा हो।

यूहन्ना 14:20

जब मि ज्यूँदो हुलु तब तुम जणिल्या कि मि अपड़ा बुबा मा छौं अर तुम मि मा अर मि तुम मा रौंदु छौं।

यूहन्ना 7:16

यीशु ल ऊं तैं जवाब दींनि मेरू उपदेश मेरू अपड़ा नि च पर यु परमेश्वर का तरपां बट्टी च जैल मि तैं भेजि।

यूहन्ना 8:40

पर अब तुम मि तैं मरण चांदा छा किलैकि मिल तुम तैं उ सच बतायूं च जु मिल परमेश्वर बट्टी सूंणि इन त अब्राहम ल नि कैरी छो।

यूहन्ना 11:26

अर जु मि मा ज्यूँदो च अर मि पर विश्वास करदु च उ कभि नि मुरुलो क्य तु ईं बात पर विश्वास करदी छै?”

यूहन्ना 3:2

वेल राती यीशु का संमणी ऐ के वेमा बोलि, हे गुरु हम जंणदा छा परमेश्वर ल त्वे तैं हम तैं सिखांण कु भिज्युं च किलैकि कुई भि यूं चमत्कार तैं जु तु दिखौंदि छै त जु परमेश्वर वे दगड़ी नि हो त नि दिखै सकदु।

यूहन्ना 14:11

मेरू ही विश्वास कैरा, कि मि बुबा मा छौं अर बुबा मि मा च जु चमत्कार मिल कैरी छा मेरू विश्वास कैरा।

यूहन्ना 14:24

जु मि से प्रेम नि रखदु उ मेरी आज्ञा नि मंणदु” अर जु वचन तुम सुंणदा छा उ मेरा न बल्कि बुबा का छिनी जैल मि तैं भेजि।