यूहन्ना 13:22 - गढवली नयो नियम

²² चेला शंका मा पड़ि गैनी कि या बात कैका बारा मा बुल्णा छिनी अर उ एक हैंका जनै दिखण लगि गैनी।

Garhwali

²² तब चेला सक कैरिके एक-दुसरा तैं दिखण लगि गैनी, कि उ कै का बारा मा या बात बोन्‍नु च।

यूहन्ना 13:22 Referans Kwoze

लूका 22:23

तब यु सूंणि के आपस मा पूछताछ कन लगि गैनी, “हम मा इन कु होलो जैल यु काम कन।”

मरकुस 14:19

जब ऊंल य बात सूंणि त उ दुखी हवे गैनी अर एक-एक कैरी के एक हैंका तैं पुछण लगि गैनी, “क्य मि नि छौं कखि तु त नि?”

मत्ती 26:22

ईं बात पर उ भौत दुखी हवेनि अर हरेक चेला वे मा पुछण लगि गैनी “क्य मि नि छौं कखि तु त नि?”

मत्ती 26:21

जब उ बैठी कै खांणु खांणा छा त यीशु ल ऊंमा बोलि, “मि तुम मा सच बुल्णु छौं कि तुम मा बट्टी एक मि तैं पकड़वालो।”

मरकुस 14:18

अर जब उ बैठी कै खांणु खांणा छा तब यीशु ल बोलि, मि तुम मा सच बुल्णु छौं तुम मा बट्टी एक जु मेरा दगड़ा खांणु-खांणु च उ मि तैं पकड़ण मा मेरा दुश्मनों की मदद करलो।

लूका 22:21

पर देखा, मेरा पकड़वाण वला कु हथ मि दगड़ा मेज पर च।

यूहन्ना 13:18

मि तुम सभियूं का बारा मा नि बुल्णु छौं जौं तैं मिल चुंणेलि ऊं तैं मि जंणदु छौं पर यु इलै हूंद कि परमेश्वर का वचन मा जु लिख्युं च उ सच हो जु मेरी रुट्टि खान्दो जैल मेरा दगड़ी खै वेल ही मि तैं धोखा द्ये।

यूहन्ना 13:21

या बात बुल्णा का बाद यीशु आत्मा मा व्याकुल हवे अर अपड़ा चेलों तैं बतै “मि तुम मा सच-सच बुल्णु छौं कि तुम मा बट्टी एक मि तैं पकड़वालो।”