यूहन्ना 1:17 - गढवली नयो नियम

¹⁷ मूसा का द्वारा लिखीं परमेश्वर की व्यवस्था दिये गै, पर परमेश्वर ल यीशु मसीह का द्वारा दया अर सचै दिखै।

Garhwali

¹⁷ भौत पैलि मूसा का द्‍वारा त नियम-कानून दिये गैनी, पर यीशु मसीह का द्‍वारा ही हमतै किरपा मिली अर परमेस्वर की सच्‍चै परगट ह्‍वे।

यूहन्ना 1:17 Referans Kwoze

रोमियों 6:14

तब तुम पर पाप कु कुई अधिकार नि होलो, किलैकि अब तुम मूसा की व्यवस्था का अधीन नि छा पर पिता परमेश्वर की दया का अधीन जीवन ज्यून्दा।

यूहन्ना 14:6

यीशु ल वेकु बोलि, “बाटु अर सचै मि ही छों अर जीवन भि मि छों बगैर मेरा द्वारा कुई पिता परमेश्वर मा नि पौंछि सकदु।

यूहन्ना 1:14

अर वचन देहधारी हवे अर दया अर सचै बट्टी पूरो हवे के हमारा बीच मा डेरो कैरी और वेकी महिमा इन छै जन बुबा (परमेश्वर) कि तरपां बट्टी अयां एकलौता नौंना की महिमा।

इब्रानी 9:22

अर मूसा की व्यवस्था का अनुसार, लगभग हर चीज तैं विधि का अनुसार ल्वे बट्टी साफ किये जांण चयणु च; ल्वे बुगयां बगैर, पिता परमेश्वर लुखुं तैं ऊंका पापों बट्टी माफ नि कैरी सकद।

यूहन्ना 8:32

तुम सच तैं जणिल्या अर सच तुम तैं स्वतंत्र करुलो।

यूहन्ना 7:19

क्य परमेश्वर का तरपां बट्टी बुल्ण वला मूसा ल व्यवस्था अफ दे? तब भि तुम मा बट्टी कुई मूसा द्वारा लिखीं परमेश्वर की व्यवस्था पर नि चलदो। तुम किलै मि तैं मरण चांणा छा?

खास चेलों 28:23

अर तब ऊंल पौलुस तैं मिलुणु कु एक दिन तय कैरी। अर वे दिन भौत सैरा लोग वेमा ऐनी जख कि उ रौंदु छो। पौलुस सुबेर बट्टी शाम बगत तक पिता परमेश्वर का राज्य कि गव्है दींणु छो अर मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो कि किताबियों मा बट्टी यीशु का बारा मा विश्वास दिलांणै की कोशिश कनु छो।

गलातियों 3:17

पर मि यु बुल्णु छौं, कि जु करार पिता परमेश्वर ल पैली बट्टी पक्की कैरी छै, वे तैं मूसा की व्यवस्था चार सौ तीस बरसों का बाद ऐ के नि टाली सकदी, कि प्रतिज्ञा बेकार ठैरु।

खास चेलों 7:38

यु ही मूसा हमारा पूर्वजों का दगड़ी एक अगुवा का रूप मा छों जब उ एकांत जंगल मा एक जगह ही कठ्ठा छा। अर सीनै डांडा पर एक स्वर्गदूत ल वे दगड़ी बात कैरी अर वे तैं जीवन दींण वलो वचन मिली अर ऊंल हम तक वे तैं पौंछै दींनि।

यूहन्ना 5:45

इन नि समझा कि मि पिता का संमणी तुम पर भंगार लगौलु तुम पर भंगार लगौंण वलो त मूसा द्वारा लिखीं परमेश्वर की व्यवस्था च जै पर तिल अपड़ी आस रखि च तुम पर भंगार लगाला।

2 कुरिन्थि 1:20

किलैकि पिता परमेश्वर का जथग प्रतिज्ञा छै, पिता परमेश्वर का उ सभि वादा मसीह मा पूरा हूंदींनि अर इलै हम “आमीन” बुल्दा, कि हमारा द्वारा पिता परमेश्वर की महिमा हो।

यूहन्ना 9:29

हम जंणदा छा कि परमेश्वर मूसा बट्टी बात कैरी पर हम यु मनिख तैं नि जंणदा कि कख बट्टी अयुं च।

यूहन्ना 18:37

पिलातुस ल ऊंकु बोलि, “त क्य तु राजा छै” यीशु ल जवाब दे, “तु बुल्णी छै, कि मि राजा छौं; मेरू जन्म लींण अर जगत मा आंणो कु कारण यु च की मि सचै का बारा मा सिखै साको। सचै कु पालन कन वला सब मेरी बातों तैं मणदा छिन।”