याकूब 5:10 - गढवली नयो नियम

¹⁰ हे विश्वासी भयों, जौं परमेश्वर का तरपां बट्टी बुल्ण वला लुखुं ल प्रभु का नौं बट्टी बात कैरी, ऊं तैं दुःख उठौण मा अर सब्र रखण मा तुम अफ कु एक नमूना समझा।

Garhwali

¹⁰ हे मेरा भै-बैंणो, जौं रैबर्यों न प्रभु का नौ से वचन सुणै, ऊंन जु दुख-तकलीफ झिलनी अर सबर रखी, ऊं सब बातों तैं तुम अफु खुणि एक नमूना समझा।

याकूब 5:10 Referans Kwoze

इब्रानी 13:7

जु तुम्हरा अगुवा छा, अर जैल तुम्हरा पिता परमेश्वर कु वचन सुणै, ऊं तैं याद रखा; अर ध्यान रखा कि ऊंल अपड़ो जीवन कन कै जिये अर यु भि कि उ मुरण तक भि वफादार रैनी, इलै ही हम तैं ऊंका विश्वास का अनुसार चलि कै पिता परमेश्वर पर उन ही विश्वास कन चयणु च जन ऊंल कैरी छो।

खास चेलों 7:52

परमेश्वर का तरपां बट्टी बुल्ण वलो मा बट्टी तुम्हरा बाप-दादाओं ल कै तैं नि सतै? अर ऊंल धर्मी आदिम का आंणा का पैली बट्टी सन्देश दींणवलों तैं मार डाली जौनु पैली बट्टी वेका आंणा का बारा मा बतै छो, अर जब उ ऐ, त तुम ल वे तैं धोखा द्ये अर वेकी हत्या कैरी।

खास चेलों 3:21

यीशु तैं स्वर्ग मा वीं बगत तक रखण जरूरी च जब पिता परमेश्वर उ सभि चिज्युं तैं नयो बणै दयालो जु वे ल बणईं छिनी अर बहुत बगत पैली पिता परमेश्वर ल लुखुं तैं यूं बतौंणु कु परमेश्वर का तरपां बट्टी बुल्ण वलो का द्वारा इन कनु को सौ खै छै।”

लूका 6:23

तब खुश अर मगन हुयां किलैकि तुम कु स्वर्ग मा बड़ो प्रतिफल च ऊंका बाप-दादा परमेश्वर का तरपां बट्टी बुल्ण वलो तैं भि जु भौत बगत पैली छा इन ही सतै छो।

लूका 13:34

हे यरूशलेम शहर का लुखुं! तु जु परमेश्वर का तरपां बट्टी बुल्ण वलो तैं मारि डलदि, जु भौत पैली रौंदा च अर ऊं लुखुं पर ढुंग्यो करदी जौं तैं त्वे मा भिजे गै छो। कथग बगत मिल चै कि जन मुर्गी अपड़ा बच्चों तैं अपड़ा पंखों का तौला सुरक्षित करद उन ही मि भि तेरु नौंनो की रखवली कैरू पर तुम ल इन नि चै।

याकूब 4:11

हे विश्वासी भयों, एक हैंका की बदनामी नि कैरा जु अपड़ा भैय की बदनामी करदो या वे पर भंगार लगौंदु उ परमेश्वर का वचन की बदनामी करदो, अर परमेश्वर का वचन पर भंगार लगौंदु पर तू जु परमेश्वर का वचन पर भंगार लगांदी त तब तू परमेश्वर का वचन कु पालन नि करदी बल्कि तु अफी मूसा द्वारा लिखीं परमेश्वर की व्यवस्था पर न्यायी बण जांदी।

याकूब 5:7

इलै हे विश्वासी भयों, प्रभु का औंण वला दिन तक सब्र रखा, जन किसान खेती की मूल्यवान फसल तैं कन जुगल्णु रौंदो अर पैली अर आखिर बरखा तक सब्र रखदो; कि फसल बढ़ौ अर कटणु कु तैयार हो।

याकूब 5:9

हे विश्वासी भयों, एक हैंका पर भंगार नि लगावा, ज्यां ल तुम पर भि भंगार नि लगाये जौं, देखा प्रभु को न्याय कनु को दिन नजदीक च।

याकूब 5:13

जु तुम मा बट्टी कुई दुखी च त उ प्रार्थना कैर; अर जु खुश च, त उ स्तुति का भजन गौ।