याकूब 4:8 - गढवली नयो नियम

⁸ पिता परमेश्वर का नजदीक आवा त पिता परमेश्वर भि तुमारा नजदीक आलो हे पापियों, अपड़ा जीवन तैं पाप बट्टी दूर रखा। अर हे दुछड़िया लुखुं अपड़ा मनों तैं पवित्र कैरा।

Garhwali

⁸ तुम परमेस्वर का नजदीक आ, तब उ भि तुमरा नजदीक आलु। हे पापि मनखियों, खुद तैं पाप करण से रोका। हे दुई मन रखण वळा लोगु, तुम अपणा मन तैं पवित्र कैरा।

याकूब 4:8 Referans Kwoze

इब्रानी 10:22

त आवा हम; मसीह का ल्वे बट्टी छिड़कौ का द्वारा हमारा हृदय का अपराधों तैं दूर कैरा अर अपड़ा देह तैं शुद्ध पांणी बट्टी धवा जैका द्वारा हम तैयार किये जांदा; इलै अब आवा, चला हम सच्चा हृदय अर मजबूत विश्वास का दगड़ी पिता परमेश्वर का नजदीक जां।

1 यूहन्ना 3:3

अर जु कुई मसीह पर यु आस रखदो, उ अपड़ा आप तैं उन ही पवित्र करदो, जन उ पवित्र च।

इब्रानी 7:19

(इलै कि मूसा की व्यवस्था ल कै भि बात तैं सिद्धि नि कैरी) अर यांकि जगह पर हम तैं एक इन बड़ी आस च, जु यीशु मसीह मा च ज्यांका द्वारा हम पिता परमेश्वर का नजीक जै सकदां।

2 कुरिन्थि 7:1

हे प्रियों, किलैकि पिता परमेश्वर ल हम तैं अपड़ा बच्चों का रूप मा स्वीकार कनु कु यु वादा कैरी, त आवा, हम अपड़ा आप तैं ऊं सभि बुरी चीजों बट्टी दूर कैरा, अर सभि रीति रिवाजों बट्टी बचा, अर पिता परमेश्वर की डौर मांणी कै आदर करां अर आवा हम पूरा ढंग से पवित्र हूंणु कु काम कैरा।

1 पतरस 3:21

पुरणा बगत मा ऊंको उद्धार अब हमारा उद्धार या बचाव कु एक उदाहरण च जै पांणी मा हम बपतिस्मा लीदां, उ हमारी देह बट्टी मैल दूर नि करदो, पर यु एक चिन्ह च कि हम ल पिता परमेश्वर बट्टी माफी मांगी कि अगनैं हमारो मन परेशान नि रौ। हम तैं माफ किये जै सकद किलैकि यीशु मसीह मौत का बाद फिर से ज्यून्दो हवे।

मत्ती 12:33

“जु कुई डालो अच्छो च त वेका फल तैं भि अच्छो ही होलो इलै जु डालो तैं खराब बुलै गै त वेका फल तैं भि खराब बुलेलो किलैकि डालो फल बट्टी ही पैछांणे जांदु।”

1 तीमुथियुस 2:8

मि इन चांणु छौं कि हरेक जगह मा जु आदिम पवित्र जीवन जींणु च, जब भि तुम पिता परमेश्वर की आराधना कनु कु मिलद्यां, बगैर गुस्सा अर झगड़ा का अपड़ा हथ उठै कै प्रार्थना किया कैरा।

1 पतरस 1:22

किलैकि सचै को पालन कना का द्वारा तुम तैं आत्मा मा शुद्ध किये गै, अब तुम तैं अपड़ा दगड़िया विश्वासियों बट्टी ईमानदरी अर पूरा मन से प्रेम करदी रौंण चयणु च।

याकूब 1:8

उ आदिम दुचितो च, अर अपड़ी सैरी बातों मा भि चंचल च।

खास चेलों 15:9

अर विश्वास का द्वारा परमेश्वर ऊंका मन शुद्ध कैरी के हम मा अर ऊंमा कुछ भेद नि रखि।

मत्ती 15:2

तेरा चेला पुरखों कि रीति रिवाज पर किलै नि चलदिन अर बगैर हथ धुयां अर अशुद्ध हथ रुट्टि खंदींनि?

मत्ती 27:24

जब पिलातुस ल देखि कि कुछ नि हवे सकदु पर हल्ला और जादा बडणु च त वेल पांणी ले के भीड़ का संमणी अपड़ा हथ ध्वे के बोलि, “मि यु धर्मी की ल्वे से निर्दोष छौं अब तुम ही जांणा।”

याकूब 3:17

पर जु ज्ञान पिता परमेश्वर बट्टी मिल्द उ पैली त पवित्र हूंदों फिर मिलणसार, मयलदु, अच्छा विचार वलो, दया अर अच्छा कामों बट्टी भूरियूं अर बगैर भेदभाव अर बगैर कपट का हूंदों।