याकूब 4:17 - गढवली नयो नियम

¹⁷ इलै जु कुई भलै कन जंणदु अर नि करदो, वेको यु पाप च।

Garhwali

¹⁷ इलै अगर कुई भलै का काम करण जणदु हो, पर फिर भि नि करदु हो त वे खुणि उ पाप च।

याकूब 4:17 Referans Kwoze

यूहन्ना 9:41

यीशु ल ऊंमा बोलि, “जु तुम अंधा हूंद त पापी नि ठैरदा पर अब बुल्णा छा कि हम दिखदा छा अर इलै अब तुम्हरो पाप माफ नि किये जालो।”

यूहन्ना 13:17

अब जबकि तुम यूं बातों तैं जंणदा छा, त तुम इन कैरी के धन्य हवे जावा।

यूहन्ना 15:22

जु मि नि औंदु अर ऊंका दगड़ा मा बात नि करदो त उ पापी नि ठैरदा पर अब ऊं तैं ऊंका पापों कु कुई बाना नि च।

2 पतरस 2:21

मेरू मतलब यु च, किलैकि पिता परमेश्वर ऊं लुखुं तैं जादा गंभीरता ल दण्ड दयालो जु मसीह तैं छोड़ी दींदिनि बजाय ऊंका जौनु वे तैं कभी स्वीकार नि कैरी। ऊंकु बढ़िया हूंद जु उ कभी यु जंणदा ही न कि अपड़ा जीवन तैं धार्मिकता का रस्ता पर चलंणों को क्य मतलब च। अब उ जंणदा छिनी कि सै क्य च पर ऊंल पिता परमेश्वर की ऊं आज्ञाओं तैं अस्वीकार कैरेले जु हम, प्रेरितों ल ऊं तैं सिखै छै।

रोमियों 1:32

उ त परमेश्वर की यूं विधि तैं जंणदा छिनी कि इन-इन काम कन वला मौत का दण्ड का हकदार छिनी, अर फिर भि इन काम करदींनि अर कन वलो बट्टी खुश भि हूंदींनि।

रोमियों 7:13

क्य व्यवस्था ल, जु अच्छी च, मि तैं पिता परमेश्वर बट्टी दूर कैरी? न! बिल्कुल न! यु पाप च जैल इन कैरी। पाप ल वीं व्यवस्था जु अच्छी छै इस्तेमाल कैरी अर मि तैं पिता परमेश्वर बट्टी दूर कैरी। ईं रीति बट्टी पाप ल दिखै कि उ सच मा क्य च, अर आज्ञा ल दिखै कि पाप पूरी रीति ल बुरी च।