याकूब 3:17 - गढवली नयो नियम

¹⁷ पर जु ज्ञान पिता परमेश्वर बट्टी मिल्द उ पैली त पवित्र हूंदों फिर मिलणसार, मयलदु, अच्छा विचार वलो, दया अर अच्छा कामों बट्टी भूरियूं अर बगैर भेदभाव अर बगैर कपट का हूंदों।

Garhwali

¹⁷ पर जु ज्ञान परमेस्वर की तरफा बटि औन्दु, उ सबसे पैलि त पवित्र च। फिर उ ज्ञान मिलणसार, शान्त सभौ को, दुसरो तैं समझण वळु, दया अर अच्छा गुणों से भरपूर च। अर वेमा भेदभाव अर कपट नि होन्दु।

याकूब 3:17 Referans Kwoze

याकूब 3:15

यु ज्ञान उन ही, जु पिता परमेश्वर बट्टी मिल्दा पर सांसारिक, अर शारीरिक, अर शैतान का तरपां बट्टी च।

रोमियों 12:9

दूसरों बट्टी प्रेम कनु कु दिखावा नि कैरा; बुरै बट्टी घृणा कैरा; भलै कन मा लगयां रावा।

याकूब 1:17

किलैकि हर एक अच्छो वरदान अर हर एक उत्तम दान पिता परमेश्वर बट्टी ही च अर वे बट्टी ही मिल्दो, जैल आसमान की ज्योतियों तैं बणै। पिता परमेश्वर हमेशा एक ही जन च अर कभि भि छैल का तरौं नि बदलद।

याकूब 1:5

पर जु तुम मा बट्टी कै तैं बुद्धि की कमी-घटि हो, त पिता परमेश्वर बट्टी मांगो, जु बगैर गलती खुज्ज्यां सभियूं तैं भरपूरी बट्टी दींद उ पिता परमेश्वर तुम तैं भि दयालो।

1 यूहन्ना 3:18

हे मेरा प्रिय नौंनो, हम सचै का द्वारा दूसरों की मदद कैरी के दूसरों तैं अपड़ो प्रेम दिखै सकदां पर न की जीभ ल बोलि के।

1 पतरस 1:22

किलैकि सचै को पालन कना का द्वारा तुम तैं आत्मा मा शुद्ध किये गै, अब तुम तैं अपड़ा दगड़िया विश्वासियों बट्टी ईमानदरी अर पूरा मन से प्रेम करदी रौंण चयणु च।

मत्ती 5:8

“धन्य छिन उ जौं का मन शुद्ध छिन, किलैकि उ परमेश्वर तैं दिखला।”

1 यूहन्ना 3:3

अर जु कुई मसीह पर यु आस रखदो, उ अपड़ा आप तैं उन ही पवित्र करदो, जन उ पवित्र च।

लूका 21:15

किलैकि मि तुम तैं इना बोल, अर बुद्धि दयुलु, कि तुमारा विरोधी सामना खंडन नि कैरी सकला।

लूका 6:36

जन तुमारो स्वर्गीय बुबा दयालु च उन ही तुम भि दयालु बंणा।

इब्रानी 12:14

सभियूं बट्टी मेल मिलाप रखा, अर पवित्र हूंणु कु हर ढंग से कोशिश कैरा जैका बगैर कुई भि प्रभु तैं कभी भि नि देख सकलो।

2 तीमुथियुस 2:24

प्रभु का सेवक तैं झगड़ा कन वलो नि हूंण चयणु च, वे तैं सभियूं का प्रति दयालु, अर पिता परमेश्वर का वचन तैं अच्छा ढंग ल सिखांण वलो हूंण चयणु च अर लुखुं दगड़ी धीरज रखण चयणु च।

1 पतरस 2:1

इलै, हर प्रकार का बुरा बरतौ बट्टी छुटकारा पै। दूसरों तैं धोखा नि द्या, कपटी नि बणा। दूसरों बट्टी नि फुकया; दुसरा लुखुं का विरुद्ध बुरी बात नि बोला।

याकूब 2:4

त इन कैरी कै तुम आपस मा भेदभाव नि करद्यां, अर बुरा विचार कैरी के न्याय कन वला नि हुयां।

इब्रानी 12:11

अर जै बगत डांट पुड़दी, वे बगत डांट अच्छी नि लगदि, बल्कि वां बट्टी दुख ही हूंद, पर वांका बाद ऊं परीक्षणों बट्टी सिखण वला तैं शान्ति अर धार्मिकता नौं कु प्रतिफल मिल्द।

कुलुसी 1:10

हम यु प्रार्थना करदा कि तुम उन ही के जीवन जिया जन प्रभु चांदो च अर प्रभु सभि बातों मा तुम बट्टी खुश हो, अर तुमारा जीवन मा हरेक किस्मै का भला कामों का फल लगुनु अर तुम परमेश्वर की पछयांण मा बढ़दी जावा,

रोमियों 15:14

हे मेरा विश्वासी भयों; मि तैं पूरा विश्वास च, कि तुम आप भलै ल भुरयां छा अर तुम यु अच्छा ढंग से जंणदा छा की तुम तैं क्य कन चयणु च अर एक दुसरा तैं सिखांणा रावा।

1 कुरिन्थि 12:8

पवित्र आत्मा एक मनिख तैं बुद्धि का द्वारा संदेश बुल्णु कु वरदान दींद, अर ऊई पवित्र आत्मा दुसरा मनिख तैं ज्ञान का द्वारा संदेश बुल्णु कु वरदान दींद।

याकूब 4:8

पिता परमेश्वर का नजदीक आवा त पिता परमेश्वर भि तुमारा नजदीक आलो हे पापियों, अपड़ा जीवन तैं पाप बट्टी दूर रखा। अर हे दुछड़िया लुखुं अपड़ा मनों तैं पवित्र कैरा।

1 तीमुथियुस 5:21

पिता परमेश्वर, अर मसीह यीशु, अर चुणयां स्वर्गदूतों तैं गवाह जांणि के मि त्वे तैं चितौंणु छौं, कि जु कुछ भि तु करदी, खुला मन बट्टी यूं बातों तैं मांणा कैर, अर कुई भि काम पक्षपात नि कैरा कर।

खास चेलों 11:24

बरनबास एक अच्छो आदिम अर विश्वास अर पवित्र आत्मा बट्टी भुरयां आदिम छो, वे तैं देखि के भौत लोग पिता परमेश्वर मा विश्वास कैरी के वेमा ऐ मिलिनि।

मत्ती 23:28

अर इन कै तुम भि भैरी-भैर त लुखुं का संमणी बड़ा धर्मी दिखेन्द्यां पर भितर बट्टी अधर्म अर कपट से भुरयां छा।

1 थिस्सलुनीकी 2:7

पर जन ब्वे अपड़ा नौंनो कु पालन-पोषण करदी, उन ही हम ल भि तुमारा बीच मा रै के मसीह की दया भाव को बरतौ दिखै

फिलिप्पी 4:8

इलै, हे विश्वासी भयों, जु-जु बात सच छिनी, अर जु-जु बात आदर का योग्य छिनी, अर जौं तैं भि पिता परमेश्वर धर्मी मणद अर जु-जु बात पवित्र छिनी, अर जु-जु बात मन तैं लुभौण वली छिनी, यानि जु भि बात सम्मान जन अर बड़ै कि छिनी, ऊं पर ही तुम्हरो मन लग्युं रौ।

फिलिप्पी 1:11

यीशु मसीह का द्वारा पैदा हूंण वला धार्मिकता का कामों तैं अपड़ा भितर भोरि लय, जु यीशु मसीह मा पये जंदींनि ज्यां ल पिता परमेश्वर कि बड़ै हूंणी रौ।

खास चेलों 9:36

याफा नगर मा तबिता नौं की एक विश्वासी जु चेलों मा बट्टी एक छै रौंदी छै, यूनानी भाषा मा वीं को नौं दोरकास छो; व भौत सा भला-भला काम अर गरीब लुखुं की मदद करदी छै।

यूहन्ना 1:47

यीशु ल नतनएल तैं अपड़ी तरपां औंण देखि कै वेका बारा मा बोलि, देखा यु इस्राएल का लुखुं का घराना कु विश्वासयोग्य वंशज च जु पूरा ढंग से ईमानदार च।

यूहन्ना 1:14

अर वचन देहधारी हवे अर दया अर सचै बट्टी पूरो हवे के हमारा बीच मा डेरो कैरी और वेकी महिमा इन छै जन बुबा (परमेश्वर) कि तरपां बट्टी अयां एकलौता नौंना की महिमा।

तीतुस 3:2

कै तैं बदनाम नि कैरा; झगड़ा कन वलो नि हो, पर दूसरों का प्रति कृपा दिखौ, अर सब लुखुं का दगड़ा मा नम्र बरतौ कैरा।

तीतुस 1:15

ऊं लुखुं कु जूंको दिमाग शुद्ध च, ज्यां मा पापमय जीवन नि च, व्यवस्था का अनुसार सभि चीज शुद्ध छिनी, पर ऊं लुखुं कु जु बुरा छिनी, अर जु यीशु पर विश्वास नि करदींनि, जु कुछ भि उ करदींनि उ अशुद्ध च, किलैकि ऊंको दिल दिमाग अर द्वी ही पूरा ढंग ल बुरो हवे गै।

रोमियों 12:18

जख तक हवे साको, तुम पूरी कोशिश ल सभि मनिख्युं का दगड़ी मेल-मिलाप रखा।

इफिसुस 5:9

किलैकि जु कुई मनिख उज्यला मा च, त वेको बरतौ अच्छो अर धार्मिक हूंद अर वे पर भरोसो किये जै सकदु च,

2 कुरिन्थि 10:1

मि उ ही पौलुस छों जु तुम्हरा संमणी डरपोक छो, पर तुम बट्टी दूर जांण पर हिम्मत वलो हवे जांदु; तुम तैं मसीह की नम्रता, अर कोमलता का कारण निवेदन करदु।

2 कुरिन्थि 9:10

किलैकि पिता परमेश्वर उ च जु किसान कु बीज अर फिर खांणु कु रुठी दींदो। उन ही, उ तुम्हरा स्रोतों तैं उपलब्ध करालो अर बढ़ालो अर फिर तुम मा उदारता की एक बड़ी फसल पैदा करालो।

मत्ती 5:9

“धन्य छिन उ जु दुश्मनों तैं आपस मा मेल करौंदिन, किलैकि ऊंकु परमेश्वर की संतान बुलै जालो।”

2 कुरिन्थि 6:6

पवित्रता मा, ज्ञान मा, धीरज मा, दयालुता मा, पवित्र आत्मा की आज्ञा मनणु का द्वारा सच्चा प्रेम मा,

2 कुरिन्थि 7:11

ध्यान द्या कि पिता परमेश्वर की तरपां बट्टी अयां दुःख ल तुम मा क्य-क्य बदलाव कैरी; इन उत्सुकता भुरीं जल्दबाजी, अपड़ो पक्ष स्पष्ट कने की इन बड़ी इच्छा, अन्याय का प्रति इन गुस्सा, संकट का प्रति इन सावधानी, मि बट्टी मिलणै की इन जादा इच्छा, सेवा का प्रति इन उत्साह अर दुराचारी तैं दण्ड दींणु कु इन तेजी का द्वारा तुम ल यु साबित कैरेले कि सभि कुछ ठिक-ठाक कनु कु तुम ल कुई भि कमी नि छोड़ी।

याकूब 2:13

किलैकि जु कुई दूसरों पर दया नि करलो, त पिता परमेश्वर भि वे पर दया नि करलो जब उ न्याय करलो। पर जु कुई दूसरों पर दया करलो, त पिता परमेश्वर भि वे पर दया करलो जब उ न्याय करलो।

1 पतरस 2:18

हे सेवकों, तुम जु घौर मा काम करदा, जु विश्वासी छा, तुम तैं अपड़ा स्वामी की आज्ञाओं कु पालन कन चयणु च अर हमेशा ऊंको सम्मान कन चयणु च। इन हर ढंग का स्वामी का दगड़ी कैरा चाहे उ दयालु अर सही हो अर या क्रूर हों।