याकूब 2:14 - गढवली नयो नियम

¹⁴ हे मेरा विश्वासी भयों, जु कुई बोलु कि, मि तैं प्रभु यीशु मसीह पर विश्वास च पर उ दूसरों कु अच्छो कामों तैं नि कैरो, त यां बट्टी क्य फैदा? क्य इन विश्वास वेको उद्धार या बचाव कैरी सकद?

Garhwali

¹⁴ हे मेरा भै-बैंणो, अगर कुई बुल्दु कि, “मि बिस्वास करदु छौं,” पर वेका मुताबिक वु काम नि करदु, त क्या फैदा ह्‍वे? क्या इन्द्रयो बिस्वास वेतैं कभि छुटकारु दे सकदु च?

याकूब 2:14 Referans Kwoze

लूका 6:49

पर जु सूंणि के नि मंणदु उ वे मनिख का समान च जै ल धरती पर बगैर बुनियाद को घौर बणैं। जब वे पर पांणी का धारा लगिनि अर उ वे बगत गिरिगे अर उ गिरि के छत्यनाश हवे गै।

तीतुस 1:16

यु झूठा शिक्षक इन बुल्दींनि, कि हम पिता परमेश्वर तैं जंणदा छा, पर अपड़ा कामों से वेको इंकार करदींनि, किलैकि उ बुल्युं नि मणन वला छिन, अर पिता परमेश्वर ऊं बट्टी घृणा करद, अर उ कै भि भला काम का लैख नि छिन।

2 पतरस 1:5

किलैकि तुम पिता परमेश्वर का स्वभाव मा सहभागी हूंणु कु बुलै ग्यां, तुम तैं भस मसीह पर विश्वास ही नि कन चयणु च, बल्कि तुम तैं हमेशा उ ही कनु को बड़ी कोशिश कन चयणी च जु दूसरों कु अच्छो च। अपड़ा विश्वास पर सद्गुण, अर सद्गुण पर समझ, तुम तैं न भस उ कन चयणु च जु अच्छो च, बल्कि तुम तैं इन लोग भि बनण चयणु च जु समझदारी ल बरतौ कन जंणदा छिनी।

याकूब 2:26

जन देह, सांसों बगैर मुरीं च, उन ही विश्वास भि अच्छा कामों का बगैर बेकार च।

इब्रानी 11:17

विश्वास ही बट्टी अब्राहम ल इसहाक तैं एक बलिदान का रूप मा चढ़ै, जब पिता परमेश्वर वेकी अजमैश लींणु छो, चाहे अब्राहम तैं पिता परमेश्वर का तरपां बट्टी या करार मिली छै, फिर भि उ अपड़ा एकलौता नौंना तैं बलिदान चढ़ौणु कु तैयार छो, जु पिता परमेश्वर का करार तैं पूरो कैरी सकद छो।

इब्रानी 13:9

भौत किस्म का अर मथि बट्टी थूपियां उपदेशों बट्टी जु तुम तैं गलत रस्ता पर ली जंदींनि नि भरमै जावा, किलैकि तुम्हरा मनों कु यु ठिक च कि उ कृपा का द्वारा मजबूत बणा, खांण-पीण वली चीजों का नियमों कु पालन कन से कुछ फैदा नि हूंद।

गलातियों 5:6

जु तुम मसीह यीशु का चेला छा त ईं बात से कुछ फर्क नि पुड़दो कि तुम्हरो खतना हुयुं च या न, पर खास बात य च कि हम मसीह पर विश्वास करदां अर पिता परमेश्वर अर और लुखुं का प्रति प्रेम करदां।

याकूब 2:18

जु एक आदिम प्रभु यीशु पर विश्वास करद अर दुसरो आदिम अच्छा काम करद त मि तुम कु बुल्दो, क्य तुम अच्छा कामों का बगैर मि तैं यीशु मसीह पर अपड़ा विश्वास तैं साबित कैर सकदा छा? मि अपड़ा अच्छा काम कना का द्वारा यु साबित कैर सकदु की मि प्रभु यीशु पर विश्वास करदु छो।

खास चेलों 8:21

इलै तू ईं सेवा को भागिदार नि हवे सकदी; किलैकि पिता परमेश्वर का संमणी तेरु मन सचो नि च।

मत्ती 5:20

मि तुम मा बुल्ण छौं कि तुम स्वर्ग का राज्य मा तभि प्रवेश कैर सकदा जब तक तुम्हरी धार्मिकता मूसा की व्यवस्था तैं सिखांण वलो अर फरीसियों की धार्मिकता बट्टी बढ़ि कै नि हो।

तीतुस 3:8

या बात सच च जु मिल तुम तैं अभि लिखीं अर मि इन चांणु छौं, कि तु यूं बातों का बारा मा विश्वासियों तैं सिखांण बगत सख्तै से बोल, इलै कि जौं लुखुं ल परमेश्वर पर विश्वास कैरी उ भला-भला काम कनु को ध्यान रखुनु; किलैकि सभियूं कु या बात भलि अर मनिख्युं कि फैदा कि छिन।

1 तीमुथियुस 1:5

मेरी तुम तैं आज्ञा दींणु को कारण यु च कि तुम एक हैंका बट्टी शुद्ध मन अच्छा विवेक अर निष्कपट विश्वास बट्टी प्रेम कैरा।

1 थिस्सलुनीकी 1:3

अर जब हम अपड़ा पिता परमेश्वर बट्टी प्रार्थना करदां, तब हम तुम्हरा ऊं कामों तैं याद करद्यां जु तुम विश्वास का कारण करदां अर विश्वासियों की मदद कनु कु जु कड़ी मेहनत करदां किलैकि तुम उ बट्टी प्रेम करद्यां, अर दुखों तैं सौंदयां किलैकि तुम प्रभु यीशु मसीह का वापिस लौटणैं की आस करद्यां।

गलातियों 5:13

हे विश्वासी भयों, तुम तैं पिता परमेश्वर का द्वारा आजाद हूंणु कु बुलै गै छो अर इलै अब तुम तैं मूसा की व्यवस्था तैं मनणै की जरूरत नि च; पर यूं तैं अपड़ी पापमय शारीरिक इच्छाओं तैं पूरो कनु कु मौका नि बणा, बल्कि एक-दुसरा बट्टी प्रेम कैरा अर एक-दुसरा की सेवा कैरा।

1 कुरिन्थि 15:2

पिता परमेश्वर तुम तैं वे शुभ सन्देश प्रचार का द्वारा बचांद, जु तुम वे शुभ संदेश पर विश्वास कना रैला, जैको मिल तुम्हरा बीच मा प्रचार कैरी; जु तुम विश्वास कन बंद कैरी द्या त तुम्हरी कुई कीमत नि च, अर यु बेकार च।

खास चेलों 15:9

अर विश्वास का द्वारा परमेश्वर ऊंका मन शुद्ध कैरी के हम मा अर ऊंमा कुछ भेद नि रखि।

याकूब 2:16

अर तुम मा बट्टी कुई ऊंकु बोलु, शान्ति से चलि जा “पिता परमेश्वर तुम तैं आशीष दयालो, तुम गर्म-गर्म कपड़ा पैरा, अर पुटगो भोरि के खावा” पर जु चीज देह कु जरुरी हो उ तुम ऊं तैं न द्या, त या बट्टी कुछ भि फैदा नि च।

1 तीमुथियुस 4:8

किलैकि शारीरिक कशरत ल त देह तैं फैदा हूंद, पर भक्ति सभि बातों कु फैदामंद हूंदी, किलैकि तुम वे जीवन तैं पैला, किलैकि यु एक आदिम तैं ईनाम दींण को वादा करद जब उ ईं धरती पर जीवित रौदींनि अर मुरणा का बाद भि।

खास चेलों 8:13

अर शमौन ल फिलिप्पुस का संदेश पर विश्वास कैरी अर बपतिस्मा ले। अर शमौन ल फिलिप्पुस को अनुसरण कैरी अर उ सभि चमत्कार अर बड़ा-बड़ा सामर्थ का अद्भुत काम तैं हूंद देखि के चकित हूंदो छो।

1 कुरिन्थि 16:22

जु कुई प्रभु बट्टी प्रेम नि रखो, त उ श्रापित च, हे हमारा प्रभु, औ।

रोमियों 2:25

तेरु खतना किये जांणु कु फैदा भस तभि च जब तु मूसा कि व्यवस्था मंणदी छै। पर जु तू मूसा कि व्यवस्था कु पालन नि कैर, त तुम खतना करयां यहूदी लोग ऊं लुखुं का जन ही छा जु यहूदी नि छिनी अर जौं को खतना नि हुयुं च।

लूका 3:11

वेल ऊं तैं जवाब दींनि कि “जै मा द्वी कुर्ता छिन? उ एक तैं दे जै मा एक भि नि च, उ बांटि द्यो अर जै मा खांणु नि च उ भि इन ही कैर।”

याकूब 1:16

हे मेरा प्रिय विश्वासी भयों, अपड़ा जीवन मा धोखा नि खावा।