याकूब 1:18 - गढवली नयो नियम

¹⁸ पिता परमेश्वर ल अपड़ी ही मनसा का अनुसार सच्चा वचन का द्वारा हम तैं नयो जन्म दींनि, कि हम वेका द्वारा बणईं हर एक चीज का सबसे जरूरी भाग हो, जन कि फसल कु पैलो हिस्सा सबसे जरूरी हिस्सा हूंद।

Garhwali

¹⁸ अर वेन अपणी इच्छा का मुताबिक सच्‍चा वचन का द्‍वारा हमतै नयू जनम देई, ताकि जु कुछ भि वेन बणै ऊं सभ्यों मा बटि हम पैलु इनाम बणि जा।

याकूब 1:18 Referans Kwoze

1 पतरस 1:23

(तुम तैं एक दुसरा बट्टी प्रेम कन चयणु च) किलैकि तुम तैं पिता परमेश्वर की तरपां बट्टी एक नयो जीवन मिल्युं च। तुम तैं यु जीवन कै इन चीज का द्वारा नि मिली, जु नाश हवे जाली पर हम तैं यु नयो जीवन पिता परमेश्वर का जीवित अर अनन्त वचन बट्टी मिली।

यूहन्ना 1:13

उ ल त ब्वे-बुबा या पूर्वजो बट्टी, मनिख की इच्छा बट्टी, न एक आदिम की सन्तान इच्छा बट्टी जु परमेश्वर बट्टी पैदा हवेनि।

1 पतरस 1:3

हमारा प्रभु यीशु मसीह का पिता परमेश्वर को धन्यवाद हो, पिता परमेश्वर ल हमारा प्रति अपड़ी बड़ी दया ल हम तैं एक नयो जीवन दये। किलैकि पिता परमेश्वर ल यीशु मसीह तैं मुर्दों बट्टी ज्यून्दो कैरी, वेल हम तैं भौत आत्मविश्वास का दगड़ी जीवन जींणा का योग्य बणै; मतलब यु कि ऊं चीजों तैं पांणै की पूरी आस कैरी सकदां जु वेल हम तैं दींणों को वादा कैरी,

दिब्य दरस 14:4

यु उ छिनी जु पवित्र जीवन तैं ज्यन्दींनि। यु ऊं लुखुं का जन छिनी जौनु एक बार भि नाजायज सम्बन्ध नि बणैंनि अर न ही ऊंल कभी कै चीज कि पूजा कैरी, उ भस चिनखो ही जंणद कि जख कखी चिनखो जांद, यु लोग वेका ही पिछनै औंदींनि। यु उ छिनी जौं तैं धरती का सभि आदमियों बट्टी अलग किये गै। जन लोग अपड़ा पुंगड़ो की फसल कु सबसे अच्छो भाग पिता परमेश्वर तैं दींदिनि उन ही यु लोग भि अपड़ा जीवन तैं पूरी पवित्रता का दगड़ी पिता परमेश्वर अर चिनखा तैं दींदिनि।

इफिसुस 1:12

पिता परमेश्वर ल इन इलै कैरी कि हम यहूदी, जु कि मसीह मा आस रखण वला पैली लोग छा, वेकी महिमा, स्तुति कैरा।

1 यूहन्ना 3:9

जु कुई पिता परमेश्वर की संतान च उ सदनी पाप मा बणयूँ नि रौंद; किलैकि अफ भि पिता परमेश्वर को स्वभाव वेमा च; अर उ पाप कैरी ही नि सकदो, किलैकि उ पिता परमेश्वर की संतान च।

इब्रानी 12:23

तुम पिता परमेश्वर का पैला नौनों की सभा अर मण्डलि मा अयां छा, जु का नौं स्वर्ग मा लिख्यां छिनी; तुम अफी पिता परमेश्वर मा अयां छा, जु सभि चीजों पर न्याय कन वलो च, उ स्वर्ग मा धर्मी लुखुं की आत्मा छिनी जौं तैं अब सिद्ध बणये गै।

याकूब 1:21

इलै मनों को सैरो मैल अर बैर-भाव की बढ़ती तैं दूर कैरी कै, वे पिता परमेश्वर का वचन तैं नम्रता ल स्वीकार कैरी ल्या, जु तुमारा मन मा डलै गै, उ ही तुमारा आत्मा तैं बचै सकदो।

1 कुरिन्थि 4:15

चाहे मसीह मा तुम्हरा मार्गदर्शन कनु कु हजारों अगुवा किलै नि हों, पर मि ही एक पिता का जन छों, किलैकि मि पैली आदिम छों, जु तुम मा शुभ सन्देश ले के औं, जैका द्वारा तुम ल मसीह यीशु पर विश्वास कैरी।

रोमियों 4:17

जन पिता परमेश्वर का वचन मा लिख्युं च, “मिल त्वे तैं भौत सी अन्य-जाति कु पूर्वज ठैरे” परमेश्वर कि नजरों मा अब्राहम हमारो पिता च। वेल वे परमेश्वर पर भरोसो कैरी, जु मुर्दों तैं ज्यून्दों करदो अर ऊं चीजों तैं भि अस्तित्व मा लांदो जै को कुई अस्तित्व ही नि च।

2 कुरिन्थि 6:7

सत्य का वचन मा, पिता परमेश्वर की सामर्थ मा। हम दैंणा हथ मा धार्मिकता का हथियारों तैं हमला कनु कु अर बैं हथ मा रक्षा कनु कु इस्तेमाल करदा।

इफिसुस 1:13

अर तुम दगड़ी यु ही हूंयुं च। तुम ल सच्चा शुभ सन्देश का वचन सूंणिनि जु येका बारा मा बतांद, कि पिता परमेश्वर ही तुम्हरो उद्धार कैर सकदो। जब तुम ल मसीह पर विश्वास कैरी, त पिता परमेश्वर ल अपड़ो वादा जु करयुं पवित्र आत्मा तुम तैं दे द्यां यु दिखौंणु कु कि तुम परमेश्वर का छा, अर मसीह मा, परमेश्वर ल तुम मा अपड़ी मुहर लगै द्यां।

2 तीमुथियुस 2:15

तु जथग जादा मेहनत कैरी सकदी उथग कैर, कि पिता परमेश्वर त्वे तैं एक इन सेवक का रूप मा पूरा ढंग ल स्वीकार कैर, जु अपड़ा कामों का कारण शर्मिंदा नि हूंद, अर जु सच्चा संदेश तैं ठिक ढंग से सिखांद।

याकूब 1:15

यांका बाद, जब उ पाप कनै की योजना की कल्पना करदु, तब पाप कु जन्म हूंद। अर अंत मा, उ सदनी कु मोरि जांदु।

याकूब 3:14

जु तुम अपड़ा-अपड़ा मन मा बड़ी नफरत अर स्वार्थ रखद्यां, त अपड़ो ज्ञान को घमण्ड कैरी के सच का खिलाफ मा पाप नि कैरा।