याकूब 1:17 - गढवली नयो नियम

¹⁷ किलैकि हर एक अच्छो वरदान अर हर एक उत्तम दान पिता परमेश्वर बट्टी ही च अर वे बट्टी ही मिल्दो, जैल आसमान की ज्योतियों तैं बणै। पिता परमेश्वर हमेशा एक ही जन च अर कभि भि छैल का तरौं नि बदलद।

Garhwali

¹⁷ किलैकि हरेक अच्छु अर उत्तम दान-बरदान स्वर्ग बटि औन्दु अर पिता परमेस्वर की तरफा बटि मिलदु च। अर वेन ही आसमान मा चमकण वळी ज्योतियों तैं बणै। अर उ कभि भि नि बदल्दु। अर चै कुई भि अदळौ-बदळौ ह्‍वे जौ, पर वेमा कुई अन्धेरु नि पोड़दु।

याकूब 1:17 Referans Kwoze

यूहन्ना 3:27

यूहन्ना ल जवाब दे जब तक मनिख तैं स्वर्ग बट्टी न दिये जौं तब तक उ कुछ नि पै सकद।

मत्ती 7:11

जब तुम बुरा हवे के अपड़ा नौंना बालों तैं भलि चीज दींण जंणदा छा त तुमारो स्वर्गीय बुबा अपड़ा मंगण वलो तैं भलि वस्तु किलै नि दयाला?

इब्रानी 13:8

यीशु मसीह ब्यालि अर आज अर हमेशा एक ही जन च, उ कभी नि बदलद।

यूहन्ना 8:12

तब यीशु ल फिर लुखुं मा बोलि, “दुनिया कु उज्यला मि छौं जु मेरा पिछनै हवे जालो उ अंधेरा मा नि चललो पर उ उज्यला तैं पालो जु अनन्त जीवन दींद।”

1 यूहन्ना 1:5

जु समाचार प्रचार हम ल यीशु बट्टी सूंणि, अर तुम तैं सुनौणा छा, उ यु च; कि पिता परमेश्वर उज्यला का जन अच्छो अर सचो च अर वेमा कुछ भि बुरै नि च।

याकूब 3:17

पर जु ज्ञान पिता परमेश्वर बट्टी मिल्द उ पैली त पवित्र हूंदों फिर मिलणसार, मयलदु, अच्छा विचार वलो, दया अर अच्छा कामों बट्टी भूरियूं अर बगैर भेदभाव अर बगैर कपट का हूंदों।

इफिसुस 2:8

किलैकि जब तुम ल विश्वास कैरी त पिता परमेश्वर ल अपड़ी दया ल तुम तैं बचैयेले, अर तुम ल अपड़ा आप तैं नि बचै, बल्कि यु पिता परमेश्वर कु दान च;

लूका 11:13

जब तुम बुरा हवे के अपड़ा नौंना तैं भलि चीज दींण जंणदा छा, त तुमारो स्वर्गीय बुबा भौत जादा बढ़ि के ऊं तैं पवित्र आत्मा दींणु कु तैयार च जु वे बट्टी मंगदो च?

1 कुरिन्थि 4:7

कु बुल्द कि तुम दूसरों बट्टी महान छा? जु कुछ भि तुम मा च, उ पिता परमेश्वर ल तुम तैं दियुं च, त तुम्हरो वे पर बड़ो मोन कनु कु कुई अधिकार नि बणद।

1 यूहन्ना 4:10

सचै यां मा नि च, कि हम ल पिता परमेश्वर बट्टी प्रेम कैरी, पर यांमा च कि पिता परमेश्वर ल हम बट्टी प्रेम कैरी, अर हमारा पापों का प्रायश्चित बलिदान का कारण अपड़ा नौंना तैं भेजि।

इफिसुस 1:18

मि यु भि प्रार्थना करदु छों, कि उ सचै तैं समझण मा हमारी मदद करलो, कि तुम जणिल्या कि उ आस जैको वेल तुम तैं बुल्युं च उ क्य च, अर तुम जांणि सका कि उ आशीष कथग महान अर महिमामय च ज्यांको वादा परमेश्वर ल अपड़ा पवित्र लुखुं बट्टी करयुं च।

यूहन्ना 1:9

उ जु सच्चो उज्यलो च जु हर एक आदिम तैं उज्यलो दींद जगत मा औंण वलो छो।

दिब्य दरस 21:23

उख न त सूरज अर न ही चन्द्रमा की चमक की जरूरत च, किलैकि उ शहर पिता परमेश्वर का महिमा बट्टी वेमा उज्यलो हूंणु छो अर चिनखो वे दिवड़ै की चमक च।

2 कुरिन्थि 4:6

इलै कि पिता परमेश्वर ल बोलि, “अंधेरा मा बट्टी उज्यलो चमकी” अर पिता परमेश्वर ल उज्यला का जन हमारा मनों मा समझ द्ये, कि हम पिता परमेश्वर की महिमा तैं देख सका जु यीशु मसीह मा प्रगट हूंदी।

दिब्य दरस 22:5

अर फिर कभी रात नि होली, अर जु लोग उख रौन्दींनि, ऊं तैं अपड़ा रस्ता मा उज्यलो कनु कु दिवड़ै की कुई जरूरत नि च। न ही ऊं तैं उज्यलो दींण कु सूरज की जरूरत च। किलैकि पिता परमेश्वर ही च जु लुखुं तैं उज्यलो दींद। अर यु लोग जु उख रौदींनि उ हमेशा कु राज्य करदींनि।

याकूब 1:5

पर जु तुम मा बट्टी कै तैं बुद्धि की कमी-घटि हो, त पिता परमेश्वर बट्टी मांगो, जु बगैर गलती खुज्ज्यां सभियूं तैं भरपूरी बट्टी दींद उ पिता परमेश्वर तुम तैं भि दयालो।

रोमियों 6:23

किलैकि पापमय कामों कि मजदूरी त मौत च, पर जु वरदान पिता परमेश्वर हम तैं दया का द्वारा दींद, उ त अनन्त जीवन च, जु हमारा प्रभु यीशु मसीह मा मिल्दु।

याकूब 3:15

यु ज्ञान उन ही, जु पिता परमेश्वर बट्टी मिल्दा पर सांसारिक, अर शारीरिक, अर शैतान का तरपां बट्टी च।

फिलिप्पी 1:29

किलैकि पिता परमेश्वर ल तुम तैं भस मसीह यीशु मा विश्वास कनु कु न बल्कि दुःख सौणो कु भि सौभाग्य दियुं च, किलैकि तुम वे पर विश्वास करद्यां।

खास चेलों 11:18

यु सूंणि के उ शांत हवे गै; अर ऊंल यु बोलि के पिता परमेश्वर की महिमा कैरी, “पिता परमेश्वर ल अन्यजातियों तैं यु वरदान दियूं च कि उ भि पापों तैं छोड़ी द्या अर अनन्त जीवन पै साका।”

खास चेलों 5:31

वे तैं ही पिता परमेश्वर ल प्रभु अर उद्धारकर्ता का रूप मा अपड़ा दैंणा हथ का तरपां सर्वश्रेष्ठ जगह मा ऊंचो कैरी कि उ इस्राएलियों तैं अपड़ा बुरी सोच विचार अर बट्टों बट्टी पिता परमेश्वर की तरपां मुड़ा अर वेका द्वारा अपड़ा पापों की माफी पां।

यूहन्ना 3:3

यीशु ल वे तैं जवाब द्ये, कि मि त्वे बट्टी सच-सच बुल्ण छौं जु कुई नया सिरा से नि जन्मो त परमेश्वर का राज्य कु अनुभव नि कैरी सकद।

1 तीमुथियुस 6:16

भस उ ही एकमात्र च जु हमेशा कु ज्यूँदो च, अर उ इथग चमकदार रोशनी मा रौंदो च कि कुई भि वेका नजदीक नि ए सकद, अर न वे तैं कै मनिख ल देखि अर न ही कभि देखि सकदु। वेकी महिमा अर सामर्थ जुग-जुग तक राली। आमीन।