इब्रानी 9:19 - गढवली नयो नियम

¹⁹ सबसे पैली, मूसा ल सब लुखुं तैं व्यवस्था की हर आज्ञा का बारा मा बतै; यांका बाद वेल बछड़ों कु ल्वे ले अर वे तैं पांणी मा मिलै; फिर वेल यु तैं व्यवस्था की किताब (चाम्रपत्र) अर सभि लुखुं पर छिड़कणु कु लाल ऊंन अर जूफा नौं का डाला का फौंको कु इस्तेमाल कैरी।

Garhwali

¹⁹ अर जु कुछ भि परमेस्वर न मूसा रैबर्या तैं बतै वेन वु नियम-कानून लोगु तैं ठिक उन्‍नि बतैनि, कि ऊंतैं माफी पौणु खुणि इन्‍नि ही करण चयेणु। तब वेन बोड़ो अर बखरों का ल्वे का दगड़ा मा पाणि मिलै अर लाल ऊंन अर जुफा की पौद से करार का दस्तावेजों अर सब लोगु पर छिड़की।

इब्रानी 9:19 Referans Kwoze

इब्रानी 9:12

अर मसीह ल परम पवित्र जगह मा भस एक बार अर हमेशा कु प्रवेश कैरी; उ अफ दगड़ी बखरों अर बछड़ों कु ल्वे ले के नि गै; वेको बलिदान वेका अपड़ा ल्वे कु छो, अर यांका द्वारा वेल हम तैं पापों बट्टी हमेशा कु छुड़ै।

इब्रानी 10:4

किलैकि य बात अनोखी च, कि बल्द अर बखरों कु ल्वे पापों तैं दूर कैरो।

1 पतरस 1:2

पिता परमेश्वर ल भौत पैली ही तुम तैं अपड़ा लोग हूंणु कु अर पवित्र आत्मा का काम का द्वारा तुम तैं पवित्र कनु कु चुणि। वेल इन इलै कैरी कि तुम यीशु मसीह की आज्ञाओं तैं मंणिला अर वेका ल्वे बट्टी शुद्ध हवे सकिला। मि प्रार्थना करदु कि पिता परमेश्वर तुम तैं कृपा अर पूरी शान्ति दयालो।

यूहन्ना 19:5

तब यीशु कांडों कु मुकुट अर बैंगनी कपड़ा पैरी के भैर लैनि अर पिलातुस न ऊंकु बोलि, “यु मनिख तैं देखा”

यूहन्ना 19:2

सिपैयूं ल यीशु तैं बैंगनी जु शाही कपड़ा छा पैरेनि जन राजा पैरदो अर वेको ठट्टा कैरी अर झिबलांण कु मुगट बूणि कै वेका मुंड मा रखि

मरकुस 15:20

जब ऊंल यीशु को मखोल कैरेली छो त वे पर बट्टी बैंगनी कपड़ा उतारी दींनि अर वेका कपड़ा पैरे दींनि अर तब वे तैं सूली पर चढ़ाणु कु शहर बट्टी भैर ली गैनी।

मरकुस 15:17

तब ऊंल यीशु तैं बैंगनी जु शाही कपड़ा छा पैरेनि जन राजा पैरदो छो अर वेको ठट्टा कैरी अर कांडों कु मुगट बणै कै वेका मुंड मा रखि

मत्ती 27:28

अर ऊंल यीशु का कपड़ा खोलि के वे तैं बैंगनी जु शाही कपड़ा छा पैरेनि जन राजा पैरदो अर वेको ठट्टा कैरी

इब्रानी 12:24

तुम यीशु मा अयां जु पिता परमेश्वर अर लुखुं तैं जुड़ण वली नई प्रतिज्ञा, अर छिड़कौ का वे ल्वे मा, जु हाबिल का ल्वे जन न्याय कु रूण का बजाय माफी की बात करद।

इब्रानी 1:1

पुरणा बगत मा पिता परमेश्वर ल पुरणों बट्टी अर कई प्रकार ल परमेश्वर का तरपां बट्टी बुल्ण वलो का द्वारा बात कैरी,

इब्रानी 9:13

मूसा की व्यवस्था का अनुसार, उ लोग जु विधि का अनुसार अशुद्ध हूंदा छा, उ पिता परमेश्वर की आराधना कना का योग्य नि हूंदा; फिर भि ऊं तैं साफ समझै जालो, जु ऊं पर बखरों अर बल्दों का ल्वे अर एक चढयां बछड़ों कु राखो छिड़कै जौं।

इब्रानी 9:18

इलै इख तक कि पिता परमेश्वर का द्वारा दीं पैली वाचा पक्की हूंण से पैली एक ल्वे का द्वारा बलि को दींण जरूरी छो।

इब्रानी 10:22

त आवा हम; मसीह का ल्वे बट्टी छिड़कौ का द्वारा हमारा हृदय का अपराधों तैं दूर कैरा अर अपड़ा देह तैं शुद्ध पांणी बट्टी धवा जैका द्वारा हम तैयार किये जांदा; इलै अब आवा, चला हम सच्चा हृदय अर मजबूत विश्वास का दगड़ी पिता परमेश्वर का नजदीक जां।