इब्रानी 9:16 - गढवली नयो नियम

¹⁶ हम जंणदा छा कि जु कुई आदिम अपड़ी मौत से पैली अपड़ी दौलत कु बंटवरा की वसीहत लिखद, त यु जरूरी च कि पैली वेकी मौत हो कि वेका आज्ञाओं तैं पूरो किये जै साको।

Garhwali

¹⁶ असल मा जख वसीयत लिखे रौन्दी उख वींतैं साबित करणु खुणि इन बतये जान्दु कि वींतैं बनबौंण वळे की मौत ह्‍वे गै।

इब्रानी 9:16 Referans Kwoze

याकूब 2:10

किलैकि जु कुई मूसा द्वारा लिखीं परमेश्वर की व्यवस्था को पालन करदो पर वेकी एक आज्ञा तैं मनणु मा चूक जांद त उ सभि बातों मा भंगारी ठैरदो।

रोमियों 6:23

किलैकि पापमय कामों कि मजदूरी त मौत च, पर जु वरदान पिता परमेश्वर हम तैं दया का द्वारा दींद, उ त अनन्त जीवन च, जु हमारा प्रभु यीशु मसीह मा मिल्दु।

रोमियों 5:12

इलै कि जन एक मनिख का द्वारा पाप दुनिया मा ऐ मतलब आदम का द्वारा, उ पैलो मनिख जै तैं पिता परमेश्वर ल बंणै, किलैकि आदम ल पाप कैरी, अर उ मोरि गै, अर इन ही बट्टी मृत्यु सब लुखुं मा फैली गै, किलैकि सभि लोग आदम कि सन्तान छिनी, इलै जब आदम ल पाप कैरी त सभियूं ल पाप कैरी अर पापमय स्वभाव कु संचार हूंदी गै।

इब्रानी 9:15

इलै ही मसीह ल लुखुं का दगड़ी जुड़ण वली एक नई प्रतिज्ञा तैं बांधि, कि उ लोग जु पिता परमेश्वर का द्वारा बुलै गै छा, ऊं अनन्त आशीषों तैं पै साका जौको वादा पिता परमेश्वर ल कैरी छो; यु इलै हवे सकद किलैकि मसीह ऊं तैं ऊंका पापों का दण्ड बट्टी छुडांणु कु मरै गै जु ऊंल पैली वाचा का अधीन रै के कैरी छो।

इब्रानी 9:17

तब वारिस उ सभि कुछ पै सकद जु वसीयत मा वे तैं दिए गै छै; किलैकि जु वसीयत लिखण वलो अभि ज्यूँदो हो, त यु संभव नि च कि वेका द्वारा दीं आज्ञाओं तैं पूरो किये जौं।

इब्रानी 1:3

नौंनो ही पिता परमेश्वर की महिमा कु प्रकाश च, अर वेमा हम देख सकदा कि पिता परमेश्वर कन च, अपड़ा सामर्थी वचनों का द्वारा, उ वे सब तैं जु वेल बणै संभलदो; वेल लुखुं तैं ऊंका पापों बट्टी शुद्ध कैरी, अर वांका बाद स्वर्ग मा महिमामय पिता परमेश्वर का दैंणा विराजमान हवे।

इब्रानी 13:20

अर अब, शान्ति दींणवलों पिता परमेश्वर, जु हमारा प्रभु यीशु तैं मुर्दों मा बट्टी फिर ज्यूँदो कैरी के ले ऐ, तुम तैं ऊं सभि चीजों बट्टी पूरो कैरो ज्यांकी तुम तैं वेकी इच्छा पूरी कनै की जरूरत च; यीशु मसीह का ल्वे का सामर्थ का द्वारा उ तुम मा उ सभि पैदा कैरो जु वे तैं खुश करदो; यीशु हमेशा की वाचा का द्वारा ढिबरों कु एक महान चरवाहा बंणि गै, जैका द्वारा हमेशा की नई प्रतिज्ञा पर मोहर लगै जांद; वेकी महिमा हमेशा-हमेशा तक हूंदी रौ। आमीन।