इब्रानी 9:12 - गढवली नयो नियम

¹² अर मसीह ल परम पवित्र जगह मा भस एक बार अर हमेशा कु प्रवेश कैरी; उ अफ दगड़ी बखरों अर बछड़ों कु ल्वे ले के नि गै; वेको बलिदान वेका अपड़ा ल्वे कु छो, अर यांका द्वारा वेल हम तैं पापों बट्टी हमेशा कु छुड़ै।

Garhwali

^12-13 अर ईं दुनियां वळा तम्बू मा जब महा पुरोहित सालभर मा एक बार भितर जान्दु छौ, त उ बलिदान मा चड़यां बखरों अर बोड़ो का ल्वे तैं दगड़ा मा लि जान्दु छौ, ताकि लोगु तैं ऊं पर लग्यां पापों का इळजाम से माफी मिली जौ। अर मूसा का दियां नियम-कानूनों का मुताबिक जब लोग परमेस्वर की नजर मा अशुद्ध ह्‍वे जान्दा छा, त वु वेकी भक्‍ति का काबिल नि रौन्दा छा। अर जब तक ऊं लोगु पर बलिदान मा चड़यां बखरों अर सांड़ो को ल्वे, अर बछरों की राख छिड़के नि जौ तब तक ऊ लोग शुद्ध नि मणै जान्दा छा। मगर हमरा यीशु मसीह न इन नि कैरी, बल्किन मा वु खुद अपणु ल्वे देके वीं पवित्र जगा मा एक ही बार गै, अर इन कैरिके वेन सदनि खुणि हमतै पापों से छुटकारु दे दिनी।

इब्रानी 9:12 Referans Kwoze

इब्रानी 10:4

किलैकि य बात अनोखी च, कि बल्द अर बखरों कु ल्वे पापों तैं दूर कैरो।

इब्रानी 9:15

इलै ही मसीह ल लुखुं का दगड़ी जुड़ण वली एक नई प्रतिज्ञा तैं बांधि, कि उ लोग जु पिता परमेश्वर का द्वारा बुलै गै छा, ऊं अनन्त आशीषों तैं पै साका जौको वादा पिता परमेश्वर ल कैरी छो; यु इलै हवे सकद किलैकि मसीह ऊं तैं ऊंका पापों का दण्ड बट्टी छुडांणु कु मरै गै जु ऊंल पैली वाचा का अधीन रै के कैरी छो।

इफिसुस 1:7

मसीह कु ल्वे बुगांण का कारण हमारा पाप माफ कैरे अर छुड़ै गैनी, पिता परमेश्वर की दया कथग महान च जु वेल हम तैं बहुतायत बट्टी दियुं च,

इब्रानी 5:9

पिता परमेश्वर ल वे तैं एक महायाजक का रूप मा स्वीकार कैरी जु कि हर ढंग से सिद्ध छो; उ, ऊं सभि लुखुं कु उद्धार का द्वारा अनन्त जीवन दींणु कु बुनियाद का रूप मा खड़ो छो जु वेका वचन कु पालन करदींनि।

दिब्य दरस 1:5

अर यीशु मसीह का तरपां बट्टी जैका वचनों पर विश्वास किये जै सकद उ ही च जु मुर्दों मा बट्टी ज्यूँदो हूंण वलो मा पैलो अर उ ईं दुनिया का सभि राजाओं कु शासक च। अर यीशु मसीह हम बट्टी प्रेम करद। उ हम कु ल्वे बुगै के मोरि अर वेल हमारा पापों की सजा तैं खत्म कैरेले। इलै हम याजकों को एक परिवार बंणि ग्यां, जु पिता परमेश्वर की सेवा करद। इलै यीशु मसीह तैं महिमा अर शक्ति हमेशा मिलदी रौ आमीन।

इब्रानी 10:19

इलै, प्रिय विश्वासी भयों, किलैकि यीशु ल अपड़ा ल्वे का द्वारा हम कु अपड़ो जीवन बलिदान कैरेले, हम हिम्मत का दगड़ी स्वर्गीय मन्दिर मा परम पवित्र जगह मा प्रवेश कैरी सकदा।

इब्रानी 9:28

उन ही के, मसीह भि भस एक बार बलि चढ़ै गै कि उ सभि लुखुं का पापों तैं दूर कैरी के उद्धार करलो; जब उ दुबरा आलो तब उ पाप कु बलिदान हूंणु कु न बल्कि ऊं तैं बचांणु कु ऐ जु वेको जग्वाल कना छा।

इब्रानी 7:27

अर उ महायाजक जु हारुन का वंशज छा, ऊं जन यीशु तैं जरूरत नि च कि रोज पैली अपड़ा पापों अर फिर लुखुं का पापों का बलिदान चढ़ौण; किलैकि यीशु ल एक ही बार मा सभि लुखुं का पापों कु अपड़ा आप तैं बलि चढ़ै दींनि।

इब्रानी 9:13

मूसा की व्यवस्था का अनुसार, उ लोग जु विधि का अनुसार अशुद्ध हूंदा छा, उ पिता परमेश्वर की आराधना कना का योग्य नि हूंदा; फिर भि ऊं तैं साफ समझै जालो, जु ऊं पर बखरों अर बल्दों का ल्वे अर एक चढयां बछड़ों कु राखो छिड़कै जौं।

इब्रानी 1:3

नौंनो ही पिता परमेश्वर की महिमा कु प्रकाश च, अर वेमा हम देख सकदा कि पिता परमेश्वर कन च, अपड़ा सामर्थी वचनों का द्वारा, उ वे सब तैं जु वेल बणै संभलदो; वेल लुखुं तैं ऊंका पापों बट्टी शुद्ध कैरी, अर वांका बाद स्वर्ग मा महिमामय पिता परमेश्वर का दैंणा विराजमान हवे।

1 थिस्सलुनीकी 1:10

अर पिता परमेश्वर का नौंना की स्वर्ग बट्टी फिर से आंणै की आस कना छिनी, जै तैं पिता परमेश्वर ल मुर्दों मा बट्टी ज्यूँदो कैरी यानि यीशु तैं जु हम तैं पिता परमेश्वर का आंण वला प्रकोप से बचांदु।

कुलुसी 1:14

पिता परमेश्वर ल हम तैं अपड़ा नौंना यीशु मसीह का बलिदान का ल्वे का द्वारा शैतान की शक्तियों बट्टी छुड़ै अर हमारा पापों तैं माफ कैरी।

खास चेलों 20:28

इलै तुम अपड़ी अर अपड़ा सैरा झुण्ड की जौं का बीच पवित्र आत्मा ल तुम तैं अध्यक्ष बणयूं च देखभाल करयां; कि तुम परमेश्वर की मण्डलि कि देखभाल करयां जु वेल अपड़ा ल्वे बट्टी मोल लियां छिनी।

मरकुस 3:29

पर जु पवित्र आत्मा का खिलाफ बुरै करलो उ सदनी पाप को अपराधी ठैरुदो परमेश्वर ऊं तैं कभि भि माफ नि करलो।

दिब्य दरस 5:9

अर उ यु एक नया गीत गांण लगि गै, तू ईं किताब (चाम्रपत्र) की मुहरों तैं तुडण अर यु तैं खुलणां का योग्य छै; ऊंल त्वे तैं बलिदान कैरी अर अपड़ी मौत का ल्वे ल तू हर गोत्र, भाषा, लोग अर जाति, राष्ट्र ल पिता परमेश्वर कु लुखुं तैं खरीद के छुड़ै दीलि।

तीतुस 2:14

यीशु मसीह हमारा फैदा कु मोरि गै, कि हम तैं सभि अधर्मों बट्टी छुड़ै द्यो अर हम तैं शुद्ध कैरी साको कि हम वेका खास लोग बंणि जा, जु भला-भला काम कनु कु हमेशा तैयार रौनु।

इब्रानी 9:7

पर भस महायाजक पूरा साल मा एक बार परम पवित्र जगह मा जांदु छो; जब उ भितर जांदु छो त उ हमेशा अफ दगड़ी जानवरों कु ल्वे ले के जांदु छो अर उ यु तैं अपड़ा पापों की माफी कु अर लुखुं का पापों की माफी कु पिता परमेश्वर तैं बलिदान चढ़ांदु छो जु उ अनजाना मा करदा छा।

लूका 1:68

धन्‍य च प्रभु परमेश्वर कि वेल इस्राएल का लुखुं का घराना की सुधि लै अर वेको उद्धार कैरी।

इब्रानी 9:14

जरा सोचि के देखा, कि मसीह कु ल्वे हमारा दिलों तैं ऊं कामों बट्टी कथग शुद्ध करलो जु मौत का तरपां लिजांदी, कि हम जीवित पिता परमेश्वर की आराधना कैरी साका; किलैकि हमेशा की आत्मा की सामर्थ का द्वारा, मसीह ल हमारा पापों कु अपड़ा आप तैं एक सिद्ध बलिदान का रूप मा पिता परमेश्वर तैं भेंट का रूप मा चढ़ै।

इब्रानी 9:19

सबसे पैली, मूसा ल सब लुखुं तैं व्यवस्था की हर आज्ञा का बारा मा बतै; यांका बाद वेल बछड़ों कु ल्वे ले अर वे तैं पांणी मा मिलै; फिर वेल यु तैं व्यवस्था की किताब (चाम्रपत्र) अर सभि लुखुं पर छिड़कणु कु लाल ऊंन अर जूफा नौं का डाला का फौंको कु इस्तेमाल कैरी।

इब्रानी 13:12

इलै ही, यीशु भि लुखुं कु अपड़ा ही ल्वे का द्वारा पवित्र कनु कु यरूशलेम शहर का फाटक का भैर पीड़ित हवे अर मोरि गैनी।