इब्रानी 8:4 - गढवली नयो नियम

⁴ अर जु मसीह धरती पर हूंद त कभी यहूदी याजक नि हूंद, इलै कि धरती पर मूसा की व्यवस्था का अनुसार, पैली ही याजक च जु भेंट तैं चढौदींनि।

Garhwali

⁴ अगर जु यीशु मसीह ईं धरती पर होन्दु, त उ पुरोहित का पद पर कभि भि काम नि कैरी सकदु छौ, किलैकि इख त पैलि ही दुसरा पुरोहित मौजूद छा जु की मूसा का दियां नियम-कानून का मुताबिक पिता परमेस्वर खुणि भेंट चडौन्दिन।

इब्रानी 8:4 Referans Kwoze

इब्रानी 5:1

पिता परमेश्वर हर एक महायाजक तैं इस्राएल का लुखुं मा बट्टी चुणदो, अर उ लुखुं की भलै कु पिता परमेश्वर का काम कनु कु चुणै जयदींनि; कि पापों की माफ कु भेंट अर बलि चढ़ांण कि पिता परमेश्वर लुखुं का पापों तैं माफ कैरी द्यो।

इब्रानी 11:4

विश्वास ही का कारण आदम का नौंना हाबिल ल अपड़ा बड़ा भैय कैन से बढ़िया बलिदान पिता परमेश्वर कु चढै; अर वीं भेट का द्वारा पिता परमेश्वर ल हाबिल तैं एक धर्मी का रूप मा स्वीकार कैरी; पिता परमेश्वर वेका बलिदान बट्टी खुश छो, हाबिल अपड़ी मौत का बाद भि, हम तैं सिखै गै कि विश्वास कन हूंण चयणु च।

इब्रानी 7:27

अर उ महायाजक जु हारुन का वंशज छा, ऊं जन यीशु तैं जरूरत नि च कि रोज पैली अपड़ा पापों अर फिर लुखुं का पापों का बलिदान चढ़ौण; किलैकि यीशु ल एक ही बार मा सभि लुखुं का पापों कु अपड़ा आप तैं बलि चढ़ै दींनि।

इब्रानी 8:3

किलैकि हर एक महायाजक तैं पापों की माफ कु भेंट अर बलिदान चढ़ौणे की जरूरत च, इलै ही जरूरी च, कि हमारा महायाजक, यीशु मा भि कुछ चढ़ौणु कु हो।

इब्रानी 9:9

यु सभि चीज बसयूं बातों तैं बतौंदी जु कि अब मसीह का कारण पूरी हूंणी च; किलैकि उ सभि भेंट अर बलिदान जु ऊं लुखुं का द्वारा पिता परमेश्वर तैं चढै जांदी छै जु वेकी आराधना करदा छा अर भक्त छा, उ लुखुं का मनों अर दिलों तैं शुद्ध कना का लैक नि छै।

इब्रानी 10:11

हर एक यहूदी याजक हर-रोज वेदी का संमणी खड़ो हूंद अर लुखुं का पापों तैं दूर कनु कु रीतियों तैं पूरो करदो। उ लगातार एक ही जन बलिदानों तैं चढ़ौणु रौंदो जु कभी भि वे आदिम का पापों तैं दूर नि कैरी सकद, जु वेल कैरी।