इब्रानी 7:6 - गढवली नयो नियम

⁶ पर यु आदिम, मलिकिसिदक याजक, जु लेवी का वंशज भि नि छो, अब्राहम बट्टी दसवां अंश लै जबकि अब्राहम उ छो जै दगड़ी पिता परमेश्वर की करार कैरी, फिर भि मलिकिसिदक याजक ल वे तैं आशीष द्ये।

इब्रानी 7:6 Referans Kwoze

रोमियों 4:13

पिता परमेश्वर ल अब्राहम अर वेका वंशजों बट्टी करार कैरी छै कि उ ऊं तैं या दुनिया दयालो। यु वादा इलै नि कैरी किलैकि अब्राहम व्यवस्था कु पालन कैरी, पर पिता परमेश्वर ल वेका विश्वास का कारण वे तैं धर्मी मंणै गै छो।

इब्रानी 11:17

विश्वास ही बट्टी अब्राहम ल इसहाक तैं एक बलिदान का रूप मा चढ़ै, जब पिता परमेश्वर वेकी अजमैश लींणु छो, चाहे अब्राहम तैं पिता परमेश्वर का तरपां बट्टी या करार मिली छै, फिर भि उ अपड़ा एकलौता नौंना तैं बलिदान चढ़ौणु कु तैयार छो, जु पिता परमेश्वर का करार तैं पूरो कैरी सकद छो।

इब्रानी 7:1

यु मलिकिसिदक शालेम शहर कु राजा अर सबसे बड़ा पिता परमेश्वर कु याजक छो; वेको नौं कु मतलब छो “न्याय का दगड़ी शासन कन वलो राजा” अर शालेम का राजा कु मतलब च “शान्ति कु राजा” जब अब्राहम चार राजाओं तैं मारि के लौटि छो, तब मलिकिसिदक याजक वे तैं मिली अर वे तैं आशीष द्ये, अब्राहम ल मलिकिसिदक याजक तैं युद्ध मा जितण का बाद जु कुछ भि मिली छो, वेल वीं सभि चीजों कु दसवां हिस्सा (दशमांश) द्ये छो। जैको न त बुबा, न ब्वे, न वंशावली च, जै की न त दिनों की शुरुआत अर न जीवन कु अन्त च; पर पिता परमेश्वर का नौंनो का स्वरूप ठैरी कै उ हमेशा कु याजक बणयुं रै।

गलातियों 3:16

उन ही के पिता परमेश्वर ल अपड़ा करार अब्राहम तैं अर वेका वंश तैं दींनि। परमेश्वर का वचन इन नि बुल्दो कि “तेरु वंशजों तैं” जन भौतों का बारा मा बोलि, पर यु एक मनिख का बारा मा बात करद कि, “तेरु वंश तैं” अर उ मसीह च।

रोमियों 9:4

उ इस्राएली ही छिनी, ऊं तैं पिता परमेश्वर ल गोद लियुं च अर ऊं तैं सन्तानोंं का रूप मा चुणै गै अर महिमा, वाचा, मूसा द्वारा लिखीं परमेश्वर की व्यवस्था, उ सचै बट्टी पिता परमेश्वर कि आराधना करदींनि, अर प्रतिज्ञा ऊंकी ही छिनी।

खास चेलों 3:25

तुम सब परमेश्वर का तरपां बट्टी बुल्ण वलो कि सन्तान अर वीं करार का हकदार छा ज्वा पिता परमेश्वर ल तुमारा बाप-दादों बट्टी बंधि ‘जब वेल अब्राहम मा बोलि छो तेरु वंश का द्वारा धरती का सैरा घराना आशीष पौनु’

इब्रानी 11:13

यु सभि लोग जौ ल पिता परमेश्वर पर विश्वास कैरी, वीं चीज तैं बगैर पयां ही मोरि गैनी, ज्यांको वादा पिता परमेश्वर ल कैरी; पर ऊं तैं दूर बट्टी देखि के खुश हवीनि अर मांणी भि लींनि, अर ईं बात तैं समझी गैनी कि पिता परमेश्वर ल भविष्य मा क्य कन अर ईं बात तैं समझी गैनी कि हम ईं धरती पर अजनबी अर परदेशी छा।

इब्रानी 7:7

अर हम तैं पक्का पता च कि जु आशीष दींद उ आशीष पांण वला बट्टी भि बड़ो हूंद।