इब्रानी 7:25 - गढवली नयो नियम

²⁵ इलै की जु यीशु का द्वारा पिता परमेश्वर का संमणी औंदींनि उ, ऊं लुखुं कु पूरो-पूरो बचाव अर उद्धार कैरी सकद, किलैकि यीशु लुखुं कु पिता परमेश्वर बट्टी बिनती कनु कु हमेशा जीवित अर उपस्थित च।

Garhwali

²⁵ अर जु लोग वे पर बिस्वास करदिन वु ऊंतैं पिता परमेस्वर का पास लेके जान्दु अर ऊंतैं बचौण की ताकत रखदु, किलैकि वु ऊं सभ्यों खुणि हमेसा पिता परमेस्वर से बिन्ती करण वळु एक बिचलु च।

इब्रानी 7:25 Referans Kwoze

रोमियों 8:34

कुई भि हमारी निंदा नि कैर सकद किलैकि उ यीशु मसीह च, जु हम कु मोरि गै अर मुर्दों मा बट्टी ज्यूँदो भि किये गै, अर पिता परमेश्वर की दैंणी तरपां च, अर जु हमारी तरपां बट्टी पिता परमेश्वर बट्टी बिनती करदो।

1 तीमुथियुस 2:5

किलैकि भस एक ही पिता परमेश्वर च अर वेका अर मनिख्युं का बीच मा भि भस एक ही जुड़ण वलो च, यानि मसीह यीशु जु कि मनिख का रूप मा पैदा हवे।

यहूदा 1:24

एकमात्र पिता परमेश्वर ही च जु तुम तैं लमडण बट्टी बचै सकद, अर तुम तैं निर्दोष अर आनन्दित बणै सकद, जब पिता परमेश्वर तुम तैं अपड़ी महिमा मा अपड़ा संमणी खड़ो करद। वेल हम तैं हमारा उद्धारकर्ता प्रभु यीशु मसीह का द्वारा बचै। महिमा, गौरव, सामर्थ अर अधिकार बगत की शुरुआत बट्टी पैली ही वेको ही छो, अब भि वेको ही च, अर हमेशा कु वेको ही रालो। आमीन।

यूहन्ना 14:6

यीशु ल वेकु बोलि, “बाटु अर सचै मि ही छों अर जीवन भि मि छों बगैर मेरा द्वारा कुई पिता परमेश्वर मा नि पौंछि सकदु।

इफिसुस 2:18

मसीह ल हम कु जु कैरी वेका कारण अब हम सब उ एक पवित्र आत्मा का द्वारा पिता परमेश्वर का नजदीक ऐ सकदां छा।

रोमियों 5:2

हमारा विश्वास का कारण, मसीह ल हम तैं इन दया मा लये जख हम अब खड़ा छा, अर हम विश्वास अर आनन्द का दगड़ी पिता परमेश्वर कि बड़ै तैं साझा कनु कु आस दिखणां छा।

इब्रानी 11:6

अर पिता परमेश्वर पर विश्वास कैरी के ही हम वे तैं खुश कैरी सकदा, किलैकि पिता परमेश्वर का संमणी आंण वला तैं वे पर विश्वास कन चयणु च, कि उ छै च; अर उ जु वे तैं सचै का दगड़ी खुजदींनि, उ, ऊं तैं ऊंको प्रतिफल दयालो।

इफिसुस 3:20

परमेश्वर जु इन सामर्थी च, कि हमारी बिनती अर समझ बट्टी बढ़ि के काम कैरी सकद, वीं सामर्थ का अनुसार जु हम मा काम करद।

इब्रानी 9:24

वेका कारण, मसीह वीं पवित्र जगह मा नि गै जै तैं लुखुं ल बणै, जु कि सच्चा स्वर्गीय मन्दिर की भस एक छवि च; पर उ स्वर्ग मा गै ज्यां बट्टी उ हमारा फैदा कु पिता परमेश्वर का संमणी मौजूद हवे साकी।

इब्रानी 7:19

(इलै कि मूसा की व्यवस्था ल कै भि बात तैं सिद्धि नि कैरी) अर यांकि जगह पर हम तैं एक इन बड़ी आस च, जु यीशु मसीह मा च ज्यांका द्वारा हम पिता परमेश्वर का नजीक जै सकदां।

यूहन्ना 14:13

जु कुछ तुम मेरा नौं से मंगिल्या उ ही मि करुलु कि मि नौंना का द्वारा बुबा कि बड़ै हो।

इब्रानी 5:7

यीशु ल ईं धरती पर का जीवनकाल मा जु वे तैं मौत बट्टी बचै सकद छो, ऊँचा आवाज मा पुकारी कै अर रौवे के, पिता परमेश्वर बट्टी प्रार्थना अर बिनती कैरी अर बड़ा आदर का दगड़ी अपड़ा आप तैं परमेश्वर तैं सौंपणा का कारण पिता परमेश्वर ल यीशु की सूंणि।

इब्रानी 13:15

इलै हम यीशु का द्वारा अपड़ा होंठों बट्टी पिता परमेश्वर की स्तुति करदी रां य ही वेको हमारो बलिदान च।

इब्रानी 7:16

यीशु कै विशेष मनिख मतलब लेवी कु वंशज हूंणु कु या व्यवस्था अर विधियों का कारण याजक नि बंणि, पर उ अपड़ा जीवन का सामर्थ का कारण याजक बंणि गै जु कभी खत्म नि होला।

इब्रानी 2:18

किलैकि जब वेल मुसिबत अर अजमैशों कु अनुभव कैरी, इलै उ जंणदु च कि ऊं सभि लुखुं की मदद कन कै कैरो जु-जु अजमैशों कु अनुभव करदींनि।

फिलिप्पी 3:21

उ अपड़ी वीं शक्ति का द्वारा ज्यां ल उ सब चीजों तैं अपड़ा वश मा करदो, वीं शक्ति का द्वारा उ हमारा कमजोर देह कु रूप बदली के अपड़ा प्रतापमय देह जन बंणै दयालो।

यूहन्ना 14:16

मि पिता परमेश्वर बट्टी प्रार्थना करुलु अर उ तुम तैं एक और मददगार दयालो की उ सदनी तुमारा दगड़ा मा रालो।

2 तीमुथियुस 1:12

यु इलै हवे कि मि इख कैद मा दुखों तैं भि उठौंदु, पर शरमान्दु नि छौं, किलैकि मि मसीह तैं जंणदु छो, जै पर मिल विश्वास रखि, अर मि तैं विश्वास च, कि मसीह वे दिन तक जब तक उ वापिस नि आंद जु वेल मि तैं द्ये रक्षा कन मा सामर्थी च।

इब्रानी 7:24

पर यीशु हमेशा ही कु रौंद; इलै कुई भि याजक का रूप मा वेकी जगह अब नि ल्यालो।

इफिसुस 3:12

मसीह का दगड़ी हमारा जुड़णा का कारण अर वे पर हमारा विश्वास कि वजह बट्टी, अब हम परमेश्वर कि उपस्थिति मा हिम्मत अर आत्मा विश्वास बट्टी ऐ सकदा छा।

इब्रानी 7:8

अर लेवी का वंशजों का याजक जु दशमांश लींदा छा, उ ऊई छा जु एक दिन मोरि जंदींनि, पर यु मलिकिसिदक याजक जैल दशमांश लै छो, वेका बारा मा परमेश्वर का वचन मा गव्है दिये गै कि उ अब भि जीवित च।

रोमियों 5:10

किलैकि जब हम पिता परमेश्वर का दुश्मन छा त वेका नौंना मसीह यीशु कि मौत का द्वारा हमारो मेल मिलाप परमेश्वर का दगड़ी हवे, इलै हम निश्चित रूप बट्टी यु जांणि सकदा छा कि अब जबकि हमारो वे दगड़ी मेल मिलाप च त उ हम तैं बचालो किलैकि मसीह ज्यूंदों च।

1 कुरिन्थि 1:21

मि इन इलै बुल्णु छों, किलैकि पिता परमेश्वर ल समझदारी का दगड़ी यु निर्णय लये कि ई दुनिया का लोग अपड़ी काबलियत ल वे तैं जनण मा सक्षम नि छिनी। इलै पिता परमेश्वर ल ऊं लुखुं तैं बचौणु कु जु हमारा द्वारा प्रचार किये गै शुभ संदेश तैं मणदींनि, अर जु लोग यु नि मणदींनि उ बुल्दींनि कि हमारा उपदेश कु कुई फैदा नि च।

इब्रानी 2:9

पर हम प्रभु यीशु तैं दिखदियां, वे तैं कुछ बगत कु स्वर्गदूतों मा बट्टी थोड़ा सी कम करे गै, कि पिता परमेश्वर का दया ल उ सभियूं कु मोरि जौं अर इलै वेल यु दुःख उठै अर मोरि भि गै, पिता परमेश्वर ल वे तैं महिमा अर आदर द्ये।