इब्रानी 6:18 - गढवली नयो नियम

¹⁸ त फिर यु द्वी बात छिनी परमेश्वर कु वादा अर दुसरा वेकी सौं जु कभी भि नि बदल सकदी अर पिता परमेश्वर कभी झूठ नि बुल्द; इलै जु हम पिता परमेश्वर का नजीक सुरक्षा पांणु कु अयां छा अर जु आस वेल हम तैं द्ये, वे तैं थामि के छा, अर भौत खुश छा।

Garhwali

¹⁸ अर करार अर कसम की दुई बातों तैं कभि बदलै नि जै सकदु, किलैकि पिता परमेस्वर कभि भि झूठ्‍ठ नि बुल्दु। इलै हम बिस्वासी लोग जु कि वेकी हिफाजत मा रौणा छां, हम सभ्यों तैं बड़ी हिम्मत रखी के अपणी-अपणी आस वे पर बणै के रखण चयेणी।

इब्रानी 6:18 Referans Kwoze

तीतुस 1:2

उ पिता परमेश्वर का दगड़ी हमेशा कु रौंणे की आस करदींनि, किलैकि पिता परमेश्वर, जु कभी झूठ नि बुल्द, वेल दुनिया की रचना कन से पैली वादा कैरी छो, कि वेका लोग अनन्त जीवन मा ज्यून्दा राला।

2 तीमुथियुस 2:13

जु हम मसीह का प्रति विश्वासयोग्य नि छा, तभि उ हमारा प्रति विश्वासयोग्य रालो, किलैकि उ अपड़ा सचै पर चलणा का बरतौ का खिलाफ काम नि कैरी सकदो।

रोमियों 3:4

न! बिल्कुल न! बल्कि पिता परमेश्वर हमेशा सच बुल्द, अर हरेक मनिख झूठो ठैरलो, जन परमेश्वर का वचन मा लिख्युं च, “ज्यांसे कि तु अपड़ी बातों मा धर्मी ठैरा अर न्याय कन बगत तु जय पै।”

1 यूहन्ना 1:10

जु हम बुलद्यां कि हम ल पाप नि कैरी, त हम झूठा छा, अर हम ल वेका वचन तैं जरा भि नि मांणी।

इब्रानी 3:11

तब मिल गुस्सा मा ए के सौं खै, “उ मेरी वीं धरती मा जख मिल विश्राम दींण उ वीं जगह मा प्रवेश नि कैरी सकला।”

1 तीमुथियुस 1:1

मि पौलुस जु हमारा उद्धारकर्ता पिता परमेश्वर का अधिकार ल अर मसीह यीशु, जै मा हम आस रखदां, एक प्रेरित छो।

रोमियों 3:25

वे तैं पिता परमेश्वर ल यीशु मसीह का ल्वे का कारण एक इन प्रायश्चित बलिदान ठैरे, जु विश्वास कन से पूरी हूंद, कि जु पाप पैली बगत मा किये गैनी, अर जौं पर पिता परमेश्वर ल अपड़ी सहनशील हूंणा का कारण ध्यान नि दींनि अर माफ कैर दींनि; ऊंका बारा मा उ अपड़ी धार्मिकता प्रगट कैरो।

1 यूहन्ना 5:10

जु पिता परमेश्वर का नौंना यीशु मसीह पर विश्वास करदो, उ अपड़ा मन मा ईं गव्है तैं रखदो; जैल पिता परमेश्वर पर विश्वास नि कैरी, वेल पिता परमेश्वर तैं झूठो ठैरे; किलैकि वेल वीं गव्है पर विश्वास नि कैरी, जु पिता परमेश्वर ल अपड़ा नौंना यीशु मसीह का बारा मा दये।

1 तीमुथियुस 6:12

युद्ध मा एक अच्छा सिपै का जन, जु लड़ै मा कभी हार नि मणद, त्वे तैं भि, पिता परमेश्वर पर भरोसा कन अर वेकी आज्ञाओं तैं पालन कन नि छुड़ण चयणु च; अर वे अनन्त जीवन तैं मज़बूती ल पकड़ी ले ज्यांकु तु बुलै गै, अर जै को तिल मजबूत हवे के बोलि छो, कि तु मसीह पर भरोसो रखदि।

रोमियों 15:5

मि प्रार्थना करदु छों, कि धीरज अर हिम्मत कु पिता परमेश्वर तुम तैं मसीह यीशु कु अनुसरण कैरी के एक-दुसरा का दगड़ी शान्ति बट्टी रौंण मा मदद कैरो।

इब्रानी 11:7

विश्वास ही ल नूह नौं का आदिम ल जब वे तैं एक बाड़ का बारा मा पिता परमेश्वर ल चेतावनी द्ये जु वेल कभी नि देखि छै, त वेल पवित्र डौर का दगड़ी अपड़ा परिवार का बचाव अर उद्धार कु पांणी कु जहाज बणै, अर नूह का विश्वास से पैली, बकि दुनिया का लोग जु विश्वास नि करदा छा, ऊंल वेकी निंदा कैरी अर ऊं तैं भंगारी ठैरगे; किलैकि नूह ल पिता परमेश्वर पर भरोसा कैरी, इलै पिता परमेश्वर ल वे तैं धर्मी ठैरे।

1 थिस्सलुनीकी 1:10

अर पिता परमेश्वर का नौंना की स्वर्ग बट्टी फिर से आंणै की आस कना छिनी, जै तैं पिता परमेश्वर ल मुर्दों मा बट्टी ज्यूँदो कैरी यानि यीशु तैं जु हम तैं पिता परमेश्वर का आंण वला प्रकोप से बचांदु।

कुलुसी 1:27

किलैकि पिता परमेश्वर चांदो छो कि वेका लोग यु जणिल्यो कि मसीह कु धन और महिमा तुम अन्य-जातियों कु भि च, अर गुप्त बात य च मसीह तुम मा रौंदा, यु तुम तैं वेकी महिमा मा साझो हूंणो की आस दींद।

कुलुसी 1:23

पर तुम तैं विश्वास मा एक बुनियाद का जन मजबूत अर पक्को हूंण चयणु अर वीं आस तैं तुम तैं कभी नि छुड़ण चयणु च जु तुम तैं ऊं बट्टी शुभ सन्देश मिली वे ही शुभ संदेश कु प्रचार आसमान का मूड़ी रौंण वला दुनिया का सभि लुखुं तैं बतै गै अर मि पौलुस वेको प्रचार कनु कु सेवक बणु।

लूका 2:25

वे बगत यरूशलेम शहर मा शमौन नौं को एक आदिम छो अर उ आदिम धर्मी अर भक्त छो अर इस्राएल का लुखुं तैं शान्ति कि बाट जुगल्णु छो अर पवित्र आत्मा वेका दगड़ी छो।

मत्ती 24:35

आसमान अर धरती टळि जालि पर मेरी बोलि बात कभि भि नि टळदि।

इब्रानी 7:21

किलैकि लेवी का वंशज त बगैर सौं लियां यहूदी याजक ठैरे गैनी पर यीशु सौं का दगड़ी पिता परमेश्वर की तरपां बट्टी चुणै गै ज्वा यीशु का बारा मा बुल्दी, “प्रभु परमेश्वर ल या नई प्रतिज्ञा लै, मि अपड़ा फैसला बट्टी नि पछतौलु, कि तु हमेशा कु मलिकिसिदक का समान एक याजक छै।”

इब्रानी 3:6

पर मसीह एक नौंना का जन अपड़ा परिवार मा विश्वासयोग्य च अर उ परिवार हम छा, जु हम अपड़ी आस पर गर्व रखा, त हम पिता परमेश्वर का लोग छा।

कुलुसी 1:5

तुम्हरो यु विश्वास अर प्रेम वीं आस का कारण च जु तुम कु स्वर्ग मा रखि, तुम ल पैली बट्टी ही यांका बार मा सुणयूं च। जब पैली बार लोग तुम मा एनि अर तुम तैं यीशु मसीह का बार मा शुभ सन्देश सुणै, जु कि पिता परमेश्वर कु सचो संदेश च।

फिलिप्पी 2:1

तुम तैं हर्ष हो कि तुम मसीह बट्टी जुड़यां छा अर तुम तैं मसीही का प्रेम बट्टी तसल्ली मिलीं च, अर पवित्र आत्मा कु दगड़ो, अर किलैकि मसीह तुम कु दयालु अर मयलदु च,

मत्ती 3:7

जब वेल भौत फरीसियों तैं अर सदूकियों तैं बपतिस्मा लींणु कु अपड़ा नजदीक औंण देखि त ऊं बट्टी बोलि, “हे गुरो का बच्चों” तुम तैं कैल जतै कि औंण वला गुस्सा बट्टी भागा।

रोमियों 5:5

अर आस बट्टी निराशा नि हूंदी, किलैकि पवित्र आत्मा जु पिता परमेश्वर ल हम तैं दीं च, वेका द्वारा परमेश्वर कु प्रेम हमारा मनों तैं अपड़ा प्रेम बट्टी भुरद।

इब्रानी 6:17

इलै ही पिता परमेश्वर ल भि एक सौं खैई; ज्यांका द्वारा उ ऊं लुखुं तैं जौं बट्टी वादा किये गै छो, साफ-साफ दिखांण चांद कि उ वे वादा तैं पूरो करलो जैको वादा वेल कैरी छो।

इब्रानी 7:19

(इलै कि मूसा की व्यवस्था ल कै भि बात तैं सिद्धि नि कैरी) अर यांकि जगह पर हम तैं एक इन बड़ी आस च, जु यीशु मसीह मा च ज्यांका द्वारा हम पिता परमेश्वर का नजीक जै सकदां।