इब्रानी 5:5 - गढवली नयो नियम

⁵ उन ही के, मसीह ल भि अफ तैं महायाजक बनण कु नियुक्त कैरी के अपड़ो अफी सम्मान नि कैरी; बल्कि, पिता परमेश्वर ल मसीह बट्टी यु बोलि के नियुक्त कैरी जु वेल कै दुसरा याजक बट्टी कभी नि बोलि, जु कि परमेश्वर का वचन मा भजनकार लिखद, “तू मेरू नौंनो छै, आज मि यु बुल्दो कि मि तेरु बुबा छों।”

Garhwali

⁵ अर ठिक इन्‍नि यीशु मसीह न भि महा पुरोहित का पद तैं पौणु खुणि खुद तैं अफि नि चुणी, मगर यू आदर-सम्मान त वेतैं पिता परमेस्वर न दिनी। अर पवित्रशास्‍त्र की एक जगा मा परमेस्वर वेका बारा मा इन बुल्दु कि, “तू मेरु पुत्र छैई, अर आज से मि तेरु पिता छौं।”

इब्रानी 5:5 Referans Kwoze

यूहन्ना 8:54

यीशु ल जवाब दींनि, जु मि अफी अपड़ो सम्मान करूं त जु मि तैं सम्मान दींद उ मेरू पिता परमेश्वर च अर तुम बुल्दा कि उ तुमारो परमेश्वर च।

इब्रानी 1:5

परमेश्वर का वचन मा कभी कैल नि बतै कि पिता परमेश्वर ल उ सब कै स्वर्गदूत बट्टी बोलि, जु पिता परमेश्वर ल अपड़ा नौंना बट्टी बोलि, “तू मेरू नौंनो छै; आज मि त्वे तैं अपड़ा नौंना का रूप मा प्रगट करदु” अर फिर, पिता परमेश्वर ल इन अपड़ा कै भि स्वर्गदूत बट्टी नि बोलि, “मि वेको पिता बणलु, अर उ मेरू नौंनो बंणि जालो।”

यूहन्ना 7:18

जु अपड़ी तरपां बट्टी कुछ बोलु उ अपड़ी ही बड़ै चांद पर जु अपड़ा भिजण वला कि बड़ै चांद उ ही ईमानदार च अर वेमा बेमानी नि च।

खास चेलों 13:33

पिता परमेश्वर ल यीशु तैं मुरयां बट्टी ज्यूँदो कैरी, उ ही वादा वेल ऊंका वंशजों कु पूरा कैरी। जन कि भजन संहिता की किताब वेका दुसरा संख्या मा नौंनो का बारा मा पिता परमेश्वर ल बोलि, “कि तू मेरू नौंनो छै अर आज बट्टी मि तेरु बुबा बंणि ग्यूं”

रोमियों 8:3

किलैकि जु काम मूसा कि व्यवस्था हमारा पापमय स्वभाव बट्टी कमजोर हवे कै नि कैर साकी, वे तैं पिता परमेश्वर ल कैरी, मतलब अपड़ा ही नौंना मसीह यीशु तैं हमारा पापी देह का समान बणै के, अर हमारा पापों कु बलिदान हूंणु कु भेजि द्ये अर अपड़ा नौंना का देह का बदला मा पिता परमेश्वर ल पाप सामर्थ तैं तोड़ी द्ये।

इब्रानी 1:1

पुरणा बगत मा पिता परमेश्वर ल पुरणों बट्टी अर कई प्रकार ल परमेश्वर का तरपां बट्टी बुल्ण वलो का द्वारा बात कैरी,

यूहन्ना 3:16

किलैकि परमेश्वर ल दुनिया का लुखुं बट्टी इन प्रेम रखि कि वेल अपड़ो एकलौतो नौंनो दे दींनि इलै की जु कुई मि पर विश्वास कैरो उ नष्ट नि हो पर अनन्त जीवन पौ।

इब्रानी 2:17

इलै ही वे तैं हर ढंग से अपड़ा विश्वासी भयों का जन बनण पोड़ी; इन कै ही प्रभु यीशु पिता परमेश्वर कु उच्च महायाजक बंणि जु कि मयलदु अर विश्वासयोग्य च; अर इलै कि वे बलि का द्वारा जु पिता परमेश्वर कु लांद, कि लुखुं तैं ऊंका पापों बट्टी माफी मिल साको।

इब्रानी 3:1

इलै हे विश्वासी भयों, जु पिता परमेश्वर बट्टी जुड़यांं प्रेरित छा, तुम जु स्वर्ग मा पिता परमेश्वर का दगड़ी कठ्ठा हूंणु कु बुलै ग्यां, मसीह यीशु पर ध्यान द्या, जु हम कु पिता परमेश्वर कु शुभ संदेश कु दूत अर महायाजक च।

इब्रानी 5:10

अर वे तैं पिता परमेश्वर का तरपां बट्टी महायाजक कु पद मिली जन मलिकिसिदक याजक तैं मिली छो।