इब्रानी 3:2 - गढवली नयो नियम

² यीशु पिता परमेश्वर का प्रति विश्वासयोग्य छो, जैल वे तैं चुणि, उन ही के, मूसा ल विश्वासयोग्य हवे के उ सभि कुछ कैरी जु पिता परमेश्वर ल वे तैं कनु कु द्ये छो।

Garhwali

² अर वु पिता परमेस्वर खुणि भरोसामन्द च किलैकि वेन ही यीशु मसीह तैं ठैरै के ईं दुनियां मा भेजि। अर मूसा रैबर्या न भि ठिक इन्‍नि कैरी छौ, किलैकि जु कुछ पिता परमेस्वर न पुरणा जमना मा वे खुणि बोलि छौ, पितर मूसा न वेका मुताबिक ही परमेस्वर का सब लोगु की सेवा कैरी।

इब्रानी 3:2 Referans Kwoze

1 तीमुथियुस 3:15

कि जु मेरा औंण मा देर हवे जौं त तु इन जांणि जै कि परमेश्वर का कुटुंब जु कि ज्यूंदा परमेश्वर कि मण्डलि च, अर यु विश्वासी उन ही सच्ची शिक्षाओं का समर्थन करदींनि अर ऊं तैं बणै रखदींनि जन नींव अर खम्बा कै घौर तैं सहारा दींद अर वे तैं मजबूत करदींनि।

इफिसुस 2:22

हे अन्यजाति विश्वासियों, किलैकि तुम मसीह का दगड़ी एकजुट हो, इलै तुम तैं भि परमेश्वर का अन्य लुखुं का दगड़ी जुड़ै जांणु च, कि तुम एक इन घौर बंणि जावा जख परमेश्वर पवित्र आत्मा कि सामर्थ बट्टी रौंदो।

इब्रानी 2:17

इलै ही वे तैं हर ढंग से अपड़ा विश्वासी भयों का जन बनण पोड़ी; इन कै ही प्रभु यीशु पिता परमेश्वर कु उच्च महायाजक बंणि जु कि मयलदु अर विश्वासयोग्य च; अर इलै कि वे बलि का द्वारा जु पिता परमेश्वर कु लांद, कि लुखुं तैं ऊंका पापों बट्टी माफी मिल साको।

यूहन्ना 17:4

जु काम तिल मि तैं कनु कु दे छा ऊं तैं पूरो कैरी कै मिल धरती मा तेरी बड़ै कैरी।

1 तीमुथियुस 1:12

मि अपड़ा प्रभु मसीह यीशु को जै ल मि तैं सामर्थ दींनि, धन्यवाद करदु; कि वेल मि तैं विश्वास का लैख समझिके अपड़ी सेवा कु ठैरे।

यूहन्ना 15:10

जु तुम मेरी आज्ञाओं तैं पालन करिल्या, त मेरा प्रेम मा बंणयां रैल्या जन कि मिल अपड़ा पिता परमेश्वर कि आज्ञाओं कु पालन कैरी, अर वेका प्रेम मा बणयुं रौ।

यूहन्ना 8:29

मेरू भिजण वलो मि दगड़ी च वेल मि तैं इखुली नि छोड़ी किलैकि मि सदनी ऊं कामों तैं करदु जौं बट्टी उ खुश हूंद।

यूहन्ना 7:18

जु अपड़ी तरपां बट्टी कुछ बोलु उ अपड़ी ही बड़ै चांद पर जु अपड़ा भिजण वला कि बड़ै चांद उ ही ईमानदार च अर वेमा बेमानी नि च।