इब्रानी 2:8 - गढवली नयो नियम

⁸ पिता परमेश्वर तिल मनिख तैं सभि चिज्युं का मथि अधिकार द्ये।” इलै जबकि पिता परमेश्वर ल सब कुछ मनिख का भस मा दियेले, मतलब इन कुछ भि नि च, जु मनिख का भस मा नि हो, पर हम देखि सकदियां कि आज तक भि सभि कुछ मनिख का भस मा नि च।

Garhwali

⁸ अर तुमुन सब कुछ वेका अधीन मा कैरियाली।” अर सब कुछ वेका अधीन मा कैरी देण को मतलब यू च कि जथगा भि चीज छिन वु सब कुछ वेका हाथों मा छिन अर जन वु चौ वेको इस्तेमाल कैरी सकदु। मगर फिर भि आज हम इन दिखद्‍यां, कि कुछ बात इन छिन जु कि अभि भि वेका अधीन मा नि छिन।

इब्रानी 2:8 Referans Kwoze

यूहन्ना 13:3

यीशु यु जंणदु छो कि बुबा ल हर चीज पर अधिकार वे तैं दियुं च अर यु की उ परमेश्वर मा बट्टी अयुं च अर परमेश्वर मा जांणु च अर मि परमेश्वर मा बट्टी अयुं छों अर परमेश्वर मा जांणु छों।

1 कुरिन्थि 15:27

परमेश्वर का वचन मा लिख्युं च, कि पिता परमेश्वर सब कुछ मसीह का अधिकार का अधीन कैरी दयालो; किलैकि पिता परमेश्वर ल ही मसीह तैं अधिकार द्ये।

1 पतरस 3:22

अर उ स्वर्ग मा चलि गै। अब उ उख पिता परमेश्वर का दैंणा तरपां सबसे बड़ी जगह पर च, अर उ सैरा स्वर्गदूतों अर सैरा अधिकारियों अर सामर्थ पर राज्य करद जौं मा अधिकार अर शक्ति छिनी।

दिब्य दरस 1:18

मि एक बार मोरि ग्यों। पर अब मि ज्यूँदो छो अर मि हमेशा ज्यूँदो रौलु; अर मि मा अधोलोक की चाबी च जु मि तैं वीं जगह तैं खुलणै की शक्ति दींद जख मुरयां लोग छिनी अर ऊं तैं दुबरा ज्यूँदो कने की शक्ति दींद।

इब्रानी 1:13

अर पिता परमेश्वर ल अपड़ा कै स्वर्गदूत बट्टी बोलि, “तू मेरा दैंणा हथ जु सम्मान की जगह च पर विराजमान हो, जब तक कि मि तेरु दुश्मनों तैं पूरा ढंग से तेरु अधीन नि कैरी द्यो”

दिब्य दरस 1:5

अर यीशु मसीह का तरपां बट्टी जैका वचनों पर विश्वास किये जै सकद उ ही च जु मुर्दों मा बट्टी ज्यूँदो हूंण वलो मा पैलो अर उ ईं दुनिया का सभि राजाओं कु शासक च। अर यीशु मसीह हम बट्टी प्रेम करद। उ हम कु ल्वे बुगै के मोरि अर वेल हमारा पापों की सजा तैं खत्म कैरेले। इलै हम याजकों को एक परिवार बंणि ग्यां, जु पिता परमेश्वर की सेवा करद। इलै यीशु मसीह तैं महिमा अर शक्ति हमेशा मिलदी रौ आमीन।

इब्रानी 2:5

पिता परमेश्वर वे आंण वली दुनिया तैं जैका बारा मा हम बुल्णा छा, स्वर्गदूतों का अधीन न, पर प्रभु यीशु मसीह का अधीन कैरी।

यूहन्ना 3:35

पिता परमेश्वर नौंना से प्रेम रखदु अर वेल सब चीज वेका हथ मा दियीं छिन।

मत्ती 28:18

तब यीशु ल ऊंकु बोलि, “स्वर्ग अर धरती को सैरो अधिकार मि तैं दियुं च।”

इब्रानी 1:2

पर यूं आखरी दिनों मा हम बट्टी अपड़ा नौंना का द्वारा बात कैरी। पिता परमेश्वर ल अपड़ा नौंना का द्वारा सैरी दुनिया की रचना कैरी अर सैरी सृष्टि कु वारिस ठैरे।