इब्रानी 2:15 - गढवली नयो नियम

¹⁵ अर इन कै प्रभु यीशु ल ऊं सभियूं तैं आजाद कैरी दींनि जु अपड़ो पूरो जीवन मौत का डर मा हवे के गुलामों का जन जींणा छा।

Garhwali

¹⁵ अर हरेक मनखि का मन मा मौत की डौऽर छै, जैकी वजै से वु गुलामी को जीवन जीणा छा, मगर यीशु मसीह की मौत न ऊंतैं वीं डौऽर से आजाद कैरियाली।

इब्रानी 2:15 Referans Kwoze

रोमियों 8:15

किलैकि तुम तैं गुलामी की आत्मा नि मिली, गुलाम जु पिता परमेश्वर बट्टी डरदा छिनी, पर जब पिता परमेश्वर ल तुम तैं अपड़ी सन्तान का रूप मा स्वीकार कैरी त तुम तैं परमेश्वर कि आत्मा मिली, ज्यां बट्टी हम हे बुबा, हे पिता बोलि के बुलौंदियां।

2 तीमुथियुस 1:7

किलैकि पिता परमेश्वर ल हम तैं डरपोक नि बणै पर पिता परमेश्वर की आत्मा हम तैं सामर्थ बट्टी भरपूर बणै अर दुसरो तैं प्रेम कन मा मदद करदी अर हम तैं धीरज रखण सिखांद।

2 कुरिन्थि 1:10

वेल ही हम तैं मौत का बड़ा जोखिम बट्टी बचै, अर वे पर ही हमारी आस च, कि उ अगनैं भि हम तैं बचालो।

रोमियों 8:21

सृष्टि वे दिनों कु जग्वाल कनि च जब उ मृत्यु अर विनाश बट्टी छुटी के पिता परमेश्वर की सन्तानोंं का दगड़ी महिमामय आजादी मा शामिल हवे जाली।

गलातियों 4:21

अर तुम जु मूसा द्वारा लिखीं परमेश्वर की व्यवस्था का अधीन हूंण चांणा छा! मेरी बात सूंणा! मि तुम तैं बतौलु कि मूसा की व्यवस्था की किताब मा क्य लिख्युं च।

इब्रानी 2:16

किलैकि प्रभु यीशु त स्वर्गदूतों तैं न पर अब्राहम का वंश तैं संभलदो।