इब्रानी 2:10 - गढवली नयो नियम

¹⁰ किलैकि पिता परमेश्वर ल ही सभि कुछ बणै अर सभि कुछ वेको ही च, कि भौत स लुखुं तैं अपड़ी महिमा मा जोड़ो, पिता परमेश्वर ल यु फैसला कैरी कि यु ही ठिक च कि प्रभु यीशु दुःख उठै कै सिद्ध बण जौं; किलैकि यीशु ही च जु विश्वासी लुखुं तैं उद्धार की तरपां ली जै सकद।

Garhwali

¹⁰ अर जन पिता परमेस्वर न चै, वेन अपणी ताकत का मुताबिक सब कुछ बणै। अर इन वेन इलै कैरी, ताकि उ यीशु मसीह का द्‍वारा भौत सा लोगु तैं अपणी महानता मा सामिल कैरी सैको। अर लोगु तैं बचौणु खुणि वेन अपणी योजना तैं पूरु कैरी, ज्वा कि यीशु तैं मौत का दुख तैं झिलण की छै। अर फिर वेन यीशु तैं मुरदो मा बटि ज्यून्द कैरिके ईं बात तैं सिद्ध कैरियाली, कि वेका द्‍वारा लोग पिता परमेस्वर का पास आ।

इब्रानी 2:10 Referans Kwoze

रोमियों 11:36

किलैकि सब कुछ पिता परमेश्वर बट्टी आंदो। वेल सब कुछ बणै याली, अर सभि कुछ वेको ही च। वेकी बडै जुग-जुग तक हूंणी रौ, आमीन।

इब्रानी 12:2

अर विश्वास का बनांण वला पिता परमेश्वर अर सिद्ध कन वला प्रभु यीशु की तरपां दिखदी रा; जैल उ आनन्द जु वेका भविष्य कु रख्युं छो, बेजती की कुछ चिन्ता नि कैरी, अर सूली को दुःख सै; अर उ इलै मोरि कि स्वर्ग मा महिमामय पिता परमेश्वर का दैंणा विराजमान हवे जु।

इब्रानी 6:20

जख यीशु ल हमारी तरपां बट्टी हम बट्टी पैली स्वर्ग मा प्रवेश कैरी; उ मलिकिसिदक याजक की रीति पर हमेशा कु महायाजक बंणि गै।

खास चेलों 5:31

वे तैं ही पिता परमेश्वर ल प्रभु अर उद्धारकर्ता का रूप मा अपड़ा दैंणा हथ का तरपां सर्वश्रेष्ठ जगह मा ऊंचो कैरी कि उ इस्राएलियों तैं अपड़ा बुरी सोच विचार अर बट्टों बट्टी पिता परमेश्वर की तरपां मुड़ा अर वेका द्वारा अपड़ा पापों की माफी पां।

लूका 24:46

तब यीशु ल ऊंकु बोलि, “परमेश्वर का वचन मा इन लिख्युं च कि मसीह कु दुख उठांण अर तिसरा दिन मुर्दों मा बट्टी ज्यूँदो हवे जांण।”

लूका 24:26

यु जरूरी छा कि मसीह यु दुख तैं उठै अर फिर अपड़ी बढ़ै मा प्रवेश कैर,

1 पतरस 5:10

पिता परमेश्वर जु पूरा ढंग से कृपा करद च, वेल हम तैं मसीह यीशु का दगड़ी कठा कना का कारण स्वर्ग मा पिता परमेश्वर की अनन्त महिमा मा सहभागी हूंणु कु हम तैं चुणि। तुम्हरा थोड़ा बगत कु दुःख सौणा का बाद, पिता परमेश्वर तुम तैं अच्छो बणै दयालो कि तुम मा फिर कुई भंगार नि रौ अर उ तुम्हरा दिलों तैं मजबूत करलो अर वे पर तुम्हरा विश्वास तैं हकीकत मा मजबूत बणै दयालो।

इब्रानी 7:28

किलैकि मूसा की व्यवस्था त कमजोर लुखुं तैं महायाजक चुणदी; पर व नई प्रतिज्ञा जु मूसा की व्यवस्था का बाद ऐ वेल पिता परमेश्वर का नौंना हमारा यीशु मसीह तैं महायाजक का रूप मा चुणि ज्वा मूसा की व्यवस्था तैं बदली दींनि, अर यीशु तैं चुणदी जु हमेशा कु हम कु सिद्ध महायाजक बंणि गै।

इफिसुस 3:10

कि अब मण्डलि का द्वारा, परमेश्वर कि अनन्त बुद्धि ऊं प्रधानों अर अधिकारियों पर प्रगट किये जालो, जु अनदेखा दायरों कु जख आत्मा राज्य करदींनि प्रगट किये जौं।

दिब्य दरस 4:11

हे हमारा प्रभु परमेश्वर, तिल सभि चीजों की रचना कैरी, तेरी ही इच्छा का अनुसार, उ बणये गैनी अर उ मौजूद छिनी, इलै ही तू महिमा अर आदर अर सामर्थ पांणा का योग्य छै।

2 तीमुथियुस 2:10

इलै मि ऊं लुखुं का फैदा कु, दुःख सौणु छो, जौं तैं पिता परमेश्वर ल चुणि, कि उ भि यीशु मसीह पर विश्वास कैरा अर उद्धार का द्वारा बचै जै सैका, अर वीं महिमा तैं पां जु हमेशा बंणि रौ।

कुलुसी 3:4

जब मसीह जु कि हमारो जीवन च दुनिया मा वापिस आलो, तब तुम भि वेका दगड़ा मा महिमा दगड़ी प्रगट किये जैला।

गलातियों 3:26

जब तुम तैं मसीह का नौं बट्टी बपतिस्मा दिये गै, त तुम ल मसीह मा नयो जीवन तैं पैरी, जन एक आदिम नया कपड़ोंं तैं पैरदो। इलै, तुम सभि पिता परमेश्वर की संतान बंणि ग्यां जब तुम ल यीशु मसीह पर विश्वास कैरी।

2 कुरिन्थि 3:18

हम सब एक शीशा जन पिता परमेश्वर का महिमा का तेज तैं इन मुकूं बट्टी दर्शादा जै पर पर्दा नि पुड़यूँ, त पिता परमेश्वर हम तैं लगातार बढ़यां तेज मा जादा से जादा अफ जन बनांणु च। यु तेज प्रभु बट्टी ही मिल्दा, जु पवित्र आत्मा च।

रोमियों 9:23

वेल इन इलै कैरी, किलैकि उ दिखण चांदु छो, कि उ कथग महान च जब वेल ऊं लुखुं पर दया कैरी जौं तैं वेल अपड़ी महिमा मा भागिदार हूंणु कु पैली चुणि।

खास चेलों 3:15

अर तुम ल अनन्त जीवन को श्रोत तैं मारि डाली जै तैं पिता परमेश्वर ल मुर्दों मा बट्टी ज्यूँदो कैरी अर ईं बात का हम गवाह छा।

दिब्य दरस 7:9

यांका बाद मिल देखि कि लुखुं की एक इथग बड़ी भीड़ छै कि कुई भि ऊं सभियूं तैं नि गिणी सकदो छो। उ दुनिया का हर जाति, गोत्र, राष्ट्र अर भाषा बट्टी छा। उ सिंहासन अर चिनखा का संमणी खड़ा छा। ऊंका सफेद कपड़ा पैरयां छा अर हर एक आदिम को अपड़ा-अपड़ा हथ मा खजूर का फौका पकडयां छा जु कि एक आदर को चिन्ह छो।

1 पतरस 5:1

कुछ इन बात छिनी जु मि उख का पुरणा अगुवों बट्टी कन चांणु छो किलैकि मि भि तुम जन एक पुरणों अगुवा छो। मिल अफ भि ऊं दुखों तैं देख जु भौत बगत पैली मसीह ल सैनी। जब उ फिर वापिस आलो, त मि भि वेकी महिमा मा शामिल होलो अब मि तुम बट्टी बिनती कनु छो

1 पतरस 1:12

पर पिता परमेश्वर का तरपां बट्टी बुल्ण वलो तैं पिता परमेश्वर ल बतै कि ऊंका संदेश खुद ऊंका अफ कु नि छिनी बल्कि तुम कु छिनी। उ संदेश यीशु मसीह का बारा मा शुभ सन्देश प्रचार च जु तुम ल अब सूंणि। पिता परमेश्वर ल स्वर्ग बट्टी अपड़ो पवित्र आत्मा भेजि कि तुम शुभ सन्देश प्रचार कन मा लुखुं की मदद कैरा। यु सभि इथग अद्भुत च कि इख तक की स्वर्गदूत भि उत्सुकता ल यूं बातों तैं हूंदी दिखणां छिनी।

इब्रानी 7:26

किलैकि यीशु इन महायाजक च जै की हम तैं जरूरत च; उ पवित्र च, अर पापरहित च, अर शुद्ध च, अर वे तैं स्वर्ग मा मथि उठै गै।

इफिसुस 2:7

पिता परमेश्वर ल इन इलै कैरी कि आंण वला दिनों मा उ दुनिया का लुखुं तैं मिसाल दिखै साको कि ऊंको अनुग्रह कथग महान च। जु कुछ वेल हम कु कैरी हम तैं या दया दिखै गै जु मसीह यीशु का दगड़ी एकता मा छा।

2 कुरिन्थि 6:18

अर तुम्हरो पिता हुलु, अर तुम मेरा नौंना अर नौंनि हवेला; यु सर्वशक्तिमान प्रभु परमेश्वर कु वचन च।”

2 कुरिन्थि 5:18

अर सभि बात पिता परमेश्वर की तरपां बट्टी छिनी, जैल मसीह का द्वारा अफ दगड़ी हम तैं अफ मा मेल किये, अर लुखुं कु परमेश्वर का दगड़ी मेल मिलाप कनु कु काम दिये गै।

2 कुरिन्थि 4:17

किलैकि हमारी वर्तमान समस्या छुटी ही छिनी अर भौत जादा बगत तक नि राली; किलैकि यांको नतीजा अनन्त महिमा होलो जु ऊं सभियूं बट्टी भौत जादा होलो जै की हम कल्पना कैरी सकदा।

1 कुरिन्थि 2:7

पर हम पिता परमेश्वर कु उ गुप्त ज्ञान जै ज्ञान की बात हम करद्यां, जु छुपियूं छो, अर अभि तक कुई भि यु तैं नि समझी साकी छो। यां से पैली कि पिता परमेश्वर ल धरती की रचना कैरी, वेल पैली ही बट्टी सोचेले छो कि वेको ज्ञान हम तैं महिमा दयालो।

यूहन्ना 19:30

जब यीशु ल उ सिरका चूसि तब ऊंल बोलि, “पूरो हवे गै” अर वेल मुंड झुकै कै अपड़ा प्राण छोड़ी दींनि।

यूहन्ना 11:52

पर भस वे कु ही नि उ परमेश्वर की अन्य सन्तानों कु भि मुरलि जु यु धरती मा बिखरयां छिन कि ऊं तैं कठ्ठा कैर साका।

लूका 13:32

वेल ऊंकु बोलि, जु वे आदिम जु एक शियाल का जन चालाक च बोल दियां कि देखि ले मि आज अर भोल दुष्टात्माओं तैं निकलणु छौं अर बिमारों तैं खूब कनु छौं, तिसरा दिन मा अपड़ा काम तैं पूरो कैरी दयुलु।

लूका 2:14

सबसे ऊंचो, “स्वर्ग मा परमेश्वर की बड़ै अर धरती मा ऊं मनिख्युं मा जौं बट्टी उ खुश च शान्ति हो।”