इब्रानी 13:5 - गढवली नयो नियम

⁵ अपड़ा जीवन तैं धन का लालच बट्टी दूर रखा, अर जु तुम म च, वे पर ही संतोष किया कैरा; किलैकि पिता परमेश्वर ल अफ ही बोलि, “मि त्वे तैं कभी भि नि छुडलु, अर न कभी भि त्वे तैं त्यगुलु।”

Garhwali

⁵ अर तुम लोग धन को लालच नि कैरा, बल्किन मा जु कुछ भि तुमरा पास च तुम वेमा खुश रा, किलैकि परमेस्वर न खुद इन बोलि कि, “मि त्वेतै कभि भि नि बिसरलु अर ना ही कभि छुड़लु।”

इब्रानी 13:5 Referans Kwoze

मत्ती 6:25

इलै मि तुम मा बुल्णु छौं कि हर रोज यु चिंता नि करयां कि हम क्य खौला अर क्य प्यूला अर न अपड़ा देह कु कि क्य पैरुला क्य प्राण खांणु से अर देह कपड़ोंं से बढ़ि के नि च?

मत्ती 6:34

त भोल का बारा मा चिन्ता नि कैरा आज कु आज को दुःख भौत च।

कुलुसी 3:5

इलै तुम ऊं बुरा कामों तैं छोड़ी द्या जु तुम्हरा पापी स्वभाव बट्टी जुड़यूं च, यानि व्यभिचार, अशुद्धता, वासना, बुरी लालसा, अर लोभि नि बणा यु मूर्तिपूजा का बराबर च।

लूका 3:14

अर सिपाहियों ल भि वे बट्टी पूछि कि “हम ल क्य कन” वेल ऊंमा बोलि, “कै पर अन्यो नि करयां अर न झूठो भंगार लगयां अर अपड़ी कमै पर संतुष्ट रयां।”

2 पतरस 2:14

उ हर एक जनन दगड़ी व्यभिचार कन चयदींनि, जै तैं उ दिखदींनि। उ पाप कना का मौका खुजंण से कभी नि चुकदींनि। उ कमजोर आत्माओं तैं लुभोदींनि अर ऊं लुखुं तैं धोखा दींदिनि जु मसीह पर मजबूत विश्वास नि करदींनि, अर उ ऊं तैं पाप का तरपां लिजांद। ऊंका जादा से जादा चीजों तैं पांणु कु हमेशा बढ़ण वला लालच का कारण पिता परमेश्वर ऊं तैं दण्ड दयालो।

1 तीमुथियुस 3:3

उ एक शराबी आदिम नि हो जु हमेशा लड़ै कनु रौ; झगड़ा कन वलो आदिम नि हो, उ दयालु, धीरज रखण वलो अर शांत स्वभाव कु हो, अर धन कु लोभि नि हो।

इफिसुस 5:5

किलैकि तुम अच्छा से जंणदा छा, कि कै व्यभिचारी, य अशुद्ध मनिख (जै मा दुष्टात्मा हो) य लोभि मनिख, एक मूर्तिपूजा कन वला का बराबर हूंद, जु ईं दुनिया का चीजों कि आराधना करदां, अर कभि भि मसीह अर पिता परमेश्वर का राज्य हिस्सा नि बंणला।

2 पतरस 2:3

यु शिक्षक लालची होला, अर उ बनि-बणै मिसाल सुणै के तुम तैं धोखा दीला कि पैसा कमै साका। पिता परमेश्वर ल भौत बगत पैली ही फैसला कैरेले छो की उ ऊं तैं दण्ड दयालो अर उ यूं कनु कु तैयार च। उ निश्चित रूप मा ऊं तैं नाश कैरी दयालो।

इफिसुस 5:3

जन पवित्र लुखुं का लैख च, उन ही तुम मा व्यभिचार, अर कै भि किस्मै का गंदा काम, या लोभ कि चर्चा तक नि हो।

1 कुरिन्थि 5:11

पर मेरू बुल्ण इन च, कि जु कुई अपड़ा आप तैं विश्वासी बुल्ण वलो हो अर व्यभिचारी, य लोभि, य मूर्तियों तैं पुजण वलो, य गल्ली दींण वलो, य पियक्कड़, य धोखा दींण वलो हो त वेको दगड़ो नि करयां बल्कि इन मनिख का दगड़ा मा खांणु भि नि खैयां।

लूका 8:14

जु झिबलांण मा गिरी उ यु छिनी जौं ल वचन तैं सुणदा त छिन पर बडद-बडद चिंता अर धन दौलत का सुख का फैर मा फंसि जंदींनि अर वे तैं कुछ फैदा नि हुंदा।

मरकुस 7:22

लोभ, दुष्टता, छल, लुचापन, कुदृष्टि एक हैंका बुरै कन घमण्ड अर मुर्खता निकलदी।

यहूदा 1:11

ऊं पर हाय! कि उ कैन का जन दुष्टता बट्टी अपड़ा जीवन तैं चलौंदींनि, जैल अपड़ा भैय की हत्या कैरी किलैकि उ वे बट्टी जलदो छो, किलैकि पिता परमेश्वर ल वेका भैय का बलिदान तैं स्वीकार कैरी छो पर वेका बलिदान तैं न। उ बिलाम का जन च, जैल पिता परमेश्वर का लुखुं तैं पाप कनु कु उकसांणै की कोशिश कैरी, कि उ धन तैं पै सैका जै की पेशकश वे तैं किये गै छै। उ कुयड़ा जन नाश हवे जाला, जैल वे अधिकार का विरुद्ध मा विद्रोह कैरी जु पिता परमेश्वर ल मूसा तैं द्ये छो।

1 कुरिन्थि 6:10

न चोर, न लोभि, न पियक्कड़, न गल्ली दींणवला, न अंधेर कन वला पिता परमेश्वर का राज्य का वारिस होला।

रोमियों 1:29

उ सभि किस्मै कि अधर्म, अर दुष्टता, लोभ, अर बैरभाव बट्टी भूरै गैनी; अर डाह, अर हत्या, अर झगड़ा, अर छल, अर जलन बट्टी भूरै गैनी, अर चुगलखोरि,

मत्ती 6:19

अफ कु धरती पर धन कठ्ठा नि कैरा जख कीड़ा अर कुरय्यो बिगड़दा छिन अर जख चोर सेंध लगौंदिनि अर चोरी करदींनि।

2 कुरिन्थि 4:9

सतै त जणदां; पर छुड़ै नि जणदां; गिरै त जणदां, पर नाश नि हून्दियां।